السلام عليكم ورحمة الله وبركاته ...
ياهل الجيب الجديد اللي موديلـه تـوّه .. = لاتماليتوا وعزّمتـوا علـى المرواحـي
علموني حزّة الممشـا يامـال القـوّه .. = لجل اجهّز لي سلامٍ دهن عوده فاحـي
وفيه عودٍ ازرقٍ من فوق جمـر الـدوّه .. = وفيه من طعم العسل من سدرة الفلاحي
وصلوه لمن يثمـن عشرتـه والخـوّه .. = السنافي اللي يسمى بوعبيـد مناحـي
جعل وبل الغيث لامنّـه تزبّـر نـوّه .. = يذكرون انه على دار السنافي طاحـي
والله يجيره من إصدوف الزمان وسـوّه .. = وجعل يقضي طول عمره ينعم بلفراحي