هذي بعض الأبيات العجيبه أخترناها لكم و نتمنى أن تحوز على رضاكم ..
و ترى كل هالشعار مرشحين للفوز بالمليون ... بس لا تقصرون معهم بالتصويت ...
هذا الأول ... أسمعوا شيقول ....
قلبي قبل فرقاك ما ينقص الزيت **** واليوم أزيده في كل مشوار علبه
المسكين زادت عليه المصاريف ..... ما تدلون كراج ممتاز ...
و هذا الثاني .....
يا ليتني في جيبك ريال مقطوع****يبقى معك ما يقبله اي دكان
لزقه الأخ ... بس ما يدري إن مصيره ممكن يكون سلة الزباله ...
و جاكم الثالث ....
ان لم تكن في كل الامور ذا عزيمة****فما عندك اليوم ماعند جدتي
و أنا أشهد إنه صادق .... بس هو ما هو بعيد من جدته ...
و هذا الرابع ...
اضيق لي شفتك مع الناس مرتاح ****وارتاح لا ضاقت عليك الوسيعه
أشهد إنه حقود و حسود .... أهب يا وجهه ...
و الخامس ... شكله عارض أزياء
شريت لي ثوبٍ على شان لقياك **** والثوب راحت موضته ما لبسته
لا تخاف ... بيطول إنتظارك لين ترجع موضته من جديد ....
و هذا السادس ... أسمعوا و عو ...
أحزن على فرقاك مثل الوراعين**** لآ مروا الدكان وأسرع أبوهم
صراحه مقدر شعوره ... بس الأب يبي الفكه و السلامه من المصاريف ...
أما هذا ... فنقدر نسميه شاعر الحداثه ... أسمعوا شيقول ...
هات الذلول وهات قوطي سفن اب**** نغزي ديار القوم وناكل جلكسي
منصور بإذن الله ... ما دام شرب السفن ...
و هذا يسمونه الشاعر المغرور ...
قالت أحبك قلت ماهي غريبه **** سيارتي كشخه وانا حيل مزيون
لا أحد ينبط علينا ....
و أخيرا مع الشاعر اللي يندمج بالدور ....
كان الوعد مابيننا حذفة احجار **** ومن كثر شوقي له حذفت وفلقته
من قايل لك تلعب طوبه ......
صح لسان كل شاعر منهم .... و فالهم المليون ...