نــــوادر ..... (u) النــ a ـــادر

[النــ A ـــادر]

السلام عليكم ورحمة الله


اسعد الله جميع اوقاتك اخي الزائر .... كم يشرفني وجوودك وتواجدك هنا بمتصفحي


المتواضع وان شااء الله اني اقدر ارتقى لذائقتك ^_^


كل ماينشر هنا ماركة مسجلة بسم النـــa ــــادر من قصيدة او بيت



ياركني الهادئ ترى اسمك نوادر
مختار انا اسمك لن صاحبك نادر
ابغى امتع الزوار بحلا القصايد
بذن الله اقدر لو ماني بقادر

[النــ A ـــادر]

قالو لي العربان.. دنيا خطيرة
احذر من الدنيا ترى تهدم الساس
قلت اسمعو ياناس كلمة اخيرة
دنيا كما هي والتغير من (الناس)

[النــ A ـــادر]

عين الوحش بالعصر مجذوب
لا طول الصوت صقاره
والجسم من ربنا مصبوب
والناس تمشى على انواره
ماهو نحيفٍ ولا دبدوب
في وصفة الناس محتاره
اخشيف ريمٍ ورا عرقوب
صياده ايخاف ذياره
كمله ربي بدون اعيوب
لو جا المزاين خذا الشاره

[النــ A ـــادر]

امي تناديني وانا اقول لبيه
وافرح يلا ناديتها ثم لبت
هي شمعة افؤادي وهي كل مافيه
ونار الغلا ماتنطفي يوم شبت

[النــ A ـــادر]

http://t1.gstatic.com/images?q=tbn:b8W1q_neNWMX0M:http://www.mekshat.com/pix/upload/images9/mk11878_adultperegrine.jpg



ياطير ياللي فوق رجمك تعليت
قانص على فالي وبالعين ريتك
شفتك تنسل فوق رجمك وصديت
وجهزت لك حمامتي ثم جيتك
وهديتها لك لين ياطير هديت
وحلفت مابيعك وانا ماشريتك
ورببتك اسبوعين يالين ماجيت
وزينت انا اطبوعك على مابغيتك
واخذت منك اسبوع ياطير مابطيت
وش غير اطبوعك بعد طاح بيتك
ياطير زادت صنعتك واستعديت
ماعاد تاتي لا وقفت او دعيتك

[النــ A ـــادر]

سيرت على واحد من المضمرين اهل الهجن ... وقعدو الله يجزاهم خير

يسولفوون بالملايين وفلان بااع بثلاث مليون وفلان بمليونين ^_^

وفلان وفلان المهم جات الفكره برااسي وقلت لية ماسوي لي عزبة واحط هجن

وبكره يقوولوون فلان بااع بخمسه مليوون خخخخخ

المهم اسبووع الا اكلم خويي قلت له جايتك هجن استقبلها انا بجيك بكره

شريت ست وخربتها هههه

سويت لي عزبة وصرت مضمر هجن وكان الوقت وقت صيف يعني نفس هالوقت

تقريبا شهر خمسة ههه يعني النااس يخلون الهجن ويرجعون لها بدايت الموسووم

وانا مخالفهم الشايب وخواني معارضين وكل ماقالو لي شي ههههه

قعدت ارد عليهم سوالف اهل الهجن فلان بااع وفلاان يعني رفع معنوياات ^_^

دربت الهجن بالقيض والحر لين قرب الموووسم وصرااحة حتى انا اذا شفت نفسي

بالمراية اتروع وجهي غدا اسود والحاله خلها على الله

جيت مرره تعباان وقالي واحد مناخواااني ياولد وش سالفتك لعبت فيك الشموس

ووجهك مايتشاهد ..... على طول رقعته ببيت على شاان مايطولها ^_^

ياشايف الخله بوجهي والتعب
من لا يغبر شاربه مادسمةالمهم بدا الموسووم وركضت المطايا اول مركااض وحاظرين الشايب ربي يحفظة
واخواني كلهم وانا كاشخ عليهم ... واول مطية تتوطس ببطن الرااعي
وتظرب براسها البيب وينكسر لحيها وتنطلق منها غلط ههه
والثاانية تركض معهم ويووم انتصفت المساافه توسع يمين وترجع تمشي مليوون يساار
وتضرب البيب وتتعور من يدها
والباقياات كلها طلعت ولا شي هههههههه
قالي الشايب روح علينا بالعزبة للغداء هههه داري الشماته هناك واجد
قلت له ابشر وانا معزم اكنسل وبلا ملايين وبلا هم
دخلت عليهم الا اللي يبتسم واللي يضحك ويصد بوجهه
قلت.......................

درهام ذودي غادين فيه خله
مدري ردا تضمير ولا ردا الذود
عفت المطايا والكوي بل اخله
وخلصت انا ماعاد ابي منها زود
ومحمد الراعي من العام عله
كل يوم متمشكل مع الزول محمود
والحظ مللني وانا سرت امله
ماعاد باقي غير دعواك ياسعود
يالله جارك من رد الحظ يالله
وعسى القدم ماتسبر في درب منقود
^_^

[النــ A ـــادر]

/
\
/
\

يهل (........) ؟ انا مفتون في شيخة
مهيب شيخة لسم بس شيخة الزيني
مزيونتٍ ياعذاب القلب كشيخة
تسحر قلوب البشر لا سارت ابزيني
في وسط قلبي غلاها ماخذ الشيخة
اموت في وصلها وان مت تحييني

[النــ A ـــادر]

/
\
/

خلاص عادي تتصل ولا ماودك تتصل
صارت سوا وصلك وهجرانك ترا عندي سوا
دامك علي ياغلا البشر شحيت عني بالوصل
انا بعد مثلك ترا ... لقفيت منظر للورا

[النــ A ـــادر]

\
/
\



ياليتني كنت انظرك كل ساعة
ولا تغيب اسبوع يازين واشتاق


:(

[النــ A ـــادر]

/
\
/

اللهم زد من يحبني جنوناً بي




و امنح من يكرهني نعمه العقل

[النــ A ـــادر]

هذي قصيدة بطلب شخص طلبني لين جبتها

يبي الحب نظرة والشوق دمعة ^_^

وان شاء الله انها تعجبكم مثل مااعجبته وقعد اسبوع يمدحني :)


اول الحب بسـمة واخر الشـوق دمعة
لاتخلي غرورك يذبح الشوق فيني
لاتعجـب ليا من شفـــت بالخـد لـمعة
هذا ماء جابته للـخد راحـت يديـني
والله انك بقلـبي كاســبن خير سمــعة
بس خرب عليـك اللي تسويه فينـي
كنت اشوفك بعيني ياهوا البال شمعة
واثرك اللي مطفي كل الانوار فيني

[النــ A ـــادر]

لا أحلامنا جاءت... ولا آلامنا رحلت...

هكذا الدنيا ... للممااات...

[النــ A ـــادر]

قلبي تولع بمزيونة وخوانة
اتحبني بس الامن غبت خانتني
/
\

[النــ A ـــادر]

/
\

ابسالك وابغى الجواب ابصراحة
فقدتني ولا مع الوقت ناسي

[النــ A ـــادر]

كل مادقيت رقمك قال عفوا لتصال
يعتذر لي عن تمام امكالمتنا وش بلاه
يمكن الجوال غاير مننا يا ام الجمال
مايبينا نتصل ويا بعض وش ذالحياه

[النــ A ـــادر]

من صد عني والتفت لي دعيته
ان جا هلابه وان بغى يروح مسموح
مادامني بمعاملي ماقذيته
في ذمتي ماهمني لو بغى ايروح

[النــ A ـــادر]

اي والله ان صدري به اثلوم واجروح
من سبت اللي بالمحبه هجرني


مسجله للحفظ والتكمله بعدين ^_^

[النــ A ـــادر]

بدون تعليق .....



ياويش اسوي بخبشن مايجاملني
وهو قريبي وانا من حسبت اعيااله
لا جيت اعدله ياسالم يزعلني
ياشين حظي وحظ اللي تلقا له

[النــ A ـــادر]

بعد بدوون تعليق

لا تجبرون الغالية بالاتصال
مادامها من نفسها ماتتصل
الحب ماهو بالغصيبه يــادلال
لو نجتمع يصبح تفرقنا سهل
ترا المحبه جرح ودواها الوصال
كم من حبيبٍ من حبيبه منفصل
خلو .(.......) ابكيفها وانهو الجدال
يمكن لا جيت ابالها جاها ملل
ان كان بي عذروب لله الكمال
وان كان هذا طبعها لا تتصل

[النــ A ـــادر]

/
\


ياحزام مر موظفين الحجوزات
وسال عن اول طايره صوب باريس
متسلفن قطعت دراهم وجنزات
ومافيه داعي لشحن كلها بكيس
العين ملت من وجيه الرفاقات
تبغى تكحل بالبني العوانيس


^_*

[النــ A ـــادر]

/
\
:(

تدري وش اللي يجرح القلب ياسعيد
لا من طلبت اللي تحبه وعيا
وتدري وش اسعد يوم ويعادل العيد
لامن دعاك او قال نسهر سويا

[النــ A ـــادر]

/
/

مافيه داعي للعتب والمشارية
دامك مقفي وش يفيد التشراه
من باعني بعته ولاني بشارية
واللي يبي فرقاي دورت فرقاه
من صد عني حالفِ ملتفت فية
ابعد عن ادروبة ولاادور ارضاه
قلبي جفاك او مايبي تتصل فية
اقـطع علاقتـنـا وماجـاه كـفـاه
لاضاق صدرك تتصل لي تسلية
وان راحت الضقية على طول تنساه
خلاص مات الحب يالي قتلتية
وان كان هذا الحـب يازيـن مبـغاه

[النــ A ـــادر]

//
\\
جديد ....... وبدوون تعليق



خلاص تكفا لا تعاتبني ولا تشره علي
معاد باقي بالعمر كثر الذي راح او مضى
تغيب عشر ايام وان قفيت عنك جيت لي
ياخي ترا عفت الهوا مادام ذا فعل الهوا
يعني كذا ولا كذا جدّدت جرحك لولي
ياخي ترا المجرم يعاقب بالجريمة لا نوى:(

[النــ A ـــادر]

اوادع اللي بجنبه واستحي منه
ويدريبي اني موادع ذا على شانه
ويدريبي اني عليه اغار واحنه
اكثر من ابيه وامه واكبر اخوانه
:)

[النــ A ـــادر]

الشوق والضيقة وبعد المسافات
ثلاثة اشياء زودت هم قلبي

[النــ A ـــادر]

قد لي ثلاث اسنين عايش بلياك
عايش ولاكني مع الناس عايش
كل يوم اقول ابتتصل واتحراك
واشوف زولك مع بريق الدرايش
وان غمضت عيني تجي واتحلاك
واثرك تجي لانمت عندي تتايش

[النــ A ـــادر]

ياللي على الخاص ترسلي وتحرجني
تبغاني اقصد بخلك واتغزل به
تقول خلي ثلاث اشهور تاركني
واقول خلي يحب انسان ماحبه
لامن نصحته من العدوان يزعلني
ويقوم يزمر علي يالين ماسبه
هذي نصيحة عساك اليوم تفهمني
من صد عني ترا ماهمني قربه
/
\