[وكيل آدم]

بعض المواقف لزوم انّك تعدّيهـا
عشان ماتحرق اعصابك ولا دمّك
والكلمه اللي تجي محـدٍ مقدّيهـا
لاتعترضها ويتعكّر بهـا جمّـك
ان جيتها خلّها وان جات ودّيهـا
ابعد عن الشر من كمّك ليا كمّك
والصاحب اللي عروقه مايهدّيها
لو منت معمي عيونه كان ماذمّك
والكلمه اللـي تعـوّر لاتبدّيهـا
يمكن تصكّ بصْفاه و تتجه يمّـك
وتعوّد اللـي تغديـك و تغدّيهـا
تقلط على راحتك وتقلّطك همّـك