[نايف الدوسري]

وجهك مليح وكلامك صحيح يالتاجر

خصوصاً ان البعض اذا جاء يتكلم عن مغازي القبيله يتكلم بصيغه الفاعل ( ذبحنا فلان ,
خذينا ابل ال فلان ) وهو مايذبح جراده ولا يحرك الرابضه وكل تفاخره بالماضي والحاضر
صفر ,, كلشن جدي وجدي , أطيب وانت ؟ (( لاصار مال الفتى فعلن يماري به == ماينفعه قولت ابواني وجداني ))
والبعض تلقاه يكره ويحقد على قبيله معينه بسب سماعه لمعارك لقبيلته بالماضي وهذا والله من السفاه ,, واليوم مثل ماتشوف ظهرت أمور أثارت من النعرات القبليه مثل مزاينات البل بالاضافه لما فيها من طغى بالنعمه وفسوق أثارت النعره القبليه ,,حتى بعض القبايل المتحضره اللى أفرادها مايذكرون اسم القبيله في التعريف بأنفسهم ويكتفون بأسم العائله ,ط
صرنا اليوم نشوف البعض منهم يذكرها ,,, والسبب مانراها من هالامور
وأنا لست ضد ذكر مفاخر القبيله ومعاركها لكن اذا كان ذلك فأذكرها بمنتدى القبيله الخاص
مهوب في منتديات القبايل الاخرى ثم عاد يجي فرد من القبيله الاخرى ويرد ويجيك عاد من
يعقد الشوش خصوصاً ان به منتديات مشهوره بهالشئ وانتم خابرين , التاجر يابعدي أسعدني
قراءه موضوعك