انا على نيتـي ، واللـي علـى نيتـه=لو جمعوا له سـواد قلوبهـم بعثـره
مانقصـوا مـن طموحاتـه وشعبيتـه=ولاحركو من طرف راس الطموح شعره
والشعر ماهوب فـي وزنـه وقافيتـه=الشعر في ندرة بيوتـه وزيـن بحـره
ليـا تجـاوزت هفـواتـه وسلبيـتـه=انا اشهد ان القصيد يصير فيـه ثمـره
يرتاح من يستلـذ الشعـر فـي فيتـه=وينام في عين من قض الجفون سهره
والشعر كم له فقـد نبضـه وعافيتـه=كم له تشد الحمـول الجايـره فظهـره
ولولا مـن يهمنـي وتهمنـي جيتـه=والله لسوي لشريانـي عنـه قسطـره
اللي مهيمـن علـى قلبـي بعفويتـه=ايغيب وان غاب ماادري عنه وين ديره
ماينعرف مستـوى اهمالـه وجديتـه=آقول ماوالله اعـذره واقـوم اعـذره
آخـاف لاسلمـه قلـبـي وحريـتـه=اسلمه خافقـي حتـى يجيـب خبـره
عجزت لاحلل مـع الوقـت شخصيتـه=وسلمت بامرن محد من هالبشر ينكره
تدرون وش يفقـد الرجـال اهميتـه؟=لاسلّم السلطه اللي فـي يدينـه مـره