في رثاء الشيخ / ضيدان بن راكان بن حثلين رحمه الله واسكنه فسيح جناته
بعنوان : ( شيخ الطيب والعجمان )
…………......................………..
يقول ( الشامري ) لي لابــة ٍ مـا دونها جـــدران=إلى من ناشــني ضيم الــــزمــان آتي لـــواديها
واميـّــز في رجــال الطيب بين الـزود والنقصان=واعرف ان المراجل مالها الا كــف معــطــــيها
هل الصــــرّار وشداد ٍ جـعـل للمرجلة عـنـوان=والى يوم القـــــــيامة باقي ٍ للفــخــــــر بانيها
تزعمها نسل حــــثلين في الماضي وحتى الآن=على غـم الحـــســــــــود اللي يدورها ويخطيها
اقوله والبقا في راس خــــالد ، ياعسى الاحزان=تزول ولايظــل الا الـــثـــــواب اللي يـكـافـــيها
سلام الله على ( خالد ) ، وخـالد يتصف بايمان=يعرف ان النفـــــــــــوس الغاليه في يد باريها
مصاب ٍ يخلـِف العــــود الثقيل ويودعـه حيران=ولكن كل امـــــــــــــــــانه مسترده كيف نبكيها
ولايطلب من المسلم سوى التسليم للرحــمـــــن=ودعــوة خـــــــير والمولى كفيل يثيب راعيها
ويكتب له مع الغـفــران بالجـنات زود احـســان=تشوف العـــين عين الحور تتويج ٍ لماضيها
عسى الله يكرم وفادة ( عقيد الطيب والعجمان )=وفد لاكرم كــــريم ٍ يعــطــي الجــنه لمغليها
نعم والله بيشفع له جميل الفعل والعـــــــــــرفان=تعصـّــب للفـخـــــروالــدين باولها وتــــاليها
ولاوالله يعوضنا سوى الاشــــــــــبال من ضـيدان=رجـال ٍ تاخذ العـليا على اللي يدّعي فيها
بسيف ٍ عـادته يفري الكـبود ، ويرهب العـدوان=بقى الـ( حثلين ) للتاريخ قصة مجـد نرويها
نعم لازال للعجمان عن حـر الهجـــــــــــير كـنان=على العـليا او القصيا بحـيــل الله تقاسيها
رجال ٍ طيبهم يغني الفقـــــــيرويروي الظميان=ويبرد كل كـــبــــدٍ ما تلذذ في مشـــــــاهيها
رجال ٍ تكسب الطـولات سلم وحـرب سر اعلان=وحـن فــي دبرة الله تحت رايتهم ونعـليها
بقيتم ، والبقا في روس " يام العز " من نجران=لياحد الكـــــــويت وكل شبر ٍ بين اراضيها
أقوله واستبيح الـعـــذر في التقصـــــير يالظفران=بيوت الشعر في ضيدان جيت اليوم اعزيها
…………......................………..
بقلم اخيكم / عبدالله بن مبارك آل عاتي
وتحياتي للجميع.