[شـمـوخ مـطـيـر]

.
.


ضيّعتني ما بيـن (إيهـك) و(لائـك) .. حتى تساوت عندي ال(لاء)وال(إيه)؟
أحيـان تثبـت للمحـبّـه ولائــك .. ونفس الولاء بغمضـة العيـن تنفيـه
كريم فـي بخلـك ، بخيـل بعطائـك .. تاخـذ ولا فكّـرت معطيـك تعطيـه
وش حيلتي لا صار صبحك مسائـك .. مساك صبح وصبحك الليـل ممسيـه
وقلبي ضحيّه مـن ضحايـا ريائـك .. ما قلت أنا آحبّـه ولا قلـت ماآبيـه
تقول (حب) بطـرْق حائـك وبائـك .. شيٍ تقولـه وانـت تجهـل معانيـه
وش لي بمدحك لا طرالـي هجائـك .. طبعك عنيد ومدحتـي ضايعـه فيـه
مـرّه تبـيّـن للمشـاعـر عـدائـك .. ومـرّه عدائـك للمشاعـر تعاديـه!
ومرّات تكسر خاطري فـي رجائـك .. ومرّات يتكبّر خفوقـك وانـا ارجيـه
مـدري تخـاف الحـب ولاّ حيائـك .. يحـول بيـن اللـي تكنّـه وتخفيـه؟
ولاّ لعشـاق الغـمـوض انتمـائـك .. احترت في طبعك ولا ادري ش اسميّه
خـلاص سمعـي مـا يلبّـي ندائـك .. وفّـر كلامـك واتركـه لا تنـاديـه
مدام موضوع الهـوى صـار شائـك .. والجو عكـرٍ يصعـب انّـا نصفيّـه
حبّـك توفّـى واحسـن الله عزائـك .. وقلبـك لبيـبٍ والإشــاره تكفـيّـه

.
.

!!