والسلامه يا مواجر والسلامه
يا الوصل في حزّة الشوق استبد
اشهد انك طحت في مكثر ملامه
يوم خله صد واقفى وابتعد
وانتظرت انه يرده لو كلامه
والوعود الي تبارت بالعدد
وانتكس حالي وانا رجوا علامه
تسترد النبض في قلب اضطهد
وسّمت فيني هجوس الشوق شامه
كل ما بانت تراويت النكد
خلفت هايم على ضفة غرامه
يطلق حبال الفكر جزر(ن) ومد
ويومها والشاعر بقمّــة هيامه
امطرت غيمه على صوت الرعد
جات تروي ضامي" والشوق ضامه
وابرقت تضوي ظلام المنكبد
ارحبي من قبل أواجر والسلامه
ارحبي عد المطر عدّه عدد