مساااء الخير... وانا اتصفح المنتدي شفت الموضوع ..وقلت ان شاء الله برجع اشارك معكم... : الصور لأخررحله لي كانت جوله كذا دوله ومن ضمنها "لندن"... "بج بن" تشبه الساعه اللي بقصر السيف عندنا : ...الاسد وين مااشوفه اصوره "له غلا خاص عندي" : "ابيهم" نويل : قبل لا أصور هذي الصوره كنت أكلم بنت عمي هنا بالكويت ..وكان الجو عجاج..وااناا اصيح هناك من البرد والمطر ...فقلت نوع من انواع اللعانه اصور لها الشارع"تحطيم بس" : "لندن ايز" هنا صورتها وحنا نمشي "كعابي" ...لاجل نصعد وقفنا بالدور ساعه ونص عاد الله يسلمكم انا اخاف من الاماكن العاليه وادوخ <<ويش ملقفك أجل؟؟ لاتسألوني ويش شفت فوق "كنت مغمضه" : الرسمه هذي لها قصه قعدنا اسبوع وكل يوم قبل لانروح اي مكان لازم اروح اوقف قدام الصوره وان رجعنا نفس الشي طبعا اللي معاي "احقدوا علي" ..قلت باخذها خلاص ..عقب اطلعت انها بس كذا عرض بالفترينه ..ومافادت محاولاتي اني اخذها معي ....((مدري ليه حبيت الرسمه )) المهم صورتها علي اساس اشوفهاا دايم.. هنا بساحه الحمام...الرسام هذا اتوقع كرهني غثيته ودبلت كبده من الاسأله "اللي مال امها داعي "..والدليل اني غثيته بالاخير "جاب الطبشور"اللي يرسم فيه وقال اقعدي هناك وارسمي "يعني بذرابه فكيني" : عرفتوا كفوف من صح؟؟ حتي انا صورت كفوفي<<حشرن مع الناس عيد : كانت بهل رحله معيي "رفيقتي" هذي الله يسلمكم مشهوره انها انيقه ودقيقه حيل بلبسها.. رجعنا من السوق والا تقول بس مافيني "تعبانه"بريح شوي ...ولا غيرت لبسها ولا شي ..وعلي طول المسكينه ارقدت ..جيت انا مدري ويش كنت ادور والا انتبه لشيء شوفوه وين الانااااقه والدقه ههههههه وعلي طول صورت"يوم شافت الصوره كانت بتصيح" أجل لو تدري اني فضحتها انترنتيا؟؟؟"بتنجلط" : كان فطوري وغداي وعشاي "طول السفره" علي اساس اني مااصدقهم بسالفه "الاكل هذا اسلامي" .....يوم رجعت للكويت والا اكتشف كان فيه دهن.....ماله داعي تحوم كبودكم : في صور كثيره بس ماقدرت اعدل شوي عليهااا "انواع الفضايح" فماله داعي : للامانه ماله داعي تعلموني " انا بصوووووب " والتصوير بصوب ثاني<<تعترف والسموحه علي الاطاله<<بالله يالشيخه مين قال طولتي
__________________ : يوم شفتني اضحك لاتحسبه خير اضحك انا من قو شـر البليـه :