سؤال عن صاحب ابل (فلاح راكان)

[kuwait77]

السلام عليكم يا اخوان بغيت اسال عن رجل اسمة فلاح راكان العجمي رجال فيه برص فى ايدينة
هالايام اضربنا عنده ثلاث من اباعرنا وابشركم البل عشرت والرجال سمح ولاقصر ثنتين لقحن على قعود عنده اصفر ووحدة على بعيرة الهرش ياريت اللى عنده معلومات عن ركاب الرجال يعطينا علومهن

[فهيد اليتيم]

مشكور على الخبر ولاكن ماتعرف من اى فخذ من العجمان وين ساكن

[kuwait77]

لا والله ما اعرف ولاكن هذا وصف الرجال

[ضامي]

وين محل ابله

[دايم اهذريبكـ]

:rolleyes:

ضامي اهل البل كل يوم في محل :p

[سهيل الجنوب]

السلام عليكم ورحمة الله وبركاته
مساك الله بالخير
وش وسم البل ووش الشاهد وابله شعل ولا صفر

[kuwait77]

ابلة صفر والقعود اللى معه عليه وسم الشيابين يقول شاريه من مفرس ابا الخيل

[king الوادي king]

طيب وين ساكن الرجال ماعلمك

قالك الصرار

[kuwait77]

الظاهر الصرار والرجال توه شارى الابل

[عَشّــاقْ آلصلَــفْ !]

يمكن انه من ال حثلين لان الاسم فلاح بن راكان والبل صفر وهذا شي دارج عند ال حثلين
وساكن فالصرار والصرار صغيره اكيد ان اهل الصرار يعرفونه ؛ أما اهل الكويت ما عندهم خبر :p

[king الوادي king]

كويت 77

مساك الله بالخير توني اشوف الرد اللي جاء منك يوم قلت انه من اهل الصرار

مواصفاته فيه برص في يديه وقلت ابل صفر وتوه شاري البل
هذا طال عمرك اسمه مهب فلاح

اسمه (( محمد بن راكان بن فيصل ال فردوس ال لزيز العجمي ))

من اهل الصرار ان كانه اللي انت تبي لانه توه شاري ابل وعنده ركاب
واسمحلي على التاخير طال عمرك

[سلطان عبدالله]

السلام عليكم ورحمة الله وبركاته،،


اي صح وين محل ابله،،