السلام عليكم ورحكمه الله وبركاته
تكفي عن المقدمه .. لـ/حمد بن صالح
صلوا على النبي
.
.
.
.
.
.
.
.
الليله الليله بغيت أموت من حر الوداع=حتى صلاة العصر مرتني ولاصليتها
واستغفر الله من كلامٍّّّ لايقال ولايذاع=يارب لاتغضب وتغفرلي الى عديتها
اخاف من يومٍ يظيق الكون من عقب اتساع=واخاف ربي لا يحاسبني الى ماديتها
لكن عندي مشكلة خرسٍ مظاليلٍ وساع=عيت تخليني على الدنيا ولا خليتها
مريتها عاما ثنيه ودعست بيتي رباع=ياليتها ما مرت البارح ولا مريتها
من حبها كن ماخلق غيري على الدنيا شجاع=لو دربها جمرة وطتها الرجل ماحسيتها
اسوق عمري في رجاها لو تعشاني السباع=اهم شي اشوف لفتتها وشارع بيتها
اظمالها في ذمتي ذمه وطاريها متاع=حتى اسمها يزيد في روحي الا سميتها
لا ابطيت منها ضقت من ثوبي ومن شتا البقاع=وترد روحي كل مانادت علي واوحيتها
والى سمعت اسمي يفز القلب ويجيه اندفاع=ما كني اسمعها والى عادت لاسم لبيتها
والله لو انها جمرةٍ حمرى يخالطها شعاع=اني قبل لااعرف مدى تأثيرها ظميتها
هذا غلاها كل يوم وكل ليله في ارتفاع=يعني غلاها جابه الله لي كذا واغليتها
وان قالو العالم روايا الحب مافيها استماع=يمكن تجاوبهم صدى الونه الى ونيتها
وان قالو ان الحب ضيعه والسبب في الانصياع=قلت المحبه مايعذربها الى ذميتها
ان كان حبي صار ضيعه قلت ياحلو الضياع=لا والله الا ضاعوا العالم وانا دليتها
دليت لي شيخةجمال وعرف واسناع وطباع=واقول اجل منا بحبه كان ماحبيتها
هذا قراري والقرار الصعب يعطي الاقتناع=ماعاد ينفع به ياعل او ياعسى او ليتها
غير اعذروني لو غدى موتي على سبه وداع=النفس لو اقدر عليها من عصر رديتها
روحت انا ويا همومي من صراعٍ في صراع=حتى صلاتي قد بغيت اسج ماصليتها
.
.
وبــ س