شـكـر وعـرفــان .. لدوار الرقه المبجل ..

[الأيام]

سبق لي ان تسائلت عن دوار الرقه كنت متفائل لكن انتابني شعور باليأس لكثرة مرتادي هذا
الدوار
وأذهلني ان قدرة استيعاب الدوار تستحمل المرور بأي طريقه تحلو للشخص دون التصادم بالأخرين

اثبت هذا الدوار الذي يعتبر عن ابناء قبيلتنا الأفضل والأشهر بالنسبه لنا
فلو تدخل دوانية لأبناء القبيله وتسألهم عن برج ايفل او او اين يقع برج بيزا المائل
اعتقد انك لن تجد اجابة من الكثير تقول لك انه في مدينة توسكاني وسيكتفون بالقول
انه بأيطاليا ..

عموماً هذا الدوار يملك حظوظ كثيره فهو يملك اصوات ابناء المنطقه وابناء قبيله كامله تهتف له
يومياً اطال الله عمرك وحماك الله من كل أرعن يشفط ويزعج ويقلق راحتك
.. وأعز الله لك عاملي البلديه والاشغال للسهر من أجلك ..

نعم انا اختلف معك وأزعل عليك .. لكنك تجبرني ان اجيك وأرفع لك عقالي ..
لأنك دوار بشــنب !! دوار لشفت قريب لك ضايق فزعت وفرجت كربته بعد رب العالمين ..

وبالختام تحياتي للدوارنا اللي اعتقد انه المعجزه الثامنه بهذا الكون ..
كونه يملك ما لايملكه الأخرون فحينما يقسمون لايبرون بقسمهم
ومع العلم اني لم اصل للدوار بحاجه وأختلف معه داخل قبة البرلمان ..
لكن ما شاهدته من فخر وعز لأبناء القبيله اتجاه هذا الدوار فرحت وقلت كثر الله من رفع شأن
ربعه وقام في واجباتهم بعيد عن الوعود والنفاق على وزن انا معارض انا محارب انا مسكين !!
انا اعمل بالشؤون .. !! انا كاتب بالصحه .. انا ماقدر اجيب لكم حقوقكم .. !!
كل هذا الأمور يخدع بها من يتخاذل مع ناخبيه .... !!

[فلاح بن ملبز]

السلام عليكم ورحمة الله وبركاته

يستاهل وفعله طيب مع بني عمه

ولاهنت

[المميز 20]

الله الله عليك يا كبير

موضوع بالفعل كبير من كاتب كبير

ويستاهل الدكتور الكدح لانه بالفعل مجمل مع العجمان

[الـفـارس]

الايام

حرام والله توقيعك ياليت تغيره وتحط صورت راعي الدوار احسن

لان صاحب الصوره اللي انت حاطها رجال مايبيع ناخبيه ويشتري

مصالحه للتمسك بكرسي العائله وليس القبيله

والمعاملات وسيله يشتري النائب فيها الناخب

والاحرار ماينشرون وانا اخوك .

والله انك شوهت راعي الصوره بكلامك من خلال التناقض

[الأيام]

عزيزي الفارس ..

انت لاتعلم اني من اشرس المعارضين وعاشق لتكسير الكراسي واتراشق بقاذفات بدل
من الكبايات ..
لكن الشكر لما قدم صاحب الدوار من امور انسانيه لأشخاص فقدو الأمل للأنظمام لقافلة
العلاج بالخارج وتأكد ان صاحب الدوار شخص اختلف معه بالطرحه السياسي كثيراً
لكن اتفق انه رجل طيب وفيه خير لربعه ومايوعد ويخلف !!
ولما يحتجز احد بأمن الدولة والسبب مشاركة بالتشاوريه ويكون رجل عائد من العمره وهو
منهك يفزع لك ... على عكس من يعتذر ويقولك انا بالشاليه لما أرد الديره اشوف الموضوع
يا اخي الكريم انا اكرر لك اني لا انتمي لفكر محمد السياسي لكن اشجع ان يكون الجميع
صادقين نفسه لا يوعدون ثم يخلفون لا يتكبرون على عيال عمهم !!
لاعمره رفع خشمه والزقاره بحلقه وقال وين تبي اسفر ولدك وأي دولة تبي نعالجه فيه
ومن ثم يترك الجمل بما حمل !!

اخي الكريم تأكد اني لا ادافع عن الدوار ولا من حولة .. واللي يدافع عنه علمه وطيبه ..

انا معارض جداً وانا منفعل لأمور عده لكني احب ان يكون الانسان بارز ولا يكون مجادلاً
من اجل أرضاءه بأرض او قسيمه صناعيه ..
نحن نعلم مايدور حولنا
أقدر توجهاتكم السياسيه وانتمائاتكم ...
لكن لما افكر بيني وبين نفسي لا اجد سبيل بأن اصد عن من سعى وعمل للأخرين

[الـفـارس]

الايام

والله على مااقول شهيد

سالفة الرجل صادق بالوعود اسمحلي

واذا انت ماتعرفه عدل راح اقولك

النائب المحترم على النظام القديم

عنده قاعده ويشتغلها بايده ورجله

واللي يشوفه عادي طاف ولا درا عنك

وفيه شغله مهمه انك لاتجيه بروحك لازم

تجيب ابوك وعمانك واخوانك عشان تمشي

معاملتك بسرعه ونفس الوقت يشهد اللي جبتهم

معك انك خلصته جعل امحق مخلاص

وبعدين جرب ادق عليه شرط تفحط مارد عليك :)

حنا بدال لانوعي الناس انت ترجعهم لي ورا

وابشرك حتى الطاحوس اللي يقولون مايمشي ومدري شنو

ماعنده الا الحكي ابومشعان مايقصر يسوي اللي يقدر عليه

والرجال فاتح دوانيته يوميا وعسى الله يوفقه

[عجـMe]

تحياتي
لدوارنا اللي اعتقد انه المعجزه الثامنه بهذا الكون
كونه يملك ما لايملكه الأخرون فحينما
يقسمون لايبرون بقسمهم

تحياتي
لدوارنا المعجزه التاسعه دوار أم الهيمان
فدوارنا المعجزه التاسعه يشهد على خنوع دواركم المعجزه الثامنه
في عدم أبراره بقسمه
:cool:

[الأيام]

اخوي الفارس
انا لم اجرب ان اتصل عليه وأتعلق على التلفون وأسمع نبضات التلفون ترن من غير
ان تنقطع هذي النبضات ويرد علي بكلمة ألو او هلا ..

انا قلت كل اللي عندي وكل اللي شفته منه اتجاه ناس ..

وانا كتبت اللي شفته لكي لا اهضم حقه عزيزي كوني انتقدته حينما اخطأ ..
فيجب علي ان اكون صادق مع نفسي قبل ان اكون صادق مع الناس ..

عجمي

الاستجواب حتى هذي اللحظة غير موجود ..
واذا ولد الأستجواب وبلغ من العمر لو دقيقه ولم نرى اي دعم من قبل أحد سواء محسوب
علينا او غير محسوب سننتقده لأن هذي قضية وطــن كامله ...

وتنويه انا لاتمت لي صلة قرابه بالدوارين ... :)
لا من ناحية الانتماء او المسكن ..

[عجـMe]

وتنويه انا لاتمت لي صلة قرابه بالدوارين ... :)
لا من ناحية الانتماء او المسكن ..
تكون ساكن ماربيا يعني
:)

[الأيام]

ماربيا وينها من الزغين .. عساها مو بعيده :)

عموماً نتفق نختلف لا اكترث بالأمور هذي
لكن اتفق انا والدوار الذي يحمل كل يوم لوحتين او لوحه من جميع الأفخاذ وبطون العجمان
وقبائل يام .. والقبائل الأخرى ... انه الدوار يستحق الشكر

حاولت ان انصت لما تقولونه بأنه يعتمد على فئه معينه لكن الدوار يثبت بلوحة
مترين بثلاث امتار .. مدونه بشكر وعرفان ومع اختلاف العايله والفخذ دايماً
ولم نجدها حصريه لفئه معينه فقط ...

[النشاما]

الاخ الايام

ترى اذيتنا براعي الدوار اذا هو مسفر اخوك والا ابوك والا ولد عمك امدحه بس لا تقوم اطب في ربعونا الباقين وانا اخيك .. تراهم سفرو ناس للخارج عجز دوارك يوديهم !!

ذبحتنا اطنطن وانت ويا هالدوار اللي باصم 24 ساعه بالطالعه والنازله

العدوه والصيفي والطاحوس مواقفهم يعجز دوارك ودوار الشيراتون يفعل فاعيلهم وفوق هذا ذايقين نفقعتهم

دواوين العجمااااااااااان تشتكي من الوعود الكاذبه اللي يطلقها دوارك

كل امنياتنا انا تزال هذه الدوارات وتستبدل باشارات لها موقفها الحازم بالشارع

[الـفـارس]

الايام

ليش ماتقول انه هو اللي مسويها على حسابه :)

نفس مايسوي بالمسجات اغلبيتها على حسابه

يجي يخلصك وبعدها يستاذن منك انه بيدز مسجات

ولا على حسابه ولاتدفع شي وبعدين يجي دور اخو

راعي الدوار ويدق على احد الشركات ويقوله حط شكر

لراعي الدوار باسم فلان الفلاني وفلوسك بتجيك ويتم

الارسال :)

الايام شفت الكلام اللي انا قلته والله ورب البيت انه صحيح

والله على مااقول شهيد

[الأيام]

النشاما
طول بالك وعلى فكرة ماسفر لي أحد ولاجيته بموضوع وان سفر لي احد
ماهي بغريبه عليه ..

حنا اهني موضوعنا واضح بس الضرب بالطريقه هذي بعيداً عن النقاش مادري ليش ..


اخوي الفارس
انت متحامل عليه كثير
انت تختلف معه بأمور انا اختلف معه لكن انك تطعن وتلغي ادوار كثيره يقوم فيها
ماعتقد يحق لك او يحق لي ..

وبخصوص الشكر والعرفان انا احد الاشخاص كتبتها هنا ومن غير مقابل
لأني اذا ماشكرته راح يشكره غيره ولا هو واقف لاعلي ولا على غيري :)

[صافي المواري]

لاهنت علي الموضوع

بغض النظر عن المواقف السياسيه
وبغض النظر انأ ضد مواقفه بالمجلس وانه مع الحكومه

لما يساعد شخص محتاجه يجب علي شكره والعرفان بالجميل اللي قدمه ..
يحق لك انك تشكره بعيدا عن تخاذله بالمجلس...
ويحق لك ايظاا تذمه علي تخاذله مامور اخرى...

بس ماننساا اللي قدمه سؤا علاج او توظيف او غيره..

وتوعيه ناس شايفه وعارفه..

اللي يبي مواقف تعرفون منو راعي المواقف واللي يبي يخلص هم يعرفونه

نشيد بالمواقف ونشيد بالمعامله اللي تستحق ان تمر لكن العرقله اهي اللي توقفهاا..

بنظري المواقف اهم من المعامله لكن مااننسا اللي خلص معامله انا استحقهاا..

ارفع عقالك لهذي الجوله لانه يستحق..

ومافي انسان كامل..

[متزحلط]

يعلم الله اني ضد المنافقين


الذين لا يقدمون ولا يأخرون ولا ينفعون مثل الدكتور محمد الحويله .!


أهم شي نفعت القبيله ... أما أستجوابات فاشله أو ميت في المهد لاتسمن ولا تغني من جوع .




يكفي أخونا الدكتور أنجازه الذي يبقى محسوب لهم ولكافة ال حويله


وهو منزل الرقيصي ... مع العلم ان الرقيصي صالحي وال صالح لهم عضو


وهو أبو المليون أستجواب ( الطاحوس ) .



سؤال ماهي الفايده من استجوابات ميته في المهد


لي يعلم الجميع الفائده منها هو العذر لناخبين :)


( أنا مخربها مع الحكومه )


يعني ضف وجهك بكل أحترامي ولا تجيني بمعامله :(





مسلم وهق العالم
:)

[صاحب حق]

متزحلط انت رجال ادور احد يشتريك باي معامله :)

ابد جيب المعامله اللي تبي وانا اخلصك حاضر :)

وبعدين سالفة الطاحوس ابو مليون استجواب ياخوي مهوب عاجبك عشان مواقفه

غيرك عاجبه لكن اما انك تقول الرقيصي وهو ابن عمه لاتدخل بنوابا الرياجيل

وبعدين وش المشكله لاخلصه الحويله مهوب ابن عمه ولا انت عندك عنصرية الفخذ

عادي حتى الطاحوس مسفر شايب ال شقير ال محفوظ والعمير قبله وش المشكله

ليش ماقلنا ال محفوظ ثلاث اعضاء شمعنى خلصه وهذا موعيب وانا اخيك

العيب ان الواحد يدور الحايس والمعاملات ويطعن باستجواب يهم ٤٥ الف مواطن

لامات احد فيهم بتنفعه المعامله ياخي يكفيك انه ماينافق وبعدين مسلم البراك

متوهقنا وهقك انت وربعك اللي ينافقون ويضحكون على اهل ام الهيمان ويوم

جات الصادقه ماشفنا احد مسلم وهقكم انه بيفضحهم ويكشفهم لنا :)

يعني بتقنعني ان خالد بيستجوب عشان مايبي احد يجيه بمعامله حلووه :)

[متزحلط]

متزحلط انت رجال ادور احد يشتريك باي معامله :)

ابد جيب المعامله اللي تبي وانا اخلصك حاضر :)

وبعدين سالفة الطاحوس ابو مليون استجواب ياخوي مهوب عاجبك عشان مواقفه

غيرك عاجبه لكن اما انك تقول الرقيصي وهو ابن عمه لاتدخل بنوابا الرياجيل

وبعدين وش المشكله لاخلصه الحويله مهوب ابن عمه ولا انت عندك عنصرية الفخذ

عادي حتى الطاحوس مسفر شايب ال شقير ال محفوظ والعمير قبله وش المشكله

ليش ماقلنا ال محفوظ ثلاث اعضاء شمعنى خلصه وهذا موعيب وانا اخيك

العيب ان الواحد يدور الحايس والمعاملات ويطعن باستجواب يهم ٤٥ الف مواطن

لامات احد فيهم بتنفعه المعامله ياخي يكفيك انه ماينافق وبعدين مسلم البراك

متوهقنا وهقك انت وربعك اللي ينافقون ويضحكون على اهل ام الهيمان ويوم

جات الصادقه ماشفنا احد مسلم وهقكم انه بيفضحهم ويكشفهم لنا :)

يعني بتقنعني ان خالد بيستجوب عشان مايبي احد يجيه بمعامله حلووه :)



تخلصني أنت ؟ ولا قصدك اللي مخربها مع الحكومه ويعطي المعاملات غيره من الاعضاء ؟


اذا صدق عندي موضوع بس انطر الحويله وعقبه الصيفي والعدوه ... بعدين افكر في أبو مليون أستجواب :)


بعدين مو شكلتي طاحوسك
:(


وعلى فكره راح اعطيه صوتي أذا طلع من الفرعي لأنه من مخرجات العجمان والشكوى لله



بشرط مايسوي نفس ومسلم وينزل بالرئيسي لأنه مثل الغراب اليمامه صدقني
:)






بس الحويله ونعم
:)


وبيض الله وجه على نفعته للعجمان
:)

[صاحب حق]

والله بالله الكريم

اني ولامره جيت الطاحوس في معامله والله لايحدني عليهم كلهم اموري ماشيه ولاابي شي

بعدين من المستوى الدنيء ان النائب يقيم بالمعامله النائب يقيم بمواقفه بالمجلس

وبعدين ليش تلف وادور بذمتك قضية 45 الف مواطن ولا معامله سخيفه ؟؟

وبعدين ان مات واحد منهم شنو بتنفعه المعامله ؟؟

سالفة تقولي استجواب فاشل ومدري شنو الكل يعلم ان الاستجواب مهوب ناجح بالمجلس

لكن ناجح عندنا وندري ان فيه رجال يدافع عنا ويخاف على مصالحنا ويكفيك من 14 سنه

محد حرك هالقضيه الا ابومشعان الا اعجزو اهل المعاملات ربعك يوصلوله

[دقت الساعه]

^
^
^

صاحب حق الله لايهينك اشهدنك قلت الحق

محد حرك هالقضيه الا ابومشعان الا اعجزو اهل المعاملات ربعك يوصلوله


ايو الله نواب المعالملات الله يستر منهم يوم الاستجوووواب

[مبارك آل قناص]

السلام عليكم ورحمة الله وبركاته

يعطيك العافيه على الموضوع

ويستاهل بوهادي

وتقبل مروري

[ALAjM3]

انا بصراحه مسجل عشان ببدي راي بالموضوع هذا


ولله ويشهد الله

إن راعي الدوار

لاهو راعي فزعات ولاهو راعي وقفات

وراعي وعوود ولا يفعلها
وياليت إنه يقولك إنها ماتمشي وسمحلي ومن الكلام الطيب

بالعكس يتجاهلك بعتماااد

لدرجة معامله عنده وبسيطه جداا

خذيتها ووديتها عند الطاحوس وبالله إنه ثاني يوم متصل علي يقول تعال اخذ اوراقك وسمحلنا علي القصور

بيض لله وجه الطاحوس علي كل مافعله
وبيض لله وجه الصيفي

وحسبي الله علي الحويله لي ماينفع إلا نفسه


ونسأل الله ان يصير عدل بالفرعي القادم
واخراج ناس كفوو مثل الطاحوس والصيفي

دمتم بود ومشكورين علي الموضوع

ويا الايام الدوار دوار الدوله مب دواره

ولاهوب كفوو بعد يتسمي عليه مع إنه اكثر مايقال له

لانك الشرهه مب عليه علي الى نجحووه ؛ مع إنه إغلبية الحويله فعلهم طيب

[أبو فهد]

الحويله والعدوه ان شاء الله مراكزهم في الفرعي بتجي بعد ال 13

[weararb]

اقول ياطيب شنو دوار يشتري اهل المنطقه الرقه ؟ وش هل كلام ماهو حنا اهل الرقه الى نشري وشفيك ماتعرف تسولف دوار ودوار قول لوحه فى الدوار لاتقول صاحب الدوار الان الدوار للحكومه طال عمرك ماهو للعضو وثاني شىء اسهل شىء تسفر رجال للخارج مايبيلها شىء لو تعرف دكتور يسفرك وانت مافيك شىء لاتطبل واجد وانا اخيك علشان لاينشق الطبل ...؟ والدوار مايمثل لنا شىء غير رصيف واذا هو شعار عندك ماهو شعار عندنااا وانتبه لكلامك انك تقول الدوار يمشى بنى عمنا .؟؟؟

[saad@]

متزحلط انت رجال ادور احد يشتريك باي معامله :)

ابد جيب المعامله اللي تبي وانا اخلصك حاضر :)

وبعدين سالفة الطاحوس ابو مليون استجواب ياخوي مهوب عاجبك عشان مواقفه

غيرك عاجبه لكن اما انك تقول الرقيصي وهو ابن عمه لاتدخل بنوابا الرياجيل

وبعدين وش المشكله لاخلصه الحويله مهوب ابن عمه ولا انت عندك عنصرية الفخذ

عادي حتى الطاحوس مسفر شايب ال شقير ال محفوظ والعمير قبله وش المشكله

ليش ماقلنا ال محفوظ ثلاث اعضاء شمعنى خلصه وهذا موعيب وانا اخيك

العيب ان الواحد يدور الحايس والمعاملات ويطعن باستجواب يهم ٤٥ الف مواطن

لامات احد فيهم بتنفعه المعامله ياخي يكفيك انه ماينافق وبعدين مسلم البراك

متوهقنا وهقك انت وربعك اللي ينافقون ويضحكون على اهل ام الهيمان ويوم

جات الصادقه ماشفنا احد مسلم وهقكم انه بيفضحهم ويكشفهم لنا :)

يعني بتقنعني ان خالد بيستجوب عشان مايبي احد يجيه بمعامله حلووه :)

اولا اشكرك على الموضوع
وثانيا ماهي غريبه على هذا الدوار انه يفزع لربعه بعيدا على النفاق
وثانيا صاحب حق متعصب لتكتل الشعبي سواء على خطاء ام صواب ام لعبه سياسيه

[صاحب حق]

ياسعد بن محمد الحويله :)

للحين جمرت الطاحوس في كبدك الظاهر انجحت ضربته وفشلك انت ونائبكم :)

والدليل ردودك المستميته على الطاحوس والمصيبه مو لاقي عليه شي نفس فضايح الحويله

والله يفشل لوني منك والله ماعاد اتكلم :)

بعدين تعال وين راعي فزعات ليش مافزع مع ام الهيمان ؟

قال ايه قال فزعات فزعات على الطل والله لو انه ماصار عضو ابركله

لو انه قعد دكتور ويدرس بالجامعه ابركله مو عضو لانه مايصلح لهلمكان

[saad@]

للحين جمرت الطاحوس في كبدك الظاهر انجحت ضربته وفشلك انت ونائبكم :)

والدليل ردودك المستميته على الطاحوس والمصيبه مو لاقي عليه شي نفس فضايح الحويله

والله يفشل لوني منك والله ماعاد اتكلم :)

بعدين تعال وين راعي فزعات ليش مافزع مع ام الهيمان ؟

قال ايه قال فزعات فزعات على الطل والله لو انه ماصار عضو ابركله

لو انه قعد دكتور ويدرس بالجامعه ابركله مو عضو لانه مايصلح لهلمكان


وانا ادعوك للرد على الموضوع الذي طرحته والذي اعلن عنه خالد طاحوس استقالته وينها
والا الدعوه كلام بكلام هههههههههههههه
وانت تقول لو انه قعد دكتور بالجامعه احسن
بس يكفي انه عجمي مردد هو وعياله

[@ المسرح السياسي @]

مستواك معامله هذا الي خلى الجويهل وغيره ايتوطسون بطنك وبطن الدائره اذا انت متعود انك اتكون تبع فهذا شي ثاني ...
أما ألي انت تمدحه فهو من اصحام نكبة ام الهيمان وبكره يجي الدور عليك وينكبك هذا ورا مصلحة نفسه والحكومه ولا انت وامثالك مآلهم ألى .... التاريخ .... :)

وشكرا لك انك عطيتني الفرصه اني اتكلم بهل موضوع ...