اقتباس:
|
المشاركة الأصلية كتبت بواسطة الحمر المطيري
يقول الظفيري بارك الله فيه في رده
((التاريخ وقرانا كلنا كيف كانت نهاية الدويش عندما تمرد على الامام ولم تنفعه قوات مطير وجيوشها بل راينا كيف خانت مطير باميرها من امثال ابن بصيص ومن التجأ الى خيمة عبدالعزيز يطلب الرحمه الخ !!!))
..............
اخي الظفيري انت علامك تحوس بالكلام ؟؟!! ومنو اللي يخون ؟؟؟ انت تقول مطير منكسره وبعدها تقول خانت ابن بصيص ؟؟!! كيف يكون المنكسر يخون ؟؟!! وبعدين اللي يخون منو !! مطير خوانه !!؟؟ عزالله لو تعرف معنا هالكلام وثمنته كان استحيت على وجهك توصف مطير بالخونه ...((الخاين هو اللي يخون الرياجيل ))((والخاين هو اللي يزور بكلامه التاريخ )) عيب عليك تقول مطير خانت اميرها ..
وبعدين منو قال ان ابن بصيص ضد ابن سعود ؟؟ شفت انك تجهل كثير من الامور ((مع الاسف اقول هذا الكلام لان كلمت ((مطير خانت )) هذا مايصبر عليها حتى الحليم ...
اللي كان ضد ابن سعود في السبله من مطير (( الموهه والجبلان من علوى وواصل من بريه )) فقط لاغيييير .((.وابن بصيص والفغم وعبدالله ))مع ابن سعود ... وكان يوم السبله بيرق ابن بصيص مع بيرق ابن سعود ضد مطير وعتيبه ..بعد هذي المعركه دخل على معسكر ابن سعود ثلاثه من زعماء الاخوان من مطير ((الشامي المريخي (نسيت اسمه) وامير البدنا طامي القريفه وعادي ابن شالح الحمر )) وعفا عنهم ابن سعود كما عفا عن الكثير من الاخوان بعد هذي المعركه عندما قيل ان ابن سعود يعفو عن كل من يرمي سلاحه ويعلن التوبه والاستغفار )) ان سياسة ابن سعود في التسامح هي سياسه ناجحه جدا وهو القائل لابنائه وكبار رجاله اللذين يقودون معاركه قبل بدئ المعركه ((من ادبر اتركوه لاتلحقونه ))
واقول للظفيري .. يا اخي انت مالك ومال معركة السبله !! انت مالك ومال الاخوان !! الظفير بالعراق ولا شاركو مع الاخوان ولا حتى توحيد السعوديه !! ((سوى قليل جدا من الظفران وكان احد كتاب فيصل الدويش رجل ظفيري يعيش في الارطاويه وهو ملازم للدويش في اكثر تحركاته كونه يعرف الكتابه وترسل خطابات الدويش بعد ان يكتبها ))
اقول للظفيري ومن كل اجنبي .. انكم في منتدى العجمان واذا عندكم سب وقذف وتشكيك في بعضكم روحو الى منتداكم وسبو على كيفكم ... دام الرياجيل محشمينكم في منتداهم حشموهم واتركو الكلام اللي ماله داعي ... اعتذر الى اصحاب المنتدى عن هذا النقاش في منتداكم ... واقول .. للمسييرين ((استحو ترا الرياجيل مستحيه))!!
|
ياهلا والله وكثير الهلا بالحمر
احلم علينا وانا اخوك
ترى ردك مستعجل ويمكن انك ما فهمت وش قصدى
ابيك تروق وتقرا الموضوع مره ثانيه ولالك الا طيبة الخاطر
لكن توضيح بسيط بس
مطير اللى وقفوا مع عبدالعزيز بن سعود ضد الدويش ومطير الباقيه وش يسمون !!!
وش تسمونهم انتم يامطير ؟!!
حلفاء ولاخدام ولاخونه ولا ايش !!
ناس باعوا مطير واشتروا عبدالعزيز
اترك الاجابه لك
بالنسبه لسؤالك عن مشاركة الظفير
احب اذكر ان اللى هجموا على خيمة فيصل الدويش الله يرحمه واموات المسلمين
واخذوا منها الوثائق والمكاتبات بين الدويش وندا بن نهير وغيره
اقول اول من هجم هم الظفير وعليهم عجمى بن سويط ومعهم الفرم بالعلوات
ومنها انهزمت الاخوات
بالنسبه لباقى مشاركات الظفير فى التوحيد او الاخوان فاتفق معك انها قليله لكنها ماهى نادره
لانك تعلم ان بنى حسين قريه شدوا من ديرة الظفير ثمانين بيت شعر وخاووا الاخوان غير كم بيت من
السويط وباقى الظفير بيوت قليله جدا
وسلامتك
وترى مطير غالين واهلها غالين لكن هذا تاريخ والتاريخ مايرحم
لكن يمكن احد مزعلك وحطيت الحره بنا 
ونقطه اخيره يمكن انت رحت لمعركه ثانيه المعركه اللى انا اقصدها هى اخر معركه بين الاخوان
وعبدالعزيز اللى يسمونها سبله وصارت شمال حفر الباطن وسلامتك