شكرا لك أخى الكريم طير شلوى على الموضوع.
بس ماعتقد العتبان أنهزمو شر هزيمه.
كادت الحرب تتعادل بين شمر وعتيبه الغلبه بنهايه كانت لبن رشيد بعد عناد شديد . وابن هندى قتل السطامى الذى شرب فنجال ابن هندى (محمد بن حميد)
واسترد أبن هندى معظم ماشيته وغنم ابن هندى خيولا قلايع 
وعلى العموم عتيبه لحالها وشمر معها أهل القصيم كافه . أنظر كتاب الظاهرى.
هذى قصيد لراكان
خبرتنى ياحمود عن طير حوران
يوم على عروا تكسر عويره
هلت مخاييله بدرج وسبهان
ماينتميز وردها من صديره
ذكر محمد جامع نجع عتبان
ذخيرتن ياوى والله ذخيره
الامر قدره الولى عالى الشان
ولا عتيبه ما عليهم قصيره
كرمان وركبو الخيل فرسان
اليا اختلط عج الرمك بالمغيره
وهذى قصيده للفارس ضيف الله بن حميد
ياحمود كنك قاعد وسط برزان
لا بان لك فعل ولا لك عشيره
اليا بغيت الشيخ يوقفك سبهان
تاقف لين العلم يرجع لا ميره
لولا حسن نوخ بذربين الايمان
راحت عليكم يابو ماجد كسيره
حنا اخذنا الخيل قلع بالارسان
اصايل فى نجد حتى الجزيره
والسابق اللى قلت عند ابن سلطان
مع تسع الاف علينا مغيره
ياحمود لا نسرق ولا حن بوقان
البوق فى حكمك عسى الله يديره
ابن سعود اللى يسما غزلان
خلى بتال الخيل مثل العسيره
الذم مايهفى للاجواد ميزان
والمدح مايرفع يدين قصيره
وهنا برغش الطواله الفارس المعروف يصف الحرب وعتقد أهو مشارك فيها
واهو ابخص. يقول
نو نشا من روس عالى جباله
هله على ابن احميد هو والشيابين
عقب اجهوا جاه فزعة من شماله
اولا روق مرجحين الموازين
راجو علينا رجتن بحتماله
والهوش به وتالى الهوش جا شين
شبت حرايقهم وصارت شعاله
وقودها حم الرمك والغلامين
من ضرب اهل عمهوج راحو دباله
مير اقحمن يالا بسات السباهين
وابن محيا ضايقونا اعياله
عجلين بردات مثل الشياطين
على العموم أبن هندى غازى شمر وشمر رتدته.
يوم أبن هندى نوانا برزان
حنا على عروا قصرنا مسيره
وشكرا اخى الكريم طير شلوى الله يعلم انى من محبين شمر
أهل التاريخ المشرف اللى يبض الوجه..