............... مساء الخير... ............................. في احد المسائات الجميلات.. وعلى نسيم الهواءات العليلات.. وتحت شعاع القمرات المضويات<< وربي لو درى عنك سيباويه ثور في عمره ذهب بو دهام الرجل الشيبه الى صديقه بو طاحس ليسمر عنده و خبركم ذا الشياب ما يجتمعون على شي سنع ابد و يتكي بو دهام بنص المجلس و يمسك جريده و يقرا فيها ( بفضل من الله تم القبض على عصابة سارقي النعل .. وباحالتهم الى المحكمة الشرعية صدر بحقهم صك شرعي يؤكد ما نسب اليهم.....) ايييييييييه يا بو طاحس .. شفت شلون الناس ماعادت مثل اول .. لعنبو داركم مالقيتوا غير نعل المسلمين .. ابو طاحس هههههههههههههههههه مقروص يابو دهام تذكر يوم تنسرق نعالك من قدام المسجد وتقعد نتشد عنها بكل عاير تقل خكري مروعينه بجراده ابو دهام : ههههههههههههههههه الله يقلعك يا بو طاحس .. صب قهوه بس :b1 ويرفع بو طاحس الدله و يصب فنجال القهوه لبو دهام .. بو طاحس : سم .. بودهام : عدوك الريح << اشك انهم يشربون قهوه ذولا .. ويسود المجلس سكون يتخلله جغمات بودهام ..وبعدها يهز الفنجال قدام عيون صديق عمره بوطاحس .. اكرمت .. بسي قهوه الدكتور قال لي ان كثرت قهوه ترى بيجيك فتاق بوطاحس : توك شباب يارجال اشرب ثاني بودهام : لا وييييييييين العمر راح .. تذكر يابوطاحس يوم كنا صغار وشلون نتعنقد بجذوع النخل ويقوم بودهام و يمسك الشماعه يبي يتعنقد فيها و يتله بوطاحس بوطاحس : ههههههههه اقعد يالثور .. ترى ذي شماعه مهيب نخل ..والله ان تهبد فيك و يجيك فتاق باذانك .. بودهام بكل حماس : خلني ابوريك حركه وشلون تر .. ....ويقطع عليه كلامه بوطاحس ترقى النخله وتهبد على عصعصك بدون ماتعور.. اقعد يا رجال لا يدخل علينا حد و يشوفك متعنقد بالشماعه و يشكون فينا بودهام : ماعقب جلدت ابوي جلده .. الله يرحمه و يغفر له مره جلدني لين تخفس ظهري.. بوطاحس : وش انت مسوي :l6 بودهام : ابد دخل علي وشافني لابس جلال امي و ماسك دلالها و اتخيل اني اقهوي حريم .. بوطاحس : هههههههههههههههههههههههههههههههه الله ياخذك مراهق ..اقول يا بودهام ورا ماتعرس .. بودهام : من تبيني بشيباتي ويطبطب عليه صديق عمره لا لا لا تضايقونه ..بودهام لا تضايقونه ..ويزفن بودهام ويقوم بوطاحس و يطق اصبع عند اذن بودهام و يفز وهو يزفن و يزفن وياخذ له لفه بالمجلس و ينقز و يبدا اللعب بالمجلس بعد ثلاث دقايق بالضبط يطيح بودهام و بوطاحس وهم يلهثون ويضحكون على انفسهم بوطاحس : اخس يالشايب والله تعرف تزفن .. خلاص زوجناك بودهام : فاتك ماشفتني قبل شوي وانا اطق رقبه .. شف شف .. ويقعد يطق له رقبه بوطاحس : هههههههههههههههه خلاص طيب وخر وجهك عني خيستني بريحتك انا اعرف لك ناس طيبه و اجاويد وعندهم بنت مزيونه اسمها نوره بكلم ابوها وربك ييسر بودهام وهو مصدوم : صدوق انت << من الصدمه ماعاد يجمع بوطاحس : ايه .. ويرد عليه بودهام : ههههههههههههه يعني معزم يقوم بوطاحس من المجلس و يقول وعدنا بكره ويوم جا بكره و يدخل بوطاحس على صديقه بودهام وهو نايم بمرقده بودهاااااااااااام يا بودهاااااااااااام .. بودهام و صقه .. قم يالمعرس ..يوم سمع اخر كلمه و يفز من مرقده ويجي مسرع يالبيه .. :i4 بوطاحس : ههههههههههههههههههههههه رح تستر وناخوك ثم تعال و يطالع نفسه الا هو من العجله ناسي نصه التحتي ..ويرجع بسرعه قبل يشوفه خويه << استريح بس وش عقبه ويجي عقب ما ستر كل شي .. سم وش صار .. بوطاحس وهو ينفض اذنه بقوه .. وافقوا و قالوا اليوم يجي يشوف البنت .. يرد بودهام قل قسم .. قال بوطاحس رح تجهز و العصر امرك و ونروح لهم .. العصر الساعه اربع و خمس دقايق يدخل بوطاحس .. بودهام مشينا .. و يطلع بودهام من الدولاب وهو كاشخ بقميص احمر و صروال ازرق و جاكيت اصفر و نافش شعره على جنب ولابس زبيريات بيج .. قال : تصدق ماعرفتك يابوطاحس بوطاحس وهو كاتم ضحكته : وش مسوي يا بودهام .. وش هاللبس اللي كانه لوحة هارديز .. وشعرك كانه كشة عبد صاده امساك .. بودهام : لازم نماشي العصر .. يرد بوطاحس : ارفق علينا يا رامي عياش << اخس يابوطاحس ويروحون لبيت بو نوره و يقلطهم الرجال و يسولفون وهم حول صحن البردقان.. بودهام وهو يعرم من البردقانه والعصير يقطر على صرواله الازرق : والله من الحيا لا اعرف ماهي السوات اهييييييييب << الاخيره ذي شفطت البردقانه بوطاحس بصوت واطي : تكفى انطم يا بودهام لا تحوق الدنيا ..خلك في البرتقاله :.. يالله عاد يابو نوره ازهم نوره .. بودهام يبي يشوفها وانا بطلع برا .. يرد بودهام اجي معك .. و يفسخ بوطاحس العقال و يعض على برطمه كحركة تهديديه لبوداهم و يرجع بوداهم يعرم بالبردقانه و يشفطها بصوت مزعج و مسموع.. وتدخل نوره بعد طقاق غصب تعرس على هالشايب ولا هي ياعمري ماتبيه .. تدخل نوره وهي موطيه راسها و يفز بودهام و البردقانه ناشبه بين ضروسه ويقطر منها العصير ويمد يده اللي تفوح بردقان يبي يسلم عليها ..ويشيل البردقانه من فمه و يقول .. هههههههههههههههه ناشبه هالبردقانه بحلقي كاني واحدن يضحك تبين وحده ؟؟ و تطالع فيه و بلبسه و تجلس بعيد .. و يمد لها بردقانه و يقول خذي تراه زين للمصارين ويقوي المفاصل ويلين البطن << ابو من علمك يالشايب .. ويوم تجي تاخذها يلقطها و يدخلها بحلقه و يشفطها ..ويوم خلص قال لها ورا ما تاكلين وياخذ بردقانه كامله و يلخ البنت بجبهتها و يقول افا منتب تلقفين ( تلقفين بمعنى تصيدين ) وتدخل و هي تصيح .. ويضحك ابودهام ويقول لبوها ياحليلها نوره .. مهيب تلقف .. وابوها محمر وجهه ومعصب .. وينادي بوطاحس و يقول شل هالكمخه اللي جايبه .. ولاعاد اشوف وجيهكم مره ثانيه و يصفق الباب و يطلع وبودهام يعرم بالبرتقال و يقول كن عمي زعل ..بوطاحس قم يابودهام مالك نصيب ويترك بودهام البرتقاله و يقول انا ابي نوره .. رد عليه بوطاحس تعال بس معي .. وربك يعوضك باحسن منها ويعضده ويمشي مع صديقه طالعين من بيت ابو نوره و بودهام منكسر و يكسر الخاطر ..قلبه تعلق بنوره و يقول لبوطاحس .. حرام عليكم .. قلبي تولع بالحبايب ياعمي ... ....ليت الحبايب كلهم مثل نوره .. << والله حزني بو دهام .. خلاص انا موافقه >> وش دخلك وفجاه يتذكر بودهام شي و يقول وقف وقف يا بوطاحس نسيت شي .. و يرجع مسرع للمجلس وقلبه يفرفر و يلقط البردقانه اللي لخ فيها نوره ويطالع فيها و عيونه معلقه بطيف نوره و يحطها بمخباته ثم يتنهد و يرجع لصديقه و يقول بكل حزن واسى 7 7 7 7 7 7 7 7 7 7 7 7 7 7 حرام ..دامها ماتبيها باكلها انا ..................... م ن ق و لــــــــــــــــ <<ههههههه انشالله تعجبكم
__________________