اشوف انه علي واجــب ليـا مـريتكـم سـلمت =مرور اكرام تربطها الكرامه عند الاكرامي
على شـان الخفوق اللي على عرشه قعدت وقمت =وحجب عنك الدجا لين اشرقت لك بيض الايامي
ختـام السـالفه يـاطيب العشـره كرمت ودمت =هذا حقك علي وحـق هقواتي على اوهـــامي
مصير الوقت يشرح لك دروسه وان غفلت ونـمت =يصحيك الزمان اللي يصحي كـل مـن نــامي
تذكرني لامنها خــابت اوهـامــك بمـن وهمت =وعرفت الفرق في حب الخشوم وحـب الاقدامي