(بـسم الله الرحـمــــــــــن الرحـيـم)
السلام عليكم ورحمة الله وبركاته .....
هذي قصيده لشاعر الكبير : سلطــــــان ابن وســـام الهاجري __ البارحه ...... وإن شاء الله تحووز على رضاكم ...... (وأهم شيء رضاكم)
هههههههههههه
البارحه ياروح روحي خنجر عتابك حديد ** توميبها وإليا أسفهت بين الضلوع أركيتها
حكم الغلا خلاك تطعني وأنا الي مستفيـد ** فـديـتك أنـت وكـل طعـنه مـن يـدك فديتــهـا
محبتك تجري بدمي من وريد اليا وريـــد ** بين الضلوع العوج بغشتها وقلبي بيتهــــا
لينتلك قلبن لغيرك ما يلينه الحديــــــــــد ** ولديتلك عينن لغيرك مـــاعاد لديــــتــــهــا
وغنيت لك النادرات الشاردات من القصيد**اللي تثير الصمت بالجمهور اليا غنيتهــا
ونشرتها بأقرب مجلات القريب والبعيـد ** على غلاف المختلف كلن قرا منشيتهـــا
عقدن يليق بجيدك الي فارقن عن كل جيد** والشفه الي هرجها معسول يخرب بيتها
لاقلت أريد قالت أمر قلت مدري ويش اريد ** قالت علامك قلت أنا بغيتها وأخطيتها
مره من المرات في ليلن نسانيسه جلــيـد ** هزتني الذكرى وسرتني وأنا سريتهــا
مدري بطل مدري خبل مدري ذكي مدري بليد ** مير المهم أن العنود اليا دعتني جيتها
وان شفتها عقب التعب والليل والبرد الشديد ** أقول ياليت الليالي كلها يا ليتهــــــا
مرت شقاها لشقي ولذة سعدها لسعيـــد ** وألذ منها الجمره الي في يدي ضميتهـا
وسلامتكم ......
لـ شاعر : سلطان الهاجري ....
وإن شاء الله حازت على رضاكم ..... وإنتظرووو الجديد ....