[سالم العظيمان]

شكرا يا المبهم


هذي قصيدة الأمير خالد الفيصل ( ايام الغزو ).. اهداء مني لك على هذا الموضوع :

حنا العرب يا مدعين العروبه=حنا أهل التوحيد وانتم له اجناب

حنا شروق المجد وانتم غروبه=حنا أهل التاريخ وانتم به أغراب

يوم الفقر شلتو علينا عيوبه=واليوم عقب النفط جيتو لنا انساب

يوم الفقر فينا البداوة سبوبه=واليوم صرتم مثلنا بدو وأعراب

لو الهوا منكم منعتم هبوبه=لاشك رزاق الملا رب الأرباب

لو المطر منكم منعتم صبوبه=لاشك رزق الخلق من عند وهّاب

جيش الحسد سقتم علينا حروبه=كلٍ يبي يزرع علي جسمنا ناب

حرب علي المحسن تراها عقوبة=يا الله عساكم ما تفيدون حراض

يا ما عطينا ما ندور مثوبة=إلا من اللي من ترجاه ما خاب

ويا ما نصرنا صاحبٍ ضيقو به=عاداتنا نقدم إذا ما الردى هاب

ويا ما نصانا من تعّثر دروبه=يدخل حمانا من تعذره الأصحاب

حنا بنينا دارنا من طيوبه=وانتم سلبتم داركم كل ما طاب

الله سقانا من بحرنا عذوبة=و انهاركم مثل البحر هدر تنساب

وحنا زرعنا الحب بأرضٍ خصوبة=وانتم زرعتم كره الأجيال بتراب

وحنا دعينا السلْم نوبة و نوبة=وانتم حمام السلْم بعتوه بغراب

يا من دعا للحرب ما أدرك خطوبه=لا تحسب أن الحرب تهديد وخطاب

من صب نار الحرب يصلي شبوبه=ومن ثوّر الفتنة تعرض للأسباب

وما يستر الرجّال ملبوس ثوبه=الدين و أفعال الكرامة له ثياب

وما يقبل الرجال بحماة حوبه=ما دام له حق وللحق طلاب