تدري ان الطيش ملح الحب كله
خص لامن صار ممزوج بحماقه
لوتجرب تدري هرجي في محله
وش خذينا من تصرفنا بلباقه
الجنون احيان يبري الف عله
لو بعدنا العقل وخالفنا سياقه
موضروري نتركه مره ونفله
عالأقل شوي بنضيق نطاقه
كان شفنا الشوك ياسمينه وفله
والهجير امطار سالت بإندفاقه
والحزن فرحه زمان مسفهله
ابتسامة طفل تهدا وسط باقه
خل خوفك هالمسار وحدي ادله
لاتهوجس في عواقب الانزلاقه
انت عزم واترك طبوع ممله
والطريق اسهود مابه اي اعاقه
هاه وش رايك بعد ماقلت كله
ودك انجرب نطيشها بحماقه
بعدها تحكم كلامي في محله
او نرد نحب غصب في لباقه