ممكن طلب مهم شباب !؟!

[Mox]

السلام عليكم ورحمة الله وبركاتة
اخواني اعضاء منتدى العجمان الكرام:
اتمنى منكم من يعرف قصيده الشيخ راكان بن حثلين حين غزوهم قحطان
فمن يعرفها ارجو كتابتها للضروره.

بها هذا الشطر: فحنا زبارن يشرب السيل لاعام


وشكراً

[gft]

الغالي
Mox
اهلا بك
ماطلبت شي
طال عمرك وحنا بالخدمه
وودنا نخدم شرواك في اللي
نقدر عليه واحب انوه اخوي
ترا فيه موضوع تم طرحه
لجمع ديوان الأمير راكان
تستطيع المرور عليه
وتتزود بما تحتاج
منه وأن كنت
تملك شئ
من قصائده
فلا تبخل
علينا

ديوان قصائد الأمير راكان بن حثلين (http://www.alajman.net/vb/showthread.php?s=&threadid=660)

وهذي القصيده
اللي طلبتها
تحياتي


ياراكـب حـر تـذرب سنـامـه
عليـه نـي راكـب نيـه العـام

ماصك لحيـه فـي ليالـي فطامـه
وعظمه قوي من لبن كل مـرزام

الـى ورد عـد يطيـر حمـامـه
جا للصريمـه مـن لحيـه تقصـام

تلفي لابن هادي كبيـر العمامـه
شيخ ورمحه مع هل الخيل مرسـام

مـر يواعدنـا بحـرب وقـوامـه
ومـر يجينـا منـه هـرج وتسـلام

حي ذا الكلام ومـن هـو كلامـه
اللي لفانـا منـه هـرج التوهـام

وش الجزا ياشوق زاهي الوشامـه
بالسابق اللي ماعرفنا لـه اوقـام

كزيت لك نور السلف والجهامـه
باغيه ذخر فـي مقابيـل الايـام

وغديت انا وياك مثـل النعامـه
جاها بلاها مـن ثقيـلات الاقـدام

ان كان تبغي سابقـك والسلامـه
فـلا تحـول بالجحـادر علـى يـام

حرم عليكم النـوط تطلـق بلامـه
مادام عنده واحد من ضنى يـام

معنا الطويل اللي تجيكـم علامـه
مثل العديم اللي على الجول صرام

الترك قبلك زارنـا بـه زعامـه
وقد عافنا واختار عنا هل الشـام

ان كات تطري حدرتك بالجهامه
لما توصل بـك لهذيـك الارجـام

ذي ديرة الحاكم كبير العمامـه
اللي نحى عنهـا طوابيـر الاورام

قدامكـم شيـخ رفـيـع مقـامـه
الخيل قرح وابيـض الخـد قـدام

وان رادها غيره ضربنـا رثامـه
عـود يبـدل هفوتـه بالتـنـدام

يالله عسى الفردوس ملقى عظامـه
اللي بعث دين النبي دين الاسلام

مثل الدويش اللي يقدي الجهامه
عرقت جواده فوق رجله والاقدام

وان كان حدر لابته مـن تهامـه
حنا لهم في مقطع الصلـب قـدام

اقبل وحنا لـك نسـوي كرامـه
شلف على شهب سريعـات الاولام

تسعين رمح كسرن فـي عدامـه
عشلاين منهن بين راكان وحزام

كم ثار عند ركابنا مـن كتامـه
ياما هلك من ضدنا من سبب يـام

كم من حريب دارج الدم دامـه
يشبع بها السرحان والطير لا حـام

حنا كمنـا سيـل تنحـى غمامـه
هامل بردها بالفرنجـي والاورام

سيله يقزي مانحـا مـن عدامـه
ورعودها منها المدن له تقصـام

كم سيف هنـدي فضخنـا لجامـه
بايماننـا كنـه مقابيـس الاظـلام

نروي من ارقاب السكاري جيامه
في هية يشبـع بهـا كـل حـوام

ونطعـن لعيـن عريـض سنامـه
شقح مفاليهـا مباكيـر الاوسـام

ان كان ودك عندنا لك كلاامـه
وتدري بضيفتنا لك الشرق والشام

اقبل علينا حـي سـوق المسامـه
وعاداتنا نغلي جلب كـل سـوام

حريبنـا تصبـح بكبـده ندامـه
وبرايـة الله والقـدم ناحـر يـام

وصلاة ربي عد ما انشـي غمامـه
على النبـي خصـة الله بالاكـرام

وســـــلامتكــــم

[سياتل]

مساك الله بالخير اخوي al3jman لكن في ابيات ناقصه من القصيده
منها
واكانكم سيل يطم العداما حنا زبار يشرب السيل لا عام
ويستحسن ايضا نقل قصيدت ابن قرملا.
ولك جزيل الشكر

[Mox]

يعطيك العافيه اخوي سياتل وهو صحيح موجود هالبيت بس ماكتبه اخوي العجمان والانسان مو معصوم عن الخطأ

لاهنتو