،
،
الدمعه إللـي بللّـت روس الأهـداب
ماجيت أببحث مـن وراهـا قضيـه
لأن الدموع إللي من العيـن تنسـاب
أنـا أعتبرهـا فـي زمانـي ،، هديـه
ياصاحبي ،، ضاعت مفاتيـح الأبـواب
وإتبدلـت كــل المفاهـيـم فـيّـه
لين البدر قام يتلاشـى وثـم غـاب
ودنيـاك صـارت ظلّمـتٍ خرمسيّـه
تـدري ،، لأنـك كلـك غيـاب بغيـاب !!
دايـم حضـورك بالعيـون الشقيـه
أحباب ،،، حنا شكل صـوري للأحبـاب
أجسـام ،،، مافيـهـا ولا روح حـيـه
سئمت منّك ،،، ماخـذ الوضـع بعتـاب
وتحطنـي المخطـي بليّـا خطـيّـه !!!
(تشكي وأنا أشكي) وكل منا له أسباب
ومدري من المجرم ،،، ومنهو الضحيـه
،
،