[الحارثي]

لاحول ولا قوة الا باللة وصل بك الامر ياراعي البل ان تسرق وتحرف على هواك ولا تراعي الله

هذة القصيدة قيلت في قبيلة الشلاوى من بني حارث حلفاً وهم من بني خالد في ألاصل

وكان قائد هذة الغزوة الشيخ مقبول ابن هريس الشلوي الخالدي شيخ الشلاوى اللذي قيل فية

أسلم وسلم لي على الشيخ مقبول = شيخ الشلاوى اللي ورى الضلع قدة
تــلقــاه في بيــتاُ كثيــراُ به الضول = ومشيداُ كنــــه على فـــــرع جـــــده
بيـــته كما عد من البدو مدهـــول = احدن قطن واحدن نــــــزل في مهده
وهـــــوه كما السيف من الهند مسلول= سيفاُ صقيلاُ يفصم الضـــــلع حده


وهو اشهر شيخ سمعت بة العرب من

من الشلاوى ومن بني الحارث جميعا وكانو شيوخ جميع بني حارث تحت رايتة وانت تعلم هذا وامهات

الكتب تبين ذلك اما عن مبارك بن مهرس لم اسمع عنة وانا من بني حارث -فكيف هو قائد هذة المعركة

وهو ليس معروفاُ وليس من قبيلة الشلاوى

أما عن القصة كاالاتي من الرواة والله أعلم :


هذي الغزوه لها قصه ...وهي ان احد شيوخ يام حدث بينه وبين ابن عمه مشكله وابن عمه هو شيخ القبيله

فأهان شيخ القبيله ابن عمه مما اغضبه عليه وكان يدعى هادي فقال:

والله لاصب على راسك الماء الحار.............. ورحل عن القبيله واخذ يبحث بين القبائل عن قبيلة قويه تأخذ له

الحق من ابن عمه ويغزون عليه وياخذون حلاله.....حتى وصل عند الشيخ مقبول بن هريس الشلوي فلما اقام

عنده فتره قال له ياشيخ مقبول انتم تبون البل قال الشيخ مقبول اي بالله نبيها وينها؟

قال البل هنا....واخذ يشر بيديه الثنتين جهة مطلع الشمس ويقول البل هنا......قال الشيخ مقبول لربعه

يالله شيلوا على ظهورها ماعنا وعن البل ربعي ياهلي.......

ومعه اليامي يدله الدرب وقطعوا ديار البقوم وديارسبيع وديار قحطان لين وصلوا قريب ديار يام ......عند ذلك

قال اليامي اسمعوا ترى ان كانت وجهتنا صحيحه تبون تشوفون بعد شوي حرة سودا !! وتراها ماهي بحره!!

هذي ابل يام لكن من كثرها سوادها تقول كنه حره......ويوم وصل الشيخ مقبول المكان اللي وصفه

له اليامي الا يشوف البل كنها حرة سوداء .....ويغيرون عليها الشلاوى ويذبحون اللي لقوه عندها ويستاقون

البل ويجون مروحين بها لاهلهم .....وفالطريق يوم مروا الشلاوى بديارقحطان

اعترضهم احد مشايخ قحطان وهو الشيخ ابن سفران ومعه ربعه يبون ياخذون البل ....وتصير الغليبه على قحطان

ويكسرون الشيخ ابن سفران ويروح يجبر رجله عند جبار في بيشه ومما قال ابن سفران في هذه الوقعه




ياديك ياللـي فالعلالـي تلالـي= لا واهنيـك بالتعاجيـب يـا ديـك
اتعبت رجلي بطرد عرب متالي=لعيون من حط العويـدي مساويـك
لين اعطبوني محتمين التوالـي= جمع الشــــلاوى اللي جياع تهاليك

اما عن الزود اللي ذكرتة كله تحريف لم يقل الا هذة الابيات فقط على حساب رواة الشلاوى


بعد ذلك رجع الشلاوى الى ديارهم سالمين غانمين وكل معه كسبه من البل الطيبه

وبعد هذه الغزوه بمده حضر احد فرسان يام لاسترداد ناقة له طيبه وذهب الى الشيخ مقبول يطلب منه

اعطاءه

ناقته فقال له الشيخ مقبول اذهب ودورها وان لقيتها عوضنا صاحبها ورديناها لك فذهب ووجدها عند اثنين

من اهل الصور هم عجب وعجيب اشتروها من اشلوي وقد وضعوها بين جبلين وقيدوها وكل صبح

ومغرب يحلب كل منهم لاولاده

منها وترويهم كلهم .....فاخبر الشيخ مقبول بذلك فبعث اليهم ليردوها ويعطيهم غيرها ولكنهم رفضوا فقال

له الشيخ مقبول خذ مكانها اللي تبي من البل ....قال ماابي الا هي وردهذه القصيده وهذا مااحفظه منها



ياحيسفي بيضا حجب بنت ام عصفور =من منـوة الشـاوي الليـال العسيـره

الها سنـام بيـن الامتـان مزبـور =مثل العلم ينشـاف مـن كـل ديـره

ياطـول ماسرحتهـا طلعـة النـور =تصبح لغـزلان الوضيحـي خشيـره

ياعنـك ماوليتهـا كــل مثـبـور =زال ان في رجلـي حزيـز وسيـره

وشالة الموخر ولو كـان مصـرور =يهمي كمـا تهمـي عيـون الحفيـره

غدوا بهـا حـي مرابيهـم الصـور =لاجـاه مـن نـو الثريـا غـزيـره


وسلامتكم واتمناء ان لاتكرر فعلت ياراعي البل ولولا تاريخ الشيخ مقبول ابن هريس وربعة الشلاوى وشهرتهم كان ......... وانت عارف