بيض الله وجهك ياخالي ياطير شلوى على القصيده من زين القصيده شلت الجهاز وخليت امي تقراها.... لاكن حبيت اقول ياطير شلوى ان حكم ال رشيد ماكان على الحجاز..
وال رشيد والله انهم كفو جاء ومن ناحيت انهم ماحكمو الخرج والي حوله غير صحيح ال رشيد حكمو نجد كلها وكل القبائل تشهد لهم باالشي هذا
وحن ياالعجمان بينا وبين ال رشيد علاقه جيده وغير جيده بس انا مااذكر الا الشي الي انا اعرفه
قصيدة حمود العبيد الرشيد
يالليل سلمني على الشيخ راكان = سلم على زيزوم يام واميره
وقل فعلنا شافه حزام وفاران يوم على عروى تقطع غثيره
وكان يبشر الشيخ راكان بن فلاح باالنصر
ورد الشيخ راكان
خط لفانيبه حزام وفاران = ياسر قلبي يوم جاني بشيره
ومن حد نجران ليا قصر برزان = ماهوب انا ياالضيغمي انت اميره
والشيخ راكان شهد لهم من باب نجران ليا قصر برزان وماقاله راكان الا لاانهم كفو
والبيت
سلام مني لاخو نوره لزوم عليه==قبل الحبيب وقبل قاصي وداني
وهذا يدل على حب الشيخ راكان بن فلاح لابن رشيد
وانا والله مااحب اسولف باالماضي لا كن انت يافهد حقرت الرجال وخليته رجال مو كفو وانا اقول الكل فيه حقه والكل دون حقه
وياالي تقولون حكم ال رشيد قبلي اكيد راح يكون قبلي لان قبل التوحيد كانت القبايل تأكل بعضها يعني وشلون ماتبونه يطلع قبلي... بس الحمدلله الي سخر لنا الملك عبدالعزيز ووحد الجزيره وصرنا اخوان الله يطيب ثراه....
وياالسلاطين تقول (فيه مودة غير طبيعيه بين العجمي والشمري)
اكيد لبى قلبك الاجواد والكفو راح يحبون بعضهم وتكون بينهم مودة
وانا وبلا تفاخر عجمي ومعيضي وخوالي الرمال من شمر وابشرك اصبر اخلص الدراسه وبأاتزوج من خوالي وان شاء الله تشوفون كرت العرس عندكم فاالمنتدى,,,
والله يعز ويطول بأعمار معازيبنا ال سعود ومعازيبنا ال صباح
وانا اول مره اشارك والله لايهينك ويعطيك العافيه يااخوي طير شلوى
وتقبلو تحياتي