للاسف يقرئون التاريخ على اهوائهم وشم ولعن وسب بين ابناء القبائل وهم لايعلمون ان الايام دول
يوم لك ويوم عليك والتعصب والتفاخر وتهميش الآخرين صفة للجاهل لو تعرفون كيف كانت طريقة
الحروب والغارات في الجزيرة لابتلعتوا السنتكم وتركتم القبائل وذمها في حالها !!!
ولاواحد قراء التاريخ للتاريخ لكن تعصب للقبيلة حتى وجدت احد الاخوان يقول في احد المواضيع
بين قبيلتي عنزة وشمر ان النتيجة بيننا وبينكم 34 مقابل 23 صارت مبارة كرة يد ؟؟؟؟؟؟
وشل ابوك حط ابوك على قولة الشاعر الكبير ناصر الفراعنة
ياجماعة والله عيب هالكلام فانتم ابناء رجال سطروا التاريخ وصنعوا الفخر لانفسهم وكل قبيلة لها من
الافعال والبطولات مايسد عين الشمس فاتركوا التفاخر واللاستنقاص من بعضكم البعض فلن تصلوا
الا لنتيجة واحدة وهي الحقد والكره والبغضاء وكل واحد منك يظلم حظه وحظ اهله فاتقوا الله واقرأوا
التاريخ الموثق الموزون واطرحوا الاسئلة واجيبوا عنها بكل شفافية بعيداً عن التشنج ونظرة الريبة
للآخر لقد كانوا اعاء الامس يمدح بعضهم بعضاً فيما نحن نظلم حظنا وعوائلنا وقبائلنا بالتنقيص
من قدر ماسوانا لاحول ولاقوة الا بالله
والله لو جاء لكل واحد منكم عجمي والا شمري والا مطيري والا عنزي والا ظفيري والا دوسري والا
مري والا قحطاني والا عتيبي وغيره من القبائل الاصيلة العفيفة يطلب نسبكم وكان رجل فيه خير
ومشهود له بالاخلاق والطيب لناسبتوه وتفاخرتم بنسبه وسترتوا بناتكم واخواتكم والواقع شاهد على
ذلك فحنا كلنا جيران وعواني ونسبا وبعضنا خوال بعض فخلونا نزرع المحبة ونفتح لها الباب ونغلق
للسفهاء الذين لازالوا يعيشون بالجاهلية الحديثة باب الفتنة والشر
تكفون يارجاجيل فكونا من الحقد والعنصرية المقيته