اللي انكتب في يوم لقياه / فرقاه ,
ما كنت اظنه في شباكه شبكني ,
زود ٍ على ملحه وطلة محيّاه ,
عزالله انه بـ اهتمامه .. ملكني ,
مثل العسل شيئين .. هرجه وحنّاه ,
وانا بصّمت بـ عشري انه هلكني ,
يقول ركنك ليه ما انته بـ وياه !!
واقول : ليه اهتم بعدك بـ ركني ؟
المنتدى كله .. من ادناه لـ اقصاه ,
كنه يقول مع الموبايل إشركني !
وقبل الوداع وحيرة اخطاي واخطاه ,
علمته بـ شي ٍ عن الناس .. مكني !
ماهو غريب ان شفت قلبي بـ يمناه ,
ظلي وهو ظلي .. تبعه وتركني !
لو لـ الدموع يدين .. يوم اتعداه !
يمديه قبل اصد عنّه .. مسكني ,