السلام عليكم ورحمة الله وبركاته
مساء الخير للجميع أضع لكم قصيده عسى تنال على أعجابكمـ
أهداء الى صاحب السمو الملكي الامير/ سلمان بن عبدالعزيز ال سعود امير منطقة الرياض
صراحه قليله في حقه ابو فهد وتقبلو تحياتي
جميع حقوق محفوظه لدى درر الادبيه ودمتم بخير
ابو فهد ماجابـت البيـض مثلـه=نـادر ولامثلـه أبـد بالرجالـي
فـوق الثرياوالكواكـب محـلـه=واللي خلقني قدره بالحيـل عالـي
من يشتكي ظرف ترى اللي يذلـه=بعد الله اللي راقي روس الطوالـي
سلمان ودربه كـل أبونـا ندلـه=شيـخ يفـل عقودهـا ومايبالـي
صغت القوافي يوم أهي مسفه=لـهردد قصيـدي هالقمـر لليـالـي
شعر كتبتـه ماهـو الشـي كلـه=لو بيدي زدته عمري اللي يقالـي
امعزبي وان صرت أنا تحت ظله=راقت لي الدنيا وجـوي صفالـي
ابـو فهـد اليـا حكـى مانملـه=لنـه حكيـم وشامـخ كالجبالـي
حكيه عظيم وكلنـا نستمـع لـه=والغالي حكيه ياهل العرف غالـي
اليا ابتسم نجد الوفـا تبتسـم لـه=مـن حقهـا تستاهلـه مانغالـي
عز الريـاض وثابتـات الأدلـه=ابحنكته نشهد له والله أول وتالـي
فكر وخطط شوفوا اللي وصل لـه=تاريخه حافـل والله أول وتالـي
مايشبهونه والزمـن شاهـد لـه=عنتر وحاتم واللي اسمه الهلالـي
دامه رحـوم والوفـا عـادة لـه=ياربي عـزه ولاتخيـب سؤالـي
رحمه من الله والله رحمه مـن الله=سلمان بن عبدالعزيز أن طرالـي
انسى الظروف اللي علي القلب عله=لوهي الظروف اتعب احيان حالي
أنت لها يامنبـع الخيـر وأهلـه=بعد الله بعـد الله عليـك أتكالـي
جودك عرفنا والله اصله وفصلـه=كامـل ولله المـثـل بالكمـالـي
منك العـذر لـو بالابيـات ذلـه=لولا سموك هالشعـر مازهالـي
انت الذي ماجابت البيـض مثلـه=بدعي لك الله والدعاء راس مالـي