استجواب الطاحوس .. مافي الرمث احد [الأرشيف] - ::. مـنتدى قبيلـة العجمـان .::

FS. Eng

17-05-2010, 06:33 PM

السلام عليكم ورحمة الله وبركاته

الشعب الكويتي كله وخاصه نحن ابناء الدائره الخامسه .. واخص منهم العجمان

بيومين فيها الارتباك واضح جدا فينا

من حيث تقديم الطاحوس الاستجواب من عدمه .. وكلما ظهر لنا تصريح يخرج لنا الطاحوس ويقول (انا عند كلمتي) ( كلمتي ما تصير ثنتين)

حتى عندما خرج غضبا من مكتب احمد السعدون قال اعتقد ان كلامي واضح وسوف اقدم الاستجواب

http://www.al-seyassah.com/Portals/0/03-p1-i14929.jpg

الطاحوس : "أعتقد أن كلامي واضح... وأنا عند كلمتي"

فعلا يابو مشعان .. كلامك واضح لكنك منت عند كلمتك

احرجتنا واحرجت جميع من صوتوا لك

وضعتنا تحت مضله البيق بوس احمد السعدون وقرارته القاسيه على الشعب

فضربتين بالرأس توجع .. وخير دليل قانون الخصخصه الذي وقف معه

لماذا يجبرك على الخضوع لأمره وامتثال قوانينه الي على كيفه !

ويعود لينهاك عن تقديم استجوابك وثني كلمتك للمره الألف لتخذل الشعب

اسأله كثيره تحتاج لـ وقفه

استجوابات كثيره وعدتنا ولم تحقق وعدك وغير التصريحات ما شفنا شي

فاذا كنت لا تملك القرار وموضوعك ليس في يدك لماذا تلعب في مشاعر الناخبين وهذه الوعود القاطعه والعود وكبيركم احمد السعدون يقولك ارجع وتطلع للاعلام وتقول لأ .. بأستجوب !

كان بالاحرى هذه الايام الاتفات الى موضوع ايران وساستها او على الاقل الى موضوع الجاسم وحبسه .. لكنك سرقت الاضواء على غير سنع

على العموم الكلام هنا يطول ولنا في المختصر عبره

لكن اصبح استجوابك الان ( شماته ) والله يعين

المختصر المفيد .. (( حنا صوتنا لك عل اساس انك نائب حر وتقدح من راسك .. اما انك ترجع لفلان وعلان وتتبع زيد وعبيد .. فـ محنا مستعدين انهم يمشّون امورهم في المجلس على موقفك الي جا على غرار تصويتنا لك .. يعني حنا صوتنا لك ما صوتنا لهم :) ))

سآآآري

17-05-2010, 06:41 PM

اللي يغبن ان بومشعان مايشاور ربعه المتفائلون الصيفي والعدوه والحويله
ويسوي الشي من راسه وتجي الجماعه تقول خذلوا بن عمهم !!

اذا هو بالاساس موبشايف إلا العم السعدون !

ذبذبه لكن الله يزينها وأنا اخوك !

صاحب حق

17-05-2010, 08:58 PM

شلون تقول الرابع افضل منك ؟؟؟

هل نسيت مواقف خالد هل نسيت تصويتاته ؟؟؟؟

وبعدين الرجال قال تاجيل مو سحب ممكن تعلمني وش المشكله اذا اجل !!

بالعكس التاجيل قرار ممتاز والدليل شوف تصريح التكتل وقفو معه وصرحو

ولو انه قدمه كان فشل الاستجواب وقعد بروحه ،،، ياليت الواحد يفكر قبل لايكتب

صاحب حق

17-05-2010, 09:00 PM

سآآآري

17-05-2010, 09:32 PM

DK-21

17-05-2010, 10:19 PM

يا جمــاعه هذي سياسه والتأجيل لا يفسد القضيــه

التكتل طلب واللح عليه بالتأجيل وخصوصا بو حمود لما شاف انه بو مشعان عارض كلام السعدون راح مسلم وقاله اجله 10 ايام نعطي الحكومه فرصه اذا ما حلت القضيـه تقدم بأستجوابك وحنا معك

واعتقد اذا كتلتك ما تدعمك استجوابك قبل لاتصعد المنصه فاشل

فا بو مشعان اجل عشان يكون الاستجواب قوي ومدعوم من ناس مخضرمين ولهم باع طويل بالمجلس

FS. Eng

17-05-2010, 10:27 PM

ارجو من البعض عدم قلب الموضوع الى دعاوي شخصانيه

اولا انت شخص حاقد ياصاحب الموضوع

شلون تقول الرابع افضل منك ؟؟؟

هل نسيت مواقف خالد هل نسيت تصويتاته ؟؟؟؟

وبعدين الرجال قال تاجيل مو سحب ممكن تعلمني وش المشكله اذا اجل !!

بالعكس التاجيل قرار ممتاز والدليل شوف تصريح التكتل وقفو معه وصرحو

ولو انه قدمه كان فشل الاستجواب وقعد بروحه ،،، ياليت الواحد يفكر قبل لايكتب

يا صاحب حق انصف الحق

اولا كلمه حاقد ماحبيتها منك و مااكان يجب ان تقال لـ شخص يعبر عن رأيه وهذا يعتبر من ابسط حقوقه يابن عمي

واذكر اني تحت لحظه غضب قلت ان الرابع افضل منه لكن ليس هنا في محل ثاني :rolleyes:

ونعم افضل عندي ان يلتزم الصمت او لا يحرك مشاعر الناخبين

.....

ثانيا انت تكذب على نفسك ولا تكذب علينا ولا تكذب على مين بالضبط؟
انا ما اقصدك انت بعينك اقصد هالي اسمه تكتل شعبي تحت اسم العجوز احمد السعدون

اكان حرياّ بالبيان ان لا يصدر الا اليوم؟ في وقت الاستجواب الافتراضي؟

صارلكم شهرين تصارخون من قمة راسكم بالاستجواب لكن محد معبركم !

ويوم جا يومها أجلتوها .. والسبب عدم المشاوره؟ والله لا بارك الله فيها مشاوره الي صارلها مدري كمن شهر .. وش كان عذر سعدون حماد؟ ما شاوروني .. تتطنزون عليه وجاتكم حمى (المشورى)

على العموم يكفي بس كسر هذه الكلمه الي كان يجدر على تكون نصب اعين خالد الطاحوس وليكون بالعلم ليست بأول مره ينثني عن قراراته بسس الهرم السعدون

.....

لما تقولي بيقدم استجوابه ويقعد بروحه ؟؟

بقولك منو بيوقف معاه الحين؟ ومنو بيوقف معاه بعدين ؟

البصام بصام اما تعلمت هذا الدرس؟

ولنفترض انه قدمه الآن, فصدقني لن يكون هناك متخاذلين .. حتى تصريحات النواب المعارضين لوقت الاستجواب صرّحوا بانهم معارضين وقت الاستجواب لكنهم مع الاستجواب

أيّ الي واقف معك معروف من الحين ولا فيها كلام :)

هم نرد ونقول لحد يقص على نفسه وياليت نخلي المكابر مننا شوي

صاحب حق

17-05-2010, 11:07 PM

الغبن عشان بني عمي ماهوب عيب :rolleyes:
أجل تصريحاتهم ضد الطاحوس !!؟
ماكن بومشعان اللي صرّح عليهم وتكلم
ثمِ يوم انتقدوا البعض كلمته ، جا ثاني يوم
يعتذر ويصحح !!

إلا صاحب سلّم لي على الفارس
أنت لاحضرت ماعاد له بينه ;)

انت لاتقعد تخلط الاوراق

الطاحوس صرح قال انا ماقلت هالكلام

تصريحاتهم تبين انهم ضد خالد خوفا من الاستجواب

وبعدين مو العدوه يقول نتمنى مهله هذا الطاحوس امهلهم 10 ايام

وبنشوف اخرتها

FS. Eng

17-05-2010, 11:15 PM

انت لاتقعد تخلط الاوراق

الطاحوس صرح قال انا ماقلت هالكلام

تصريحاتهم تبين انهم ضد خالد خوفا من الاستجواب

وبعدين مو العدوه يقول نتمنى مهله هذا الطاحوس امهلهم 10 ايام

وبنشوف اخرتها

صاحب حق؟! لا تقتل الحق

اما انت راعي موضوع (العدوه ليتك ساكت)

والحين جاي على غرار رأي العدوه تقول هذا الطاحوس أجل وبنشوف اخرتها مع العدوه !

وكأن الطاحوس وقف اوراقه بالمجلس وقال يا شباب انا ابن عمي ابو محمد المحنك والمخضرم والناضج سياسيا اخبر مني واعلم مني وقالي لا تقدم الاستجواب؟

هل هذا الي حصل ؟ ام انه تلقى اوامر من احمد السعدون واوامر قاطعه وناهية ؟

لا تحاول الدفاع وكفانا تلميع تكلموا بكل صراحه عيب ورب الكعبه عيب هذا التطبيل والاستخفاف بالعقول

وبعدين على طاري موضوع العدوه .. تراه ما وعد واستذبح باستجواب الشمالي الي صارله سنه وهو حبيس الادراج .. هذا ا كان هناك استجواب او تحضير للاستجواب اساسا

احراجات × احراجات

صاحب حق

17-05-2010, 11:24 PM

ارجو من البعض عدم قلب الموضوع الى دعاوي شخصانيه

يا صاحب حق انصف الحق

اولا كلمه حاقد ماحبيتها منك و مااكان يجب ان تقال لـ شخص يعبر عن رأيه وهذا يعتبر من ابسط حقوقه يابن عمي

واذكر اني تحت لحظه غضب قلت ان الرابع افضل منه لكن ليس هنا في محل ثاني :rolleyes:

ونعم افضل عندي ان يلتزم الصمت او لا يحرك مشاعر الناخبين

.....

ثانيا انت تكذب على نفسك ولا تكذب علينا ولا تكذب على مين بالضبط؟
انا ما اقصدك انت بعينك اقصد هالي اسمه تكتل شعبي تحت اسم العجوز احمد السعدون

اكان حرياّ بالبيان ان لا يصدر الا اليوم؟ في وقت الاستجواب الافتراضي؟

صارلكم شهرين تصارخون من قمة راسكم بالاستجواب لكن محد معبركم !

ويوم جا يومها أجلتوها .. والسبب عدم المشاوره؟ والله لا بارك الله فيها مشاوره الي صارلها مدري كمن شهر .. وش كان عذر سعدون حماد؟ ما شاوروني .. تتطنزون عليه وجاتكم حمى (المشورى)

على العموم يكفي بس كسر هذه الكلمه الي كان يجدر على تكون نصب اعين خالد الطاحوس وليكون بالعلم ليست بأول مره ينثني عن قراراته بسس الهرم السعدون

.....

لما تقولي بيقدم استجوابه ويقعد بروحه ؟؟

بقولك منو بيوقف معاه الحين؟ ومنو بيوقف معاه بعدين ؟

البصام بصام اما تعلمت هذا الدرس؟

ولنفترض انه قدمه الآن, فصدقني لن يكون هناك متخاذلين .. حتى تصريحات النواب المعارضين لوقت الاستجواب صرّحوا بانهم معارضين وقت الاستجواب لكنهم مع الاستجواب

أيّ الي واقف معك معروف من الحين ولا فيها كلام :)

هم نرد ونقول لحد يقص على نفسه وياليت نخلي المكابر مننا شوي

يااخي

اولا انت ليش ماتحاسب نوابنا اللي ساكتين

وخالد بروحه اللي متبني القضيه ؟؟

وبعدين شنو بيضرك اذا اجله ؟؟؟؟

ماشفتك صرحت هالايام عن النواب المتخاذلين

وينك ماشفتك تكلمت على الحويله يوم اخطأ !!!!

وينك ماتكلمت عن العدوه !!!!

تصدق خوش راي صراحه

على العموم ماتقذف الا الشجره المثمره

وياليت انك ماتنسى مواقفه اللي قبل ولاتهضم حقه عشان تاجيل

لو انه الغاه صح معك حق

سآآآري

18-05-2010, 12:05 AM

انت ليش ماتحاسب نوابنا اللي ساكتين
صاحب ياخي أحس خذاك الحماس لين ماعدت تشوف ولاتبحث
ولا تقرى جرايد :rolleyes:

خذ أجل اللي سواه العدوه اللي تبي تسكّته غصب :)
اضغط طال عمرك
7
7
العدوه: ملاحقة المصانع المخالفة في أم الهيمان (http://www.majlesalommah.org/vb/showpost.php?p=24195&postcount=145)
العدوه: مصنعان في أم الهيمان هما رأس الفساد والتلوث (http://www.majlesalommah.org/vb/showpost.php?p=22946&postcount=130)
العدوه: نتابع باهتمام تنفيذ قرار إغلاق مصانع أم الهيمان (http://www.majlesalommah.org/vb/showpost.php?p=5063&postcount=42)
العدوه: صوتنا بقناعة على كتاب عدم التعاون مع رئيس الوزراء (http://www.majlesalommah.org/vb/showpost.php?p=4077&postcount=36)
السعدون والعدوه والطاحوس متحدثون بطرح الثقة بالوزير الخالد (http://www.majlesalommah.org/vb/showpost.php?p=3513&postcount=31)
العدوه: استجواب رئيس الوزراء قائم بشأن تلوث أم الهيمان (http://www.majlesalommah.org/vb/showpost.php?p=2447&postcount=19)

ولا تنسى خذ لك لمونااضه بارده وأنت تقرى تنعش
ذاكرتك حبتين وأنا أخيك ;)

DK-21

18-05-2010, 03:27 AM

صاحب حق؟! لا تقتل الحق

اما انت راعي موضوع (العدوه ليتك ساكت)

والحين جاي على غرار رأي العدوه تقول هذا الطاحوس أجل وبنشوف اخرتها مع العدوه !

وكأن الطاحوس وقف اوراقه بالمجلس وقال يا شباب انا ابن عمي ابو محمد المحنك والمخضرم والناضج سياسيا اخبر مني واعلم مني وقالي لا تقدم الاستجواب؟

هل هذا الي حصل ؟ ام انه تلقى اوامر من احمد السعدون واوامر قاطعه وناهية ؟

لا تحاول الدفاع وكفانا تلميع تكلموا بكل صراحه عيب ورب الكعبه عيب هذا التطبيل والاستخفاف بالعقول

وبعدين على طاري موضوع العدوه .. تراه ما وعد واستذبح باستجواب الشمالي الي صارله سنه وهو حبيس الادراج .. هذا ا كان هناك استجواب او تحضير للاستجواب اساسا

احراجات × احراجات

الجمله الاخيره شدتني خالد العدوه ما استذبح على استجواب وزير الماليه

بقولك ياها وبالفم المليان يزعل من يزعل يرضا من يرضا

خالد العدوه لو تنقلب الدنيا رأسا على عقب مايقدم استجوااااااااب وانا وياك والزمن قدام

خالد العدوه من سنـة 1991 وهو يمثل العجمان ولا شفنا منه استجواب واحد

ليه شالي ينقصه ؟؟ رجل متحدث وصاحب منطق وثقافه عاليه ايعقل ان الوزراء ماغلطو طوال 18 سنه

ليش مايبتنى موضوع ام الهيمان العدوه على قولتـك وهو صارله 18 سنه يمثل الدائره ولا شفنا منه شي سوى المجاملات السياسيه المخزيه

هذا الحق يزعل من يزعل يرضا من يرضا

وايضا محمد الحويـله الذي المنصب اكبر منه مع احترامنه لشخصه

يا دكتور انت تصلح بالجامعه نعم تلقي محاضرات

لاتصلح في قاعة عبدلله السالم

كلمات من القلب الى القلب

وايضا نقول حمدلله الي طلع لنا نائبين يمثلوونا بصوره جميله

الصيفي مبارك هذا النائب الشجاع الذي تتنومس وانت تشوف مواقفه الطيبه

وخالد الطاحوس الذي يمثل الدائره الخامسه بكل اطيافها

ولا هو ممسك على بو مشعان انه أجل الاستجواب هذي بالاخير سياسه مو كرة قدم ونهائي وتاجل عشان العالم تشب عليه

اجل من اجل المصلحه العامه للاستجواب ولكي يكون الاستجواب قوي ومدعوم بأغلبيه نيابيه

واستجواب الشمالي طالما انه الرجال حاطه في باله ومجهزه اجل مالك حجه عليييـه

ابرك من الي كلش مايطرون طاري الاستجواب وشكلهم مايعرفوون يسون استجواب ولا يعرفون قوانيه اصلا

الله يكافينا شر البصامه

ويعــز الرجاجيل الي فيهم خير ومواقفهم طيبه مع بني عمهم في المجلس وبره المجلس

سآآآري

18-05-2010, 09:06 AM

8
8
:rolleyes:

KD-21

أولا وقبل كل شي تراك تناقض نفسك !
قبل كمن يوم تقول
أداء العدوه جيد
واعطي العدوه اذا ظل على موقفه هذا ثابت
وجاينا اليوم تقول وش سوى العدوه ! :D
لكن شكلك لا احتمى الموقف قلت أنا ونفسي !

ثانيا :
وأنت تشوف أن كل عضو واجب عليه تقديم استجواب في عمره
البرلماني وإلا ماهوب عضو كفوو ؟!
ياخي أمرك عجيب
العدوه ماينقصه شي ، غيره والله اللي ينقصه نضج سياسي ومسؤوليه
ويبتعد عن دغدغة مشاعر ناخبيه ويعشمهم من دخل ، يبي يخلق له
هاله وسط المجلس من أول سنه !!
العدوه وان ماقدم استجواب ، إلا أنه يتحدث كمؤيد للاستجواب
وذا أنت ماعندك خلفيه عن هالشي (وهذا الواضح) صدقني
راح تتعب من كثر الحكي
ولا بغيت تلّمع لمّع لكن لاتتعدى وتزايد على غيرك :)
ردنا عليك بيكون بأدله محنا من اللي ماصدق عيّن
كيبورد وقام يخيط على كيفه ;)

على فكره ردي اللي قبل هذا / يحتوي على روابط
ياليت تدخل عليها وتتثقف شويتين :)

الغلا الصعب

18-05-2010, 09:58 AM

بقولك ياها وبالفم المليان يزعل من يزعل يرضا من يرضا

خالد العدوه لو تنقلب الدنيا رأسا على عقب مايقدم استجوااااااااب وانا وياك والزمن قدام

خالد العدوه من سنـة 1991 وهو يمثل العجمان ولا شفنا منه استجواب واحد

ليه شالي ينقصه ؟؟ رجل متحدث وصاحب منطق وثقافه عاليه ايعقل ان الوزراء ماغلطو طوال 18 سنه

ليش مايبتنى موضوع ام الهيمان العدوه على قولتـك وهو صارله 18 سنه يمثل الدائره ولا شفنا منه شي سوى المجاملات السياسيه المخزيه

_أحمد السعدون "الي هو قدوة ابو مشعان" ما قدّم استجواب في حياته البرلمانية الممتدة لـ 30 سنة !!;)

DK-21

18-05-2010, 10:30 AM

احمد السعدون زعيم كتلة العمل الشعبي ورمز ويبقى رمز وطني نفخر بــه ودع عنك التعنصر

احمد السعدوون متكتك الاستجوابات ومافي استجواب يطلع من الكتله الا يمر عليه وويشوف جوانبه الدستوريه مثال وزير الداخليه استجوابه المقدم من النائب مسلم البراك

ايضا استجواب الدقباسي لوزير الاعلام من صاغ مسودت الاستجواب ؟؟

انا ما اقولك مقيـــــــاس انه لازم يقدم استجواب ولا يصير بصام

مثال بو خالد وليد الجري ماقدم استجواب بس شتان بينه وبين ربعـنـا الي الحين بستثناء الصيفي والطاحوس وايضا العدوه تحسن بمواقفه

بس انا اتكلم عن اذهانه في اذهانه خالد العدووووه مو بهالطريقه ولا بهالصوره

خالد العدوه كان لما يخطب ناس من اقصا الكويت تجيله وتحضرله كان مجلجل في المنابر

كان مافي شي اسمه خطوط حمرا اذا تحدث خالد العدووه

ماهو الي غير الاحوال

واسئل نفسك يا ساري شنو الي خلا الناس تحب بو حمود مسلم البراك وشالي خلا الناس تتذبذب في مواقف خالد العدووه والدليل شوووف ترتيبه في الانتخابات

خالد العدووووه مواقفه في دور الانعقاد هذا نعم طيبه جدا ومشرفه ولكن انا اتحدث عن خالد العدوه لا اتحدث عن شخص مبتدئ في المجلس

هذا الصيفي مبارك

وهذا خالد الطاحوس

اول سنه بالمجلس بس احسن من مستوى خالد العدوووه ماسئلت نفسك ليش ؟؟

لو وقف مع الاستجواب وتحدث مؤيد وقال ما قال لاكن نحن لا نطمح الى هذا المستوى من بو محمد نأمل منه المزيــد انا أمل ان ارى خالد العدوه في نفس مرتبت مسلم البراك

ولا انسى كلمة مسلم البراك الشهيره عن خالد العدوه عندما قال الاْسد تخلى عن عريـــنــه

وعلى فكره ترى اول مادش بو محمد المجلس صرح بأستجواب وزير الداخليه وبأستجواب وزير الاشغال ولا شفنا لا ذا ولا ذا

ومع ذالك احنا نحب بو محمد ونكن له كل تقدير ولا نطعن بشخصه لكن ننتقد جوانب من ادائه

نأمل ان نشوفه بقوووته الحقيقه لأن ليس نائب مبتدء نائب صاحب باع طويل وله اسمه بالمجلس لماذا لا نراه بصف المعارضــه الامـاميـه ويلتصق اسمه بأسم المعارضه دوما

هذي حقائق يجب ان تقال

خالد العدوه من جيل وليد الجري اذا تبي تقارين هنا المقارنــه واترك لك المقارنه قارن بين الاثنين وبتشوووف فرق كبيــــــــر صج انه وليد الجري لم يقدم استجوابات بس بشوووووف الاسامي الي قاعد يطرحها في المجلس والاختلاسات الي تصير ولا يخشا احد وليد رجل بمعنى الكلمه

تذكر كلمته لما كان رئيس مجلس الوزراء الي قبل ناصر المحمد عندما كان طالع وليد الجري من المجلس وبجانبه مسلم البراك ضمير الامه قال له طويل العمر ( اوريييك ياوليد دواك عندي )

تدري شرد عليه قاله داو ربعك الي جمبك ( يأشر على الوزراء ) انا ماني مريض

لأنه وليد الجري فقط يقولهاااااااااا ومحد كان يتجرأ على ايام وليد الجري في المجلس انه يعارض رئيس مجلس الوزراء

شتان بين وليد الجري وبين خالد العدوه ولو انه خالد العدوه اقدم من وليد برلمانيا واقدم من مسلم البراك برلمانيا بس شوف مع نفسك وانظر الى محبة الشعب لمسلم البراك ووليد الجري ومحبة الشعب لخالد العدوه ورايهم فيه

كل التقدير وللاحترام لخالد العدوووه يبقى فارس ولو اختلفنا معه

كل التقدير الى النائب السابق الجدير باالاحترام وليد الجري

الغلا الصعب

18-05-2010, 10:36 AM

لا تحاول خلط الأوراق ..

ونعم في نوابنا كلهم .. لكن انت تحاول تسلط الضوء على نقطة معينة لما تقول الصيفي والطاحوس على الرغم انهم سنة اولى برلمان افضل من أداء خالد العدوة ..

أنا أقولك .. خالد العدوة رمز .. ولا مجال لمقارنته مع الآخرين .. صحيح أخطأ في بعض الأحيان ولكن أعتذر الرجل وصحّح مساره و هذه سمات الرجال .... وشوفه في المجلس هذا .. والله انه ينومس ويجمّل ..

و ابو محمد فيه صفات ومميزات تجعله بحد ذاته إنسان ناجح وسياسي له وضعه وثقله ..

دمتم بود

سآآآري

18-05-2010, 11:35 AM

Dk-21

العدوه قلتها أنت ان تحدث تحدث
يعرف متى يتدخل ومتى ينتظر ويترقب ،
ثم العدوه لاجابها جابها من رأسه ، محدٍ
يشور عليه ويحركه !
هذي السياسه يا أخي ، ماهي بالتسرع
وتهييض الناس وتعشيمهم وبالنهايه حكي !
يا أخوك ما ننقص ببو مشعان ولا بالأربعه
كلهم ، لكن لا تجامل على حساب الثاني
ولا تاخذك الحميه على واحد دون الثاني !

تقول ان به فرق بين العدوه ومسلم
وأمس ابشرك اننا عرفنا الفرق بين
العدوه والطاحوس :)

ربي يهدي الجميع

™ عبد الله ™

18-05-2010, 01:48 PM

سبحان الله

كأني اقرى مقال نبيل الفضل اليوم رغم انه كان مختصر الا انني اصبحت اقرأه بتفاصيله الآن !!

انا كنت ألوم الطاحوس على حماسه الزايد
لكن ما دريت ان عندنا ناس متحمـّـسه للنيل من الطاحوس والتشمـّت بأي وسيلة كانت !!
وحتى لا اسيء النيـّه .. قد يكون هذا الكلام حماسا لحل قضية ام الهيمان
وفي الحاله الاخيره ( لان الاولى مفروغ منها لا عـُـرف السبب ) .. خطــأ ان يكون الأفق لدينا ضيـّـق جداا فلو نظرنا لتوقيت الاستجواب مقارنه بالوضع السياسي الحالي ومواقف الكتل النيابيه والاعضاء .. لأستشـفـّـينا العذر
بل كان يجب علينا ان نضغط على الطاحوس بأن يؤجـّـل الاستجواب اذا كنــا محبـّين ومنصحين له .. لا ان ندفع به الى الانتحار السياسي وبالتالي عرقلة قضية ام الهيمان واحتراق كرتها نهائيـّـا !!

نرجوا ان يتم التركيز على القضيه لا على اطراف اخرى

FS. Eng

20-05-2010, 10:45 PM

الربع ماشاء الله جاهزين انهم يخرجون عن الموضوع باي وقت

الاخ عبدالله ولا يهونون الربع

اول شي شوفلي حل في سالفه الردود الي تنحذف وان كانكم ماتبونا نكتب عندكم ياليت تراسلونا بالخاص وبالعكس يسعدنا هذا الشيء

ثاني شيء لا تزايدون على حبنا لبني عمنا ومسأله النيل من احد الاعضاء فهذا الامر لا يقبل منك ولا من غيرك

وبالنسبه للاستجواب يوم تكلمت ابغي اوصل رساله وبالمختصر المفيد

شهرين = 60 يوم

يعني اعتقد مده كافيه لانشاء مصانع او نقل مساكن ام الهيمان بما فيها!

والغريب في الامر ان تصريحات الطاحوس الى يوم الاستجواب كانت واضحه وكان مندفع وما بأذنه ماي والرجال مرتب اموره وخالص (كلامي واضح)

الشاهد لماذا هذه الانتكاسه ؟! ما السبب المقنع لـتـأجيل الاستجواب؟!

بتقول عشان مصلحه ام الهيمان ؟ تكذب على نفسك الله يهداك

كلنا نعرف وانت تعرف انه تأجل عشان البيق بوس العجووز السعدون مو راضي على الاستجواب

وهذه نقطه خطيره وخطيره وخطيره .. أيّ يا الطاحوس تبدي احمد السعدون صاحب الخصخصه والي استذبح عليها على مواطنوا الخامسه ؟!

هل الطاحوس مسيّر؟ هذا ما نريد ان نعرفه فقط لا غير

لذلك لا تحاولون قلب الموازين وتلميع الخطأ

همسه: بعض الاعضاء محتاجين خيمه (حكّاك دلال) لاجل امور التلميع والتطبيل

صاحب حق

20-05-2010, 11:54 PM

FS. Eng

21-05-2010, 12:06 AM

السلام عليكم

بعد اذن الاخ عبدالله

ياصاحب الموضوع انت تناقض نفسك بنفسك

والدليل انك الحين تعاتب خالد عشان ماقدم استجوابه

والموضوع حق العدوه يوم صرح العدوه من كلامك منت مايد الاستجواب

ماعرفنالك ياخوي ولا شيقول العدوه انت معه

رح اقرا كلامي عدل وافهمه قبل لا تجيني تجري

اعتقد كلامي واضح ولوّ اني ماني من مؤيدين الاستجوب وبقوة ما انتقدت الطاحوس على الي سواه

وبالنسبه للي ذكرته في الموضوع الآخر الذي يختص بالعدوّه قلت انكم لستم باحرص او افهم من خالد العدوه .. وابو محمد له تصاريح كثيره ضد رئيس الوزراء في قضيه ام الهيمان (ان كانكم تسمعون التصاريح)

لكن بيني وبينك وانا اخيك .. التصاريح مامنها فايده .. نبي افعال :)

ولا وش رايك انت ؟

صاحب حق

21-05-2010, 07:43 AM

منت مقتنع بقضية ٤٥ الف ؟؟ خوش كلام :)

طيب وش اللي تشوفه صح ان العدوه يوقف مع الاستجواب او ضده !!

FS. Eng

21-05-2010, 12:36 PM

منت مقتنع بقضية ٤٥ الف ؟؟ خوش كلام :)

طيب وش اللي تشوفه صح ان العدوه يوقف مع الاستجواب او ضده !!

يابووووووووووووووووووووووووووي

من قالك ماني مقتنع ؟ انا قلت ماني مقتنع ؟

وش فيك الله يهداك يا صاحب حق ؟

وبالنسبه للعدوه الي اشوفه صح طبعا انه يوقف مع الاستجواب (هذا اذا كان فيه استجواب)

والله يجيب مطر :)

صاحب حق

21-05-2010, 01:56 PM

انت اللي تقول

اعتقد كلامي واضح ولوّ اني ماني من مؤيدين الاستجوب وبقوة ما انتقدت الطاحوس على الي سواه

وبعدين شنو موقفك اذا العدوه ماوقف معه

انا والله العظيم اذا خالد ماقدمه الخميس وربي اول من ينزل

موضوع انتقاد له ولاعاد اطريه باي مكان :)

بس ياليت اعرف شنو موقفك اذا العدوه وقف ضده**

سآآآري

21-05-2010, 02:04 PM

:rolleyes:
صاحب يااكثر حكيك كثراه !

عط عمرك السلامه العدوه قال اذا الاستجواب فيه مصلحة أهالي أم الهيمان سنقف معه .
مير انت ودك العكس :)
خل عنك العدوه بس والركض وراه ، رح شف جرايد اليوم
حتى حدس والسلف رفعوا يدهم من استجواب بومشعان
وقالوا انه ماهوب حل !

FS. Eng

21-05-2010, 02:11 PM

يا صاحب حق

اعتقد كلامي واضح ولوّ اني ماني من مؤيدين الاستجوب وبقوة ما انتقدت الطاحوس على الي سواه

((اللوّ)) الي انا ذكرتها في كلامي تعني (اذا)

لوّ : تفيد امتناع حصول الجواب لامتناع حصول الشرط

تعرف قاعدة If ?

يعني جملتي بـ صياغه ثانيه
اعتقد ان كلامي واضح واذا انا مو من مؤيدين الاستجواب وبقوة ما انتقدت الطاحوس

اعتقد فهمتني تكفى الله يرحملي شيبانك ويطول بعمر غاليك ويخليك لـ عين ترجيك .. ويحفظك ان شاء الله من غش الناس وقهر الرجال .. ويريك الحق حق ويرزقك اتباعه ويريك الباطل باطل ويجنبك اتباعه .. وتكون دكتور في اللغه العربيه وتنزل مجلس امه وتنجح وتوعد انك بتستجوب وزير وتفي بوعدك وتستجوبه وما تأجل الاستجواب لاجل ان ترضي ناس ماهم كفو .. قول آمين

ثانيا ..
انا ماني محسوب على خالد العدوه ولا خالد العدوه محسوب علي ولا يمد لي بأي صله لامن قريب ولا من بعيد

لهذا اذا جا يوم الاستجواب وما طلع بالوجه الزين .. تعاهد وياي نحطه حاله حال الحويله

واذا ما قدم الطاحوس استجوابه وش رايك ؟ نصفه بعد مع الحويله ؟

صاحب حق

21-05-2010, 02:15 PM

اللي كثر حكيه اللي يتنقز على الرياجيل :)

السلف :)

هل انت مقتنع باداء السلف بالمجلس ؟؟؟؟

طيب كلام العدوه غامض يقول اذا فيه مصلحه

ابي شنو رايك انت هل يوقف ضد الاستجواب او مؤيد ؟

عشان اعرف كلامك لاقدم مع اني لعاقد العزوه بيوقف ضده

وشنو راح يكون موقفك لاوقف ضده ؟؟

صاحب حق

21-05-2010, 02:26 PM

يا صاحب حق

اعتقد كلامي واضح ولوّ اني ماني من مؤيدين الاستجوب وبقوة ما انتقدت الطاحوس على الي سواه

((اللوّ)) الي انا ذكرتها في كلامي تعني (اذا)

لوّ : تفيد امتناع حصول الجواب لامتناع حصول الشرط

تعرف قاعدة if ?

يعني جملتي بـ صياغه ثانيه
اعتقد ان كلامي واضح واذا انا مو من مؤيدين الاستجواب وبقوة ما انتقدت الطاحوس

اعتقد فهمتني تكفى الله يرحملي شيبانك ويطول بعمر غاليك ويخليك لـ عين ترجيك .. ويحفظك ان شاء الله من غش الناس وقهر الرجال .. ويريك الحق حق ويرزقك اتباعه ويريك الباطل باطل ويجنبك اتباعه .. وتكون دكتور في اللغه العربيه وتنزل مجلس امه وتنجح وتوعد انك بتستجوب وزير وتفي بوعدك وتستجوبه وما تأجل الاستجواب لاجل ان ترضي ناس ماهم كفو .. قول آمين

ثانيا ..
انا ماني محسوب على خالد العدوه ولا خالد العدوه محسوب علي ولا يمد لي بأي صله لامن قريب ولا من بعيد

لهذا اذا جا يوم الاستجواب وما طلع بالوجه الزين .. تعاهد وياي نحطه حاله حال الحويله

واذا ما قدم الطاحوس استجوابه وش رايك ؟ نصفه بعد مع الحويله ؟

شكلك مدرس عربي :

انا تكلمت للي شفته قدام عيني :)

كفو هجل ننطر الخميس طال عمرك

ونفس ماقلتلك والله العظيم بتشوفني منزل موضوع عن الطاحوس

اذا ماقدمه وساعتها بتشوف اني على وعدي

بس ولاتهون ابي منك اذا العدوه وقف ضده تكتب موضوع نفس هذا ممكن :)

وعقب ردك ماراح نكثر الحكي بننطر لي يوم الخميس ونشوف :)

ونفس الشي اذا قدم الطاحوس الخميس وش موقفك

FS. Eng

21-05-2010, 02:34 PM

^
^^
^^^

بس تم

وموقفي من تقديم الطاحوس للاستجواب كموقف اي مواطن يسب الحكومه اللعينه صبح ومساء ويريد من يهزها وسمع باستجواب قادم فأخذ (يطامر) فرحا :d

عجـMe

21-05-2010, 07:55 PM

كفو هجل ننطر الخميس طال عمرك ونفس ماقلتلك
والله العظيم بتشوفني منزل موضوع عن الطاحوس اذا ماقدمه وساعتها بتشوف اني على وعدي
بس ولاتهون
ابي منك اذا العدوه وقف ضده تكتب موضوع نفس هذا ممكن :)
وعقب ردك ماراح نكثر الحكي بننطر لي يوم الخميس ونشوف :)
ونفس الشي اذا قدم الطاحوس الخميس وش موقفك

^
^^
^^^
بس تم

انا شاهد
واللي ماراح يلتزم منكم بوعده ياويله مني ويلاه
:)
واللي منكم راح يلتزم بوعده راح
أنزله
لوحة شكر عند دوار الرقه
:)

صاحب حق

21-05-2010, 08:01 PM

ونعم الشاهد ياعجمي :)

لالا دوار الرقه محسوم حق واحد من اعضائنا

مايمديك تحطها تنشال بس تقعد لوحاته :)

FS. Eng

21-05-2010, 08:23 PM

انا شاهد
واللي ماراح يلتزم منكم بوعده ياويله مني ويلاه
:)
واللي منكم راح يلتزم بوعده راح
أنزله
لوحة شكر عند دوار الرقه
:)

ههههههههههههه
يا مرحبا يا عجـme

الله يصلح الحال وان شاء الله نوابنا كلهم يلعون بالوجه الي يشرف

والله ما بغينا منهم شي الا انهم يمثلونا خير التمثيل ولا نبي زود على هذا الكلام

وفي الأخير مبتغانا هذا لصالح الكويت قبل أن يكون في صالحنا .. لذا يتوجب على النواب نفسهم ان يعوا هذا الشيء

وان شاء الله ان كل نوابنا فحول وكلهم شرفاء

وفي الأخير مصلحه الوطن والمواطن

عبـق أجدادي

21-05-2010, 08:28 PM

.

خالد الطاحوس لو إنه مستمع من الأول
للرمز أحمد السعدون ماكان حصل اللي حصل
ولا تعرّض للهجوم من الناس

هذا الرمز أبو عبدالعزيز .. أبو الدستور الثاني
لو تجسدت المعارضة البرلمانية بصورة بشر لاختزلت في شخصه
هذا وقود ديوانيات الأثنين .. يلجأ له الأعضاء بعد الله لما يحتزبهم
أمر بمافيهم تلميذه مسلم البراك .. فما بالكم بخالد الطاحوس

وماقولك من هذا له " بضائره "
العرب تعرف من أنكرت والعجم ِ

" من شاور الرجال شاركهم عقولهم "

تجي العافية إذا ممثلي بالبرلمان إستمع لتوجيهات شخص
حكيم ومعارض وطول عمره بخندق الشعب مثل أحمد السعدون
ولا فيها شي إذا إستشرت من هم أكثر خبرة مني وأطول
باع في المعترك السياسي خاصة إذا كان من نفس
كتلتي وتوجهي ومبادئي

ليس بالضرورة إن كان القرار منطلقا ً من فكر صاحبه
يكن صائبا ً وموفقا .؟! .. في بعض الأحيان يكون هذا الفكر
أحمق وغير مدروس وغير قادر على وزن الأمور ..!

نصيحتي لابو مشعان

عليك بالرمز السعدون ونائبه مسلّم
إلززززززززززززززم غرررررررررسهم
ولاتفرق جمعهم

وإذا أمرك بأمر أو تأجيل فليكن جوابك له
" ستجدني إن شاءالله صابرا ً ولا أعصي لك أمرا ً "

وجميع أعضائنا فيهم الخير والبركة
ولكنهم يتفاضلون بينهم
وأفضلهم " الجُدد "

بحفظ الرحمن

سآآآري

21-05-2010, 08:40 PM

اللي كثر حكيه اللي يتنقز على الرياجيل

صاحب حق
أنت اللي تنقز ع الرياجيل وتستعجل النتايج
موقف العدوه غامض حسب قولك ، طبيعي لأن الاستجواب
متذبذب وطلب التكتل الشعبي دراسته !
لكن وين اذنك ياجحا !

بالفم المليان قال العدوه
اذا الاستجواب فيه مصلحة أهالي أم الهيمان سنقف معه !

لاتزايد بهالناحيه ولاتحاول تفسر الأمور على مشتهاك
بني عمه وجماعته يسكنون فذا المنظقه ، جايني أنت
تشكك في موقف العدوه !

كل أغلبية الأعضاء قالوا اننا سندرس الاستجواب
لأن الحل الأساسي مثل ما قال الطبطبائي ليس
الاستجواب بل بحل اصلاحي جذري للمنظقه وهذا
لايعني أننا نعارض أداة الاستجواب !

عُلم ؟؟؟ :rolleyes:
وإلا أعيد بعد !؟

أنا بس طالبك تبصم تسكت عن هالموضوع لين يوم
الاستجواب وساعتها وأنا أخيك حاسبني :)

سلامو عليكو

صاحب حق

21-05-2010, 09:07 PM

ساري انا بس بعرف شغله

تصريح العدوه اذا كان الاستجواب من صالح ام الهيمان سنقف معه

برايك هل الاستجواب من صالحهم ؟

وشنو بيكون ردت فعلك اذا العدوه وقف ضد الاستجواب ؟

لاني اشوف انت من الصوبين مع وضد ياليت ترد على الاساله عشان نعرف

ولا راح انتواجه الا يوم الخميس باذن الله وراح اشتاقلك :)

غـــشـــام

22-05-2010, 01:06 AM

أنا الــــي بقوله الله يــــزيــــتنها الدعوه خربانه

DK-21

22-05-2010, 02:06 PM

سآآآري

22-05-2010, 02:41 PM

^
^
:rolleyes:

عجبتني مصداقيتك هالمره ;)

DK-21

22-05-2010, 02:48 PM

^
^
:rolleyes:

عجبتني مصداقيتك هالمره ;)

والا سيكون لنا موقف !!

جمله بسيطه وصغيره وقد لا تتعدى 10 احرف

ولكنها هي من تستقط خالد العــدوه من البرلمـان القـادم اذا رددها مرارا وتكرارا

جمله بسيطه ولكنها كبيـره على 45 الف مواطن كويتي

سآآآري

22-05-2010, 02:55 PM

أنت وش سالفتك http://smilies.roro44.com/happy/006.gif
متذبذب بحكيّك خليتني أشك ان ذا النك نيم
يستخدمه أكثر من واحد !!
كل رد لك يختلف عن الثاني !

لا تقعد تزايد علينا ! كنك اللي مو مصدق عيّن
له كيبورد وجاي إحكي !
قد قلت لك ابصم لين الاستجواب وساعتها
تعال حاسبني مثل الرجاجيل !
والله البلشه صحيح :)

DK-21

22-05-2010, 02:58 PM

أنت وش سالفتك :d
متذبذب بحكيّك خليتني أشك ان ذا النك نيم
يستخدمه أكثر من واحد !!
كل رد لك يختلف عن الثاني !

لا تقعد تزايد علينا ! كنك اللي مو مصدق عيّن
له كيبورد وجاي إحكي !
قد قلت لك ابصم لين الاستجواب وساعتها
تعال حاسبني مثل الرجاجيل !
والله البلشه صحيح :)

تدري شنو مشكلتك عزيزي ساري

انك ماتفرق بين النقد وبين الهجووم

واذا قصدك اكون غلبا وغالبا مع العضو انت غلطان

وانشالله بو محمد ببيضها بالاستجواب

ولكن انا اتحدث والكلام ليس على بو محمد وبس

كذالك على الصيفي مبارك

وعلى محمد الحويله

وعلى خالد الطاحوس ايضا

ولعلمك الخاص بو مشعان لو ما استجوب رئيس مجلس الوزراء والحكومه ما اتخذت الاجراءات انا اول من ينتقده وانتقده انتقاد حاد ايضا وانا على ما اقول شهيد

نحن نحب كل اعضائنا ولأننا نحبهم لانريد لهم مواقف ليست تليق فيهم