لشاعر يام (ابن بلال)
هات القلم والحبـر والبـوك هاتـه = الشيخ زايد مات والصـدر ضايـق
حــرام مابكّـانـي إلا وفـاتــه = بكيـت مـن تبكيـه كـل الخلايـق
ياليتنـي لو/ فـي تـوالـي حيـاتـه = مودّعـه لحـظـات وإلا دقـايـق
رحـل بلـيـا وقـفـة(ن) وإلتفـاتـه = وانتابنا حزن(ن) علـى الصبـر فايـق
وكلّن علـى زايـد يهـل اعبراتـه = وعليه شاعـر يـام للحـزن ذايـق
نعم وشعـر المـدح مـن واجباتـه = ومن الرثاء نظم من الشعـر لايـق
فقيدنا اللي فـي طـوارف صفاتـه = واجد مـن الحكـام مثـل العلايـق
شيخ الشيوخ اللـي تجـي مكرماتـه = فـي وقتهـا ياحافظيـن الحقـايـق
عمـّت جميـع المسلميـن إحسناتـه = رجل السلام اليـا هفـا كـل بايـق
مامثـل تاريـخـه ولا منجـزاتـه = الا انه ابيض وجه ، وابيـض وثايـق
الريـّس اللـي وحـد السبـع ذاتـه = إمخلـّد امجـاد لهـا العـز رايـق
شيخ بنـى مجـده ودرس احماتـه = إبناه درع احماه عـن كـل عايـق
الاسـرة اللـي ماتخالـف وصاتـه = بالعـز مـن فـوق الثريـا توايـق
مرحوم يامن كـان مـن معجزاتـه = تحول الجـرد الصحـاري حدايـق
لوسقـت قافـي شيّبـت قافيـاتـه = وباقي معاني مـدح ماهـي لحايـق
والموت لويحـرب كسرنـا شباتـه = بجموع (يااااام) اللي تـرد الوسايـق
قوم اليا دعيت على المـوت جاتـه = وتشرب حياض الموت شرب الشفايق
ماكان مـرت قبضتـه وإسكراتـه = عود عليـه قلـوب الامـة فلايـق
والموت حق ومـن يـدور نجاتـه = يلحق بمن صكـت عليـه الغلايـق
امسـافـر محسـوبـه سابقـاتـه = ياهل جـوازات السفـر والبطايـق
اطـول سفـر يالله عسـى عاقباتـه = محمـودة وامـة محمـد عتـايـق
وشكـوى لغيـر الله ذل وشمـاتـه = وقبـول ظلـم امحوشيـن السرايـق
اتلا الرعاة اللـي طغـت محدثاتـه = يضحك ويرمي بالثقل في الحرايـق
والله نصر من فوق سبـع سمواتـه = موسى وفرعـون وجنـده غرايـق
ارجع إلى أغلى من فجعنـا مماتـه = عن كـل مفجـوع ثيابـه شلايـق
عـزاه ياتـلاً تدربـت حصـاتـه = تل الشموخ اللي لـه الفكـر تايـق
انشد صدير الشعـر مـن وارداتـه = ماهـوب هـرج امكثريـن اللفايق
فقـدان زايـد مـا محـا سامياتـه = والوجد ما ينساق من غيـر سايـق