[فرز الوغا]

الـــــلام عليكم

شـعراء من العجمـان لا ننساهـم من ديوان قصائد

نغيمش بن هادي الشولاني (رحمة الله)

وأنا متأكد ستنال علي أعجابكم

ولكم القصيدة

ياراكب اللي كنها فـرد غـزلان= لاصاعها من يمة الريح زيله

تياسرت مــع يمة الجدي لابان= هجنٍ عليها في المساري دليله
فاءذا لفيتو شيعو ذكــر ضيدان= اللي تعدى الجيل الاول وجيله

قولو سلام الحرص ياطيرحوران =بحفوتن يا اللي علومك جميله
انا بشــــير للمعادي بخــذلان= عزٍ لراسك ياذعار الدبيله

من هازنا زرناه بخشوم الاضعان= ومروبعات في المنازل ظليله

يبرى لها مـن يمة الخوف فرسان= ومالٍ الى نوخ يشيبك عويله
تراوحــت صم الحوافربفرسان =وتخالفو ضرب اليدين الطويله

سرنا عليهم والسفر ما بعد بان= فعل الله الماضي على كل حيله
ياميةٍ في حـومة السوء ظفران =ياما ذهب في وردهم من قبيله
يامن يبشر بالخبر ابن سلطان= سبع القبايل فرقتهم قبيله

ياليتكم شفتو طلقين الايمان =تنخاهم انساهم وراحو سحيله

حنا انتصرنا والمعادي بخذلان= ولا يامن الاحكام راعي دغيله

زيزومنا بو راشد ذيب الاقران= حييت يا شيخ علومك مهيله

شيخٍ اليا الى امتلى الجودخان= لاهوم شيال الحمول الثقيله