موضوعي اليوم عن مـــغـــــامــــــراتــــــكـــــــم الحلوة و ادري الواااايد مع السواقة
معروف عند الكل ان احنا ( معشر النساء ) ما نعرف نسووق
و اذا شافوا الي جدامهم سوا اي حركة غلط قالوا اكيد هذا يا سايق او مرى
و للاسف تطلع صج مرى
ف ابيكم تقولون لي عن مغامراتكم و الحركات الي صارات معاكم
و الي يسوق والى تسوق و ما تسوق تقدر تقول عن مغامرات سمعتها من اخوها اختها اعيال عمه وخاله بنت خالتها ربعا و رفيجتها اي احد عادي او عن شي صار جدامها
ابتدي انا اول شي اقولكم عن حركة غبية سويتها ( ترى انا توني محصلة الليسن , ) رحت اوخر سيارة امي عشان كانت مسكرة على سيارة اختي و اختي بسيارتها تبي تطلع جان اروح احرر السيارة و احط دي و كل شي تمام عادي و ادوس بنزين ولا السيارة ما تتحرك حدي استغربت شفيها ما تتحرك ! و تطلع صوت جنها مغرزة و من غبائي اطل اشوف اذا التاير مغرز لووووول و المشكلة ابوي قاعد بسيارته جدامي و يطالعني يشوفني شسوي عاد انا حدي توهقت اشوف و اجيك على كل شي ولا مو منزلة السايد برييك لووووول حسييت كل غباء الدنيا صار فيني و ابوي يصارخ يقولي شقاعدة تساويييين ؟ حده انقص وجهى
و اتمنى من الكل المشاركة