يعطيك العافيه اخوي ملك الاحزان
اماا عن موضوعك.. خل ناخذ الاساله بالدور..
عندما ترى شي لايعجبك في تصرفات صديق او قريب لك .. هل تصارحه بذلك الشي مباشرة ام انك تسكت مجاملة له لكي لا تجرح مشاعره؟؟
يمكن اسكت في البدايه.. بس دام انه صدييق مقرب لي.. يعني احناا مثل الاخوان واكثر.. اكيد بصارحه بس بذووق و كنصيحه له مو تجريح.. ..
اما اذا كان صديق عادي.. او قريب.. بس ما امون عليه.. لا صراحه اكست و ما انتقده ولا اصارحه بشي..
هل الصراحة مطلوبة منا في كل الاوقات ؟؟
لا مو دوم.. حزات الصراحه تزعل.. من جذي في اوقات ماتقدر تقول فيهاا الصراحه.. خصوصا لي كان الشخص مقرب لك وايد..و المجامله تكون افضل..
هل من الافضل مصارحة الشخص بخطئه امام الناس أم الافضل ان تصارحه على انفراد ؟؟
لا اكيد على انفراد.. شلون اصارحه جدام الناس جذي بحرجه.. و يمكن تصير مشكله عووده مالهاا داعي..
هل المجاملة تفيد احياناً ... هل هي اصبحت من الضروريات في حياتنا الاجتماعية ولتكوين علاقات جيدة مع البعض ؟؟
صراحه و بزمناا الحالي.. اي المجامله صارت شي اساسي وضروري.. بس مو معناته انك اجامل على حساب نفسك.. لا جامل بس بعدال..
مالفرق بين المجاملة والنفاق ؟؟
المجامله.. انك تمدح او تعطي الشي فوق حقه بشوي بس بشكل معقول. و من غير مبالغه زايده.. بحيث انك ماتضر نفسك ولا تظر اللي جدامك..
اماا النفاق.. فهو صراحه عاده شينه.. و يمكن انك تضر الي جدامك و تضر نفسك.. بالمبالغه الزايده بالشي.. يعني انك تعطي الشي فوق حقه..
ايـهـمـــا تـفــضـــل الـصــراحــة ام الـمـجــامـلــة ؟؟
اثنينهم زينيين.. لكن كل وحده لهاا وقتهاا و ضروفهاا..
يعطيك العافيه اخوي و مشكور على الموضوع الممتع..
لك مني كل التحيه