سالفة ابن هندي ورفعه للسيف على اذن ابن رشيد معروفه ومشهوره وذكرت بالمصادر لكن دائما
الربع اللي ماتعجبهم الحقيقه يتهمون الكتاب بالاغلاط وانهم مايعرفون شي الخ الخ ويرجعون للشيبان
وحنى مانقول شي في الشيبان لكن انا اقول الحسم هنا بالمصادر لانك اخ واثق مع احترامي لك
تناقشني في شبكة انا بسألك سؤال لو سمحت لي
انت تقول انك ماسمعت هالسالفه وماقط قالوها الشيبان
تقدر تعطيني اثبات انك ماقط سمعتها ؟؟؟؟؟
حنى والحمدلله سامعينها من الشيبان ومن الكتب وانا عطيتك المصدر اعلاه...
اما عن قولك كنا نتكلم في رفعة ابن هندي السيف على ابن رشيد وقال احفظها لي
لو كلامك السابق وقف على هذي الجمله كانت ماناقشتك ولا دخلت الموضوع الا لاقول لصاحبه بيض الله وجهك
لكن كلامك كان ...
اقتباس:
كاتب الرسالة الأصلية واثق
فعتيبة إذا عدت أفعالها يكون في مقدمتها طرد قحطان من نجد, ومعاركهم مع مطير وانتصارهم في بعضها, وقتل تراحيب بن بصيص بعد عناء طويل, وهزيمتهم لسعود بن فيصل في طلال.
ومن ضمن مفاخرهم معركة عروى التي انتصر فيها ابن رشيد, ومرد فخرهم أنهم خرجوا من المعركة بأقل الخسائر
|
تاريخ عتيبه في نجد من 1269هــ وقبلها لكن ماكان له ضجه عند الناس ومنهم ابن رشيد كان من هذا التاريخ
اقتصرتها على ماذكرت فقط والله عجب يااخ واثق..
يقول الشيخ تركي بن حميد
ياسابقي صكوا عليك القبايل =الحضر والبدوان راحوا نحيه
قوم من العارض اليا سوق حايل = لا قرب جد ولا بهم مرحميه
وفي في وقعة دخنه اللي اجتمع فيها عبدالله الفيصل مع ابن رشيد وبعض القبايل على عتيبه
اما عن ذكري للقصائد فهي دليل على المعركة التي انكرتها انت...
اما عن صباح عروى
نعم عتيبه وليس عتيبه بكاملها ولكن المقطه والشيابين من برقا من عتيبه ثم فزعوا لهم العضيان من الروقه على صنيتان الضيط انهزموا فيها لكن هزيمه عن هزيمه تفرق يالواثق وحاكم مثل ابن رشيد كان المفروض تكون
ضربته قويه مهوب ينهزم ولو لا نوخ حسن بن مهنا ابا الخيل لعتيبه في شعيب عوشق وكل مااهجموا عتيبه
رموهم وتقهقروا وانهزموا والقصايد دليل على هذا
يقول حمود بن عبيد الرشيد
ان كان ابن هندي نوانا ببرزان = حنى على عروى قصرنا مسيره
جينا على ذروات زينات الاقران = مستجنبين كل قب ضهيره
يقول ضيف الله العفار
لولا حسن نوخ بذربين الايمان = راحت عليكم يابو ماجد كسيره
اولاد على مطوعة كل فسقان = عاداتهم بالكون كف المغيره
ويقول الشيخ راكان بن حثلين
وتذكر محمد جامع نجع عتبان = ذخيره ياوي والله ذخيره
الامر قدره الولي عالي الشان = ولا عتيبة ماعليهم قصيره
كرمان وان ركبوا على الخيل فرسان = اليا اختلط عج الرمك بالمغيره
وكما قلت لك اذا كنت تبي النقاش على رفعة ابن هندي السيف على ابن رشيد فانا جبت لك المصدر
وهذا يكفي وابن هندي غني عن كلامي وكلامك ومعروف فعله عند الناس كلها
اما اذا كان النقاش على عتيبه وتاريخها في نجد راح يكون لنا رد ثاني باذن الله
تحياتي
واخير منها ركعتين بالاسحار = لا طاب نوم اللي حياته خساره
كل عام وانتم بخير