!!!!!!!!!!مكنــــــــــــــــ خــافــقــي ــــــــــــــــون!!!!!!!!!!

[ناصر العظيمان]

السلام عليكم ورحمة الله وبركاته



مــــكـــــان تــــواجــــدي


قــصــيــد

بـــوح

ســوالــف

ســجــت نــفــس

ضحكي وحزني وتعبيري

وجهة نظري في كل مايدور حولي وكل ما انظر اليه


اتـــركـــكـــم مــــعـــــي

[ناصر العظيمان]

يـــــــــوم مـــيـــــلادي


يوم الاربعاء الموافق2010/5/19


ومحتااار وش اسوي في ذا اليوم؟؟

واحد من الربع قالي اكتب قصيده!وسألته سؤال غبي وش المناسبه:confused::)؟؟قال عن اسرائيل:)هههههه

بس انا حيران والمشكله عندي موعد في المستشفى:)حظ حلووو

شكل اليوم بيجي ويروح وانا ماسويت شي:mad:

[ناصر العظيمان]

طبع الزمان يصادفكـ من بلاويه ,,, واناشهد ان فرقاك بلوى زماني

[ناصر العظيمان]

الشاااااعر


تمر على الشاعر احياناً ازمات شعريه

مثلاً يكتب بيت واحد ولا يقدر يكمل عليه

مثل البيت السابق كتبته قبل حوالي ثلاث شهور واحاول اكمل ولا قدرت

ولكن بعض الابيات مو مربوطه بشي قبلها ولا بعدها

وبعض القصايد تكتب عن موضوع والبيت يكتب الموضوع نفسه

فمافي داعي لتكمله

[ناصر العظيمان]

الليله هذي واضحه ليلة فراااااق
حاولت اعديهـــــااااا وعيت تعدي

ضروف ما تنطاق ولا راح تنطاااق
صد الغدر ماهوب صدكــــ وصدي

[ناصر العظيمان]

لولا المراجل ما تسمى برجال
ولولا التجارب ماتقاس الرياجيل

ولولا المحبه مايلومون عذال
ولولا المفارق ما تشوقت بالحيل

8
8
نــصــي

[ناصر العظيمان]

ياما بنات يساوين الرياجيل
وياما رجالٍ تنوزن بالقبايل

وياما ذليل وجثته جثة الفيل
وياما نحيف وفاعلٍ له هوايل

[ناصر العظيمان]

بمناسبة يوم ميلادي


البال ضاق وعين فكري سهاير
ولا قبلت من الهواجس معاذير

الليل فقى بكل ما كان صاير
والصبح بان بطلته نعقد الخير

انسى محاصيد السنين الخساير
وانسى شقى كل السنين المدابير

وابني تفائل في حياة البشاير
وعسى حياتي كله خير في خير


هذي فرش واعتقد ما ابدعت فيها مره ولكن جبرت شعري قصب وانا مشغول وكتبتها في دقيقتين

[ناصر العظيمان]

ياللي خذيت القلب ليتك ترده
رده ترا راعيه عايش بدونه

لا الكيف كيفه لا ولا الود وده
زينكـ سلب عقله سبب جنونه

شف الشفايف لونها لون ورده
ولا الرموش اللي تكحل عيونه

اما الخشم سيفٍ ومسلول حده
شف القمر ياضى ويعطيكـ لونه

ومن شاف جسمه قرد حظه يا قرده
ولا الجديل اللي تعدى متونه

ياللي خذيت القلب ليتكـ ترده
زينكـ سلب عقلي وسبب جنونه

ويطري علي طاريكـ في كل مده
وكانكـ بغيت الفلب ليتكـ تصونه

قد قالها شاعر ولا احاً بقده
تعبير شعره وقت وصفك يخونه
وسلامتكمـ


ابيات لشاعر/فالح بن مبارك الوطيب