[صوت التاريخ]

أخوي الظفيري حياك وبياك

ما عينا لون ههههههههه

طلبت منك شهادة ملكية ابن حنايا ولا عيناها الا بالكلام

قصدك الصك وليس الشهادات لان الشهادات اوردتها من شيوخ مطير الوارده اسماءهم اعلاه

وكلهم قالوا ان كلام ابن حلاف عاري من الصحة ولازلت تطالبني بالشهادات ايضاً !!!!

والصك ابشر والله باللي يخليك تفرج عليه من كل الجهات بس صبرك علي حتى ازورحفرالباطن

رغم انني طالبتك بالعكس وهي صكوك الظفير التي تدعي ملكيتها لابآر حفرالباطن فلماذا لم تعلق

على هذا الطلب ام لم يوجد صكوك ؟؟؟

وقلنا لك مطير يقيمون مشاريعهم في مكان ابارهم وبعضهم باعها ويقام الآن أكبر فندق للسيد/

ابن قريفه في دوار حفرالباطن وهو مشروع ضخم على قليبه والله يرزقنا واياه وهو جنوب

الاحوال المدنية التي تدعي ملكية ابارها للظفير رغم انني اوردت لك كل الآبار التي يملكها

مطير جنوب الاحوال لكن ماودك تقتنع !!!

فهل تنكر ملكية مطير للابار وتقول انها للظفير فهات صكوكها وانا ارسلك للرجل اللي بالحفر

وتستمع للشهادات وتشوف بعينك .

هذه الشهادات التي دائماً تطلبها ونقولك كل الشيوخ يقولون ابن حلاف كلامه غير صحيح وترجع

وتقول ابي شهادة مادري وش هالشهادة اللي تقصدها ؟؟ الا تعتبر كل هالاسماء والشيوخ

كلامهم شهادة ؟؟

قلت لنا شهادة مثقال ابن حلاف وقلنا لك شهادة شيوخ واعيان مطير ورحبنا فيك لاستماع لمن

تحب من هذه الاسماء ورفضت ورجعت تطلب شهادة ولاحول ولاقوة الابالله !!

طلبت منك شهادة شيخ من مطير يتم على اساسها محاسبته ومحاججته ولم تأت بها
ما اتيت به بارك الله فيك لايسمن ولا يغنى من جوع !!

طلبت منك شهاده لاحد مشائخ شمر يقول بها صراحه ان الحجره ملك تاريخى لشمر ولم تاتى بها

كل هالاسماء السابقة ماهي عاجبتك يالظفيري وبعدين طلبت مني اسماء شيوخ مطير اللي

يقولون ان ابن حلاف لم يصدق وجبتها لك والحين ترجع وتطلب شهادة ياخوي انت وش تبي

بالضبط ؟؟

وبعيدن وشلون تحاججهم وتحاسبهم بدون مواجهه .

والله يالظفيري مافيه مطيري لاشيخ ولاصغير ولاكبير يقول ان فيه قليب واحد للظفير

وماهو بس مطيري حتى اهل الديرة القديمين والحضر وعارفين متى الظفير نزلوا الديرة

واذا ماتبي تواجه مصدري بالحفر وتستمع لشيوخ مطير فهو يقول خل الظفيري يواجهني

واستمع لشهادات الظفير وشيوخها الرجال ماعنده مشكلة ليش ماتواجهه ؟؟

اما شهادات شمر فاخاف اقول شهادة الشيخ فلان وفلان وفلان وبعدين ترجع وتقول ابي شهادة

منهم حتى نحاسبهم ونجادلهم !!!!

واذا قلت عليك بمواجهتهم ترفض وتقول ابي شهادتهم

بالعربي انت لاتبي تسمع لهم ولايقنعك قولي انهم ينكرون الارض للظفير ومادري وش تبي

وربي وربك الله يالبناخي !!!!

اما شهاداتي السابقة لاتسمن ولاتغني من جوع فحسبي الله ونعم الوكيل طلبتهم وجبته لك

وقلت لازم يشهدون بان القلبان لهم وقلت الرجال يشهدون بذلك ثم ترجع وتقول ابي شهادة من

شيخ واذا عندك شهادات وصكوك من الظفير فما يحتاج تستمع لكلامي وشهاداتي هاتها

وخلص الموضوع والا ماعندك ؟؟

وبعدين والله من كلامك الموضوع خالص وهو قول :

ان الظفير تركوا المنطقة ايام قوة الاخوان

وان الظفير لم يتركوا العراق الا بعد سقوط الملكية اي في عهد الملك سعود

والظفير لايملكون الا هجرة واحدة فيما عشرات الهجر لشمر ولمطير

فبعد الاعتراف بذلك ترجع وتقول ان الظفير يملكون الحجرة والحفر وش هالتناقض ؟؟

نعم اتيت بالعشرات لكن بدون شهاده _ فبماذا تخدمنى معلومتك الا كونها معلومه اشكرك عليها

اما مصدرك الكريم فيشرفنى معرفته واللقاء به وانتظر منك رساله على الخاص لايصال طريقة الاتصال او رقم الهاتف


وسلامتن تلحق طولك بعرضك

سبق وقلت كل هالاسماء وغيرها يشهدون بملكية مطير للقلبان وعدم صحة كلام ابن حلاف

ولازلت تقول بدون شهادة !!! اجل الشهادة وشلون ؟؟

طيب اذا واجهتهم وسمعت باذنك منهم فهل شهادة والا معلومة بعد ؟؟

والا تبي كل واحد منهم يؤلف كتاب ؟؟

عموماً ابو ماجد يقول ياهلا فيه ومرحبا وابرك الساعات ويشرفني معرفته واللقاء به

والرقم واصلك على الخاص

والله يسلم لي هالخشم يالظفيري .