تولّعت بك والله كتب لي على فرقاك
حسبي على الحظ الرّدي كانه أشقاني
.
.
أنا ما شعرت إني مع الناس قبل ألقاك
و لا ذقت للدنيا طعم قبل تلقاني.
.
و لا كنت أحس بروعة الحب قبل أهواك
و لولا عيونك ما كتبت أجمل ألحاني.
.
سقى الله ليالي خالدة عشتها ويّاك
بدرب الحويّة بين عشبٍ و غدراني
.
.
تذكرت يوم أقبلت كأنك تحسب خطاك
تمايل بعودٍ نايف الطول ريّاني
.
.
و ترفع طرف ملبوسك الضيق بيمناك
و شلال شعرك تنثره فوق الأمتاني.
.
ترى اللي يسليني عن مشاهدك ذكراك
أنا مستحيل أنساك أخاف أنتَ تنساني