اقتباس:
المشاركة الأصلية كتبت بواسطة سماوي بن نجم
السلام عليكم ورحمة الله وبركاته
بالنسبه لكلام بعض الاخوه اللي قالوا ان الصمان لمطير فنقول كفو وكلام صحيح بس احب اوضح ان الصمان مهوب لمطير لحالهم الصمان للعجمان ولمطير والجميع يعرف هذا الكلام
مجرد توضيح
ويعطيكم العافيه
|
وعليكم السلام ورحمة الله
اخوي سماوي بن نجم المقصود بالصمان والمعروف لدينا هو الذي تقطنه قبيلة علوى من مطير وعدوده الثلاثه المشهورة اللهابه للدوشان واللصافة للجبلان والقرعاء ايضآ . واجواء الصمان الشهيرة جو لبن وجو ساقان ودكاكة مويثل ودكاكة فيصل الاكوخ والصلب الموقع المعروف . وهي اهم مناطق الصمان ويحده من الشمال الصداوي للدوشان كحماية لحدود الصمان من تلك الجهة وام قليب لبن عشوان جنوب وديرة ابن شرار والكدادية وغيرها . واهم بلدة في الصمان كموقع هي الرفيعة لذوي فيصل بن سلطان الدويش وتسمى قديمآ (( جراره )) لانها تجر اهل الحلال والبدو كموقع مشهور وقت الربيع وانا بنفسي جيت للرفيعه عدة مرات ايام الربيع وصدقوا البدو اللي سموها جراره شفت اهل الحلال مع حلالهم والاجواء الربيعيه الخلابه فهذا هو صمان قبيلة مطير وهو افضل المواقع . ومطير تمتلك افضل الديار ليس في الصمان وحسب بل في عالية نجد الشمالية وسدير والقصيم .