يازمان الصمت حدك وش بقى غير الكلام= والفعل قام ايتوارى مالنا الا نذكره
العروبة والشجاعة والكرامة ...... ياحرام=خوفنا قام ودفنها لين صرنا.. مقبره
ثم نرقص ونتغنى يا سلام ........ وياسلام=كذبةٍ خانة أملنا ثم نعود...... وننصره
ااه لو ينطق زمنا عقب ما كنا ..... كرام= أرذل الناس أبتلونا واليد ين مكسره
كم طفلٍ لو ينادي كم عينٍ ......ما تنام=كم بيوتٍ اتهدم عقب ماهي .... معمره
من ضرب كفه براسه لاتحسب انه يلام=القهر منا وفينا والجروح ... مطمره
يا صلاح الدين وينك أثبت لكل الا نام=لاطبع هذا طبعنا ولا العروبة مسخره
لعن ابو عيشه تذلك لو نهايتها .. حطام=ما نخلق للعز ذلٍ يجبره ثم ..... يكسره
المصيبة بعض منا تايهٍ وسط ... الظلام=والبعض قام وتبرى والخوافي مستره
يا زمان الصمت اكتب مابقى غير الكلام=والفعل قام ايتوارى ما لنا الا ... نذكره