مسا الخير
مشاركه لتواصل ,,,
دام لدنيا والايام لفه واعتدال = الجمل بالحمل يما برك ولا عدا
صرت اداعب مهجة الروح في سود الليال = والمدى لا طال ماهوب , ياقصر المدى
ينتحيبي هاجسي في رحاب اهل الخيال = لو شدا طير المضامين ولا ماشدا
واتوجد كل مانست هبه من شمال = ساعةٍ من يكني الحزن في حزنه بدا
واتعلق بالامل عن منصات الجدال = مثل ماوراق الشجر ضف قطراة الندى
واتلاحق خاطري عند ضافية السبال = مجهمٍ ماقد قناها ضعيفين الجدا
ماهي ابلقاط الاسواق من خشم الريال = مشتراها بيع الارواح فـ انحور العدا
غايتي لو كان مالي مع الناس احتمال = برهةٍ مع خلوة النفس ماراحت سدا
عدة فيها مابدالي وطال الليل طال = لين صارت بين يمكن , وليه , وماعدا؟
عقب غنيت التلاقي مع سمح القبال = عاد صدري يلتهب شوق من يومه غدا
قلت ياقلبي على الهون مالك والوصال = واثر قلبي ماهدا , يوم احسبنه هدا
واستوى فكري ولا شفت للواقع مجال = خلها فالصدر , والعلم ماحوله حدا
حاجتٍ تروي ظما الروح وتفك المحال = ان وصل فيها المدا , وان قطع فيها المدا
وسلامتكم