.
.
بيني/ وبينك/ ليل/ واسـوار/ واغـلال
وأمـواج تصفـق/ مـا عرفنـا مداهـا
وسبعة (( قصائد )) جدّ في عنق الأطفال
وهم/ وتعب/ واحـزان دارت رحاهـا
بيني/ وبينك/ طيـر/ ونغمـة/ ومـوال
ولهفـة/ وتنهيـده/ ووقــت ٍ بـلاهـا
بيني/ وبينك/ رمل صحـراء/ وخّيـال
وشـوق ٍ يعذبنـي/ وحــب ٍ بنـاهـا
تنهـدّت فينـي صحـاري مـع جبـال
عقب البطـا مـا جابـت الغيـم ماهـا
الأيام في عينـي غـدت مثـل رحّـال
يمشي برمضا واحتـرق مـن ضماهـا
يوم ٍ ولـد فيـه الفـرح صـار همّـال
ويـوم ٍ غـدى مثلـي يعـزّي عزاهـا
ويوم ٍ خنقني وحط في القلـب ولـوال
ويوم ٍ كوانـي بيـن صبـح وضحاهـا
روحي تجّدف فـي محيطـات الآمـال
وشوقي غرق فاعمـاق بحـر ٍ خذاهـا
لا الليل يـدري عـن عذابـي ولا زال
ولا الصبح يعرف عن همـوم بحشاهـا
بين الأسى/ واليأس/ والهـم/ والحـال
(( هذي حياتـي يـا مـدّور عناهـا ))
.
.