وادعيني وأتركيني عسـى دربـك سمـاح
القناعه كنـز عنـد الضميـر المستريـح
أتركيني ضايق البـال مكسـور الجنـاح
آتثاقـل قومـتـي وآتـحـالا للمطـيـح
ياهنوفٍ علّقـت قلـب شاعرهـا وطـاح
وأحفرت له في مسابل مدامعهـا ضريـح
تنقله من بورة اجراح إلى بـورة اجـراح
مثل ماينقل على متن الإسعـاف الجريـح
يوم قفّت ترّفـع الليـل وتحـط الصبـاح
كنّها شيخٍ مـن الطيـب مطغيـه المديـح
تـدري أن الله وأكبـر وحيّـا للـفـلاح
لا على الدين اليهودي ولا ديـن المسيـح
مير ذمّـة شيخـة الغيـد سيّـدة المـلاح
ذمة ( أحمد نور عبدالصمد عبدالسميح ) !!
له على كـل المحـاور منافـذ وإنفتـاح
مـرّةٍ يكـذب ومـرّه يعلـم بالصحـيـح
مادريت أن إجتيـاح المجاريـح إجتيـاح
ياطريح ألـزم فراشـك وخلـك ياطريـح
الحيـاة أحلامهـا تذهـب أدراج الريـاح
توهمك بأشيا تكوّن علـى البـال وتبيـح
أعذريني يـوم أقابـل طعونـك بإرتيـاح
كيف لا والجرح مملوح والجـارح مليـح
أعذب من النسمه اللي يمر بهـا الصبـاح
لا أستقرت في فوادٍ مـن الفرقـى جريـح
وســــلامــــتــــكـــــم