اخي الغالي سماوي بن نجم
موضوع في قمة الروعه والابداع
موضوع وانا اقرأه احسست وكأني اراه امامي
لله درك على الاسلوب الراقي والغير مستغرب من شخص كبير بعقله وقلمه
بالنسبه لتعقيبي على الحديث الدارج امامي
هذه هي الدنيا الله عز وجل جعلها هكذا
وسبحان الله ارى هؤلأ هم من يستلمون أعلى المناصب والرتب
لأنه هيس كما قلت 
ولا يعيش فيها إلا الردي
ولكن ربي سبحانه وتعالى له حكمه في هذه الامور
ولأنه عاش على هذا الاسلوب السلبي
توقع منه كذلك ولا تستغرب هذه الامور منه
وكما قال الشاعر
الردى ماله معاني ثانيه غير الردى= سوّد الله وجه من غاص الردى في شاربه
وبيّض الله لحيته لوّه صغير ٍمابدى= في سنين الشيب لكن...جعلها له قاربه
دام راسه يوم شاف الجود صوبه ماعدى= جعل راسه للهما وايديه تبقى تاربه
تاربه في ذمتي تبقى ليا ماله مدى= دام ماحسّب حساب لسمعته واقاربه
لا احتمى الموقف وكلّن للسعاطير احتدى=شفت ساقه من دروب العز ولّت هاربه
لا ابتدى ثم انتهى ولاّ انتهى ثم ابتدى=شفت احاسيسه مع علوم الوفا متضاربه
والله انه لو يعيش دهور مامنّه جدى=ياعسى ارماح الليالي في جبينه ضاربه
ولو يموت ؟يموت يعني يطلع لموته صدى؟!!=مادرت عنه العرب مستعربه أو عاربه
منهو بيبكي ذليلٍ راحت سنينه سدى=ومنهو بيبكي على وجهٍ يشابه غاربه!!
جعل راسه وشبهاه ومن يقاربهم فدى= إلمناعير ٍ من شطوط المراجل شاربه
الرجل عندي انا موقف وفزعات وقدى= وان خلا من هالثلاث اشيا حياته خاربه
والردي لو طال عمره والله انّه مااهتدى= لو يطوّل لحيته ويحت اسافل شاربه
اخي الغالي سماوي بن نجم
سجل اعجابي في فكرك وطرحك وقلمك اللامع
ولا تحرمنا من قلمك الساحر
فإنك سحرتني به
تقبل تحيتي وتقديري لروحك العطره