||
لاواهني منهو جهل طبـع الايـام ..
يجهل عناها جاهـلٍ فـي غثاهـا
ماحار فكره فـي زمانـه ولاحـار ..
داخل فـؤاده علـةٍ كـم خفاهـا !
((ياقلب لاتحزن ))على مر الاعوام ..
ولايتعبك ماضي السنيـن وعناهـا
انسى المصاعب واجعل الفكر قـدام ..
بد الليالي تسعـدك فـي ضياهـا
خل الدموع وخـل تفتيـش الآلام ..
يمكن مع الايـام تلقـى دواهـا !؟
ولا لا يصيبك من عنا وقتك احطام ..
ارضَ بنصيبك والحيـاة وقساهـا
ماانت الوحيد اللي شكا ويل واسقام ..
دنيا على غيـرك تطاحـن رحاهـا
ياكم منهـا حـالٍ اليـوم منضـام ..
وياكم مـن عيـنٍ تزايـد بكاهـا
وياكم فيها مـن مساكيـن وايتـام ..
ذاقو عناها مااهتنو فـي حلاهـا
وياكم فيها ضاعت احلااام واحلااام ..
مسكين ياللي عايشٍ فـي رجاهـا
وياقلب لاتحزن على مـر الاعـوام ..
ولايتعبك ماضي السنيـن وعناهـا
||