هذه قصيده للشاعر / حمد بن قشعم الهاجري
يرثي بها أبنه الفقيد / عبدالله ... رحمه الله
وقد أعطاني أياها أبنه / زايد بن حمد بن قشعم الهاجري
صلوا على النبي
.
.
.
أنا البارحه مع هجعة الناس عفت النوم = وعيني مع الهجعـه تنثـر عبايرهـا
أنا لابغيت أسج قلب الخطى موسـوم = وعيني لمخها قـاذرٍ فـي نواظرهـا
أنا راضيٍ باللي كتب لي من المقسوم = إلى طوّلت الأيـام تكثـر مرايرهـا
وجودي وجود محنةٍ للحـوار تقـوم = معا هجعة العربان شبّـت ظمايرهـا
وتمّت تجر الصوت وتذب ذروا السوم = وعلى ذبّة المشراف كثرت جرايرهـا
والا ياوجودي وجد من ذبّ فالمرجوم = وتبيّن على دارٍ مـن العـام خابرهـا
عسى الله يعاونّا على الصبر يامرحوم = وعسى الله يثيبك يوم تبحث سرايرها
ودمتم بحفظ الله