الله لايهينك يالمعيضي على القصيده
وصح السان الشاعر ابن صبحان
وبما أنك ماقدرت تذكرتها كامله
حبيت أنزلها كامله <67>بيت مثل ماقريتها
:
ارشيد ينشد ماعـرف ويـش حنـا=لانـه قليـل ربـح مافيـه فـودي
حنا اهل الطـولات ان سالـت عنـا=حنـا عـرب وامعربيـن الجـدودي
عجمان محدن في الجزيـره جهلنـا=من صلب يام موسعيـن الحـدودي
يشهد لنا التاريـخ فـي مـا فعلنـا=يشهد لنا وابطال نجـدن شهـودي
شيالـة الكايـد علـى كـل فـنـا=ونوصف على اللي يحرقون اليهودي
وحريبنـا مـن هممـنـا ماتهـنـا=سهران يوم ان الخلايـق ارقـودي
وخصيمـان مـن ضربنـا يستجنـا=ويصير من عقب الشجاعه شرودي
وبيوتنـا فـوق الرفـايـع تبـنـا=ويلجا بها الي له زمانـه ظهـودي
تبنـى علـى عـز وخيلـن تعنـا=وخيالنـا للشيـخ دايـم صيـودي
وكم شيخ قـوم راح سبـت طعنـا=كزوه تـو الخيـل مثـل العمـودي
يمسي عزيزن طامعـن فـي وطنـا=ويصبح عليه من الحوايم جـرودي
وان قلطـو حـوض المنايـا نزلنـا=بجمعن يفرق ما اجتمع من اجنودي
وان كبرت القالات يا ارشيـد حنـا=نجمـن يحطـم نايفـات الحيـودي
والجـار يلقـى دايـم العـز مـنـا=يحشم ونجمه دايـم فـي صعـودي
وهويـدي يشهـد لنـا يـوم غنـا=ذب العبـاه وقـام يرقـا سنـودي
والضيـف يلقاعندنـا مـا تمـنـا=ويمسي عليه من الليالـي سعـودي
ويروح ويذكـر ماجـد مـن قبلنـا=الا ان كنـه للجمـايـل جـحـودي
كسابـة النامـوس هـو موقفـنـا=ماهمنـا بالـروح نقصـن وزودي
ويارشيد هاذي افعال من كـان منـا=لكني يارشيـد محصـي العـدودي
راكـان ابـن حثلـيـن خيالهـنـا=اللي قرينه بـا للقـا مـا يكـودي
شيـخ شـجـاع قـايـد مايكـنـا=وزيزوم يـاام قالهـا لـه حمـدوي
ومحمـد المعـروف سحمـان منـا=سيف على روس العـدا مايحـودي
خـلا السبـاع الجايعـه تستكـنـا=ومن هيبته يعطى الاتـاوه انقـودي
حثلينـي يضـرب بحـد المسـنـا=وحـر مضاريبـه تفـج الكبـودي
ومنا صمـاد الخيـل زبـن المجنـا=منصـور اللـي لسبايـا يــذودي
شيخ وضـع سلـم القبيلـه وسنـا=ابن منيخر كـان فـي العلـم رودي
واحزام ابـن مانـع وفـاران منـا=اهـل ارمـاح كسـرت بالنفـودي
خمسيـن رمـح كـل منهـم تثنـا=اللي بصدر الشـخ والا العضـودي
وضيدان ابـن حثليـن بهـاج منـا=عوق الخصيم ومعشي الضيف قودي
ومصواط.بقعا مرهـق اعـداه منـا=خميـس اللـي لسريـا يـقـودي
وفـلاح بـن راكـان لا شوشـنـا=خيل ورا خيـل وراهـم حشـودي
بأمره يقدمهـن علـى مـا وطنـا=واليا ركض الاسد تقفته الاسـودي
والطيب له من كـل صـوب مثنـى=حثلينـي مـن راس كـل معـدودي
وبطي ابن منصـور ياارشيـد منـا=زبن الشفيق اللـي نصنـه اورودي
والدامـر الشهـور ياارشيـد منـا=شيـخ مغازيـه تعـاد الـحـدودي
صملان مـن فـي غزوتـه يبسنـا=من بعد مراوسه زعيـم الفهـودي
وحصان الصرايم مانع الخيـل منـا=الشيخ ابن جمعه حوى كل جـودي
حـر اكفوفـه بالـهـدد يلحمـنـا=لاجا نهـار فيـه مثـل الرعـودي
وابن دبـلان الصيرمـي ذاك منـا=ليـث يحلـل مبرمـات العـقـودي
وليل التلقـم بحـر الامـواج منـا=بيـاح سـد امبيحيـن الـسـدودي
كـم عزبـه مـن غارتـه وسمنـا=ومراح اهلها صار مالـه وجـودي
والشيـخ ابـن مكـراد زيزومهنـا=مـورد الهيـاب يـوم اللـعـودي
لـه موقـف يـوم الشفـى كحلنـا=ويقود جمع ماضـي لـه اعهـودي
وابوفهد منصور يـا ارشيـد منـا=اللي وطا في الحرب روس الزيودي
ريف الضعيف اللـي لـداره تعنـا=وله مجلس تنصـاه كـل الوفـودي
وابن حسن هيـف الطوابيـر منـا=ابن حجرف لطار عقـل الربـودي
خيـال قبـا فـي الخطـر ينتحنـا=وعز الرفيـق وللمعـادي لـدودي
وناصر ابن سرحان يارشيـد منـا=ترعى بـه الحجبـا بليـا قيـودي
وابـن عصيـدان يارشيـد مـنـا=مزبـن المجـرم قـوي الزنـودي
وسعد ابـن سعـدى يارشيـد منـا=ستر العـذارا ناقضـات الجعـودي
حمايـهـن يارشـيـد لادبـرنــا=ودرع يفـك الجاذيـه واللـكـودي
وابـن وذيـن طيـب الفعـل منـا=اللي جعل زيـن المراكـب وقـودي
ومنا اعنان القحـص يـوم اللتقنـا=ابـن الفرينـي كاسـب كـل زودي
ومنا الطويـل اللـي حصانـه يعنـا=الي اختلط حمـر المنايـا وسـودي
وجريـس ابـن جلبـان حواشهنـا=لا جات خيل القوم مثـل الرجـودي
وجرمـان يجـرم بالعـدا مايحـنـا=كم يتمت شلفاه من فـي المهـودي
وسالم بن ارميحيـن يارشيـد منـا=حرز الحدور من الطمور العنـودي
هـذا وسحـات الوغـى يشهـدنـا=لشيخ ابن مفلـح وسيـع البنـودي
يبعد مـدى هجنـا اليـا قـاد هنـا=وكنه على نشر الحريـب محـدودي
وان ثار عج القبـس منهـم ومنـا=وللملح مـن بيـن النـوازي ردوي
ركضـات ابـن سلامـه يذهلـنـا=دواس مروي كل شلفـن وعـودي
وان هلهلـن البيـض ثـم فرعنـا=وبان الشجاع وعرف ذاك اللبـودي
محمد ابن مجحـود هـو درعهنـا=هشامـي منـه السبيـا تـحـودي
ويا ارشيد هاذي افعال من كان منـا=وانا ترى ياارشيد محصي العـدودي
وكـل القبايـل للفـخـر يكسبـنـا=والطيب بين الاجواد ماله احـدودي
وتم الجـواب اللـي لقافـه وزنـا=وصلاة ربي عد مـا هـب نـودي
علـى رسـول الحـق مـا غردنـا=ما لعلع القمري على راس عودي
وسامحوني على التقصير
مزبن المجرم