..
..
ماكرهتك ربي يعلـم لا ولاعمـرك تهـون=
عاذرك لا أخترت تبعد رح ولاتهمك سنيني
..
..
عش مع غيري وشوف اشلون هالدنيا تكون=
كيف باكر في حياتك كيف ترجع ترتجينـي
..
..
في صلاتي أدعي ربي ياعسـى تتوفقـون=
هذا مادام اختيارك رح أنا وش في يدينـي
..
..
ياحبيبي كان خايف تتـرك بقلبـي طعـون=
رح عسى ربي يبيحك يابعد قلبـي وعينـي
..
..
قلبي الصادق يحبك ماقـدر يقسـى حنـون=
شوف انا ضاعت حياتي احتري باكر تجيني
..
..
احتريتك ياحبيبي في عيـون اللـي يجـون=
احتريتك كان ودي فـي حنانـك تحتوينـي
..
..
أعترفلك أني تايـه عاشـق لحـد الجنـون=
اني واقف في شموخي بس ميت من حنيني
..
..
غصب عني يوم شفتك بان حبـي بالعيـون=
ماعرفت اشلون اخبي وانفضح كل شي فيني
..
..
وش بيدي ياحبيبي يـوم خانتنـي الظنـون=
وش بيدي وانت حايـر ماتبينـي أو تبينـي
..
..
قالوا مشغول بحياتـك قالـوا ما لا يعلمـون=
ياعواذل وش عليكـم ليـه انتـم حاسدينـي
..
..
وكان ربي ماجمعنا ماكتـب ربـي يكـون=
ماكرهتك ربي يعلم والقـدر بينـك وبينـي