أعجبتي هذه القصيده لشاعر / مشعل بن سعود
أتمني أن تنال اعجابكم :
ضايق ياكورنيش الخبـر
مانمت انا جفنـي سهيـر
أوراقـي أتعبهـا الحبـر
والوضع انا وضعي خطير
والكسر صار ابلا جبـر
والجرح في صدري سعير
والصبر ضيّعت الصبـر
دام الزمن مافيـه خيـر
أحيـان اقـول ابنتـحـر
" استغفر الله " وأستخيـر
هـذا حـرام وذا خطـر
مثـواي عقبـه زمهريـر
بالله قـلّـي يـابـحـر
لوين أنا أقدامـي تسيـر؟
وين انت ياحلم الصغـر؟
وين انت يالطفل الصغير؟
وين انت ياصوت المطر؟
وين انت ياريح العبيـر؟
أحـلام طفـل ٍ ينتـظـر
عينه على الدنيـا تحيـر
مرّت على كـف القـدر
ماصار ماتوقّـع يصيـر
والحيـن بآمالـه كـبـر
يشيلهـا قلـب ٍ ضريـر
مشاعره صـدق وطهـر
وإحساس وافي به غزيـر
يلقى بهـا طعنـة ظهـر
صديق والا مـن عشيـر
صدمه وتورث لـه قهـر
تبقى الى الوقت الأخيـر
علام وش صاب البشـر
صاروا بلا حس وضمير
ياقلب جمّـع مـا انتثـر
دام الزمن مافيـه خيـر
خلاص انا ادمنت السهـر
بعيش بك (قـرم وفقيـر)
((منقوول ))