الطب أو الهندسة

[طلحة]

السلام عليكم

حبيت نسوي مقارنة مع ذكر الافضل من وجهة نظرك في أربعة تخصصات

الطب و الهندسة و العلوم الاداريةو الحقوق مع ذكر الأسباب

ويعطيكم الف عافية

[mr.3jmi]

بالنسبه لــي


الحقوق لان مليوووولي أدبي و ثانيا مستقبل وإن وشهااده قويه نوعا ماء..


..والله يوفق الجميع:)


لاهنت ع الطرح الجميل

[طلحة]

ويييييييييين المشاركات

[# أم أطياب #]

السلام عليكم ورحمة الله وبركاته

..

إذا أنت علمي خلكـ على الهندسة

يازينها تراني منقهرة ماكملتها نصيحة خلكـ هندسة وتخصص بترول أو كمبيوتر أحلى شي

وإذا أدبي حقوق مستقبل على قولة أخونا وشغل عدل :)

وبالتوفيق ان شاءالله أهم شي النسبة الزينة

:)

[سلطان عبدالله]

لاهنت

[عـزوز]

انا خررريج علمي ودخلت الهندسه لان ووودي فيها وتووو خلصت التمهيدي

وناوي اتخصص هندسة كيميائيه بس صعبه مره وكلها أنقلش يمكن اغيررررر


وش تنصحوني فيه وهل فيه احد تخصص كيمياااااء ؟

[المبهم]

بالنسبه لي


انا خريج من الثانويه هذه السنه انشالله ...



ودخلت الادبي لانها ميولي وبكمل الحقوق او العلوم السياسيه لانها ميولي كذلك



ودي اكمل الدراسه بفرنسا يمدحون الحقوق هناك خصوصا ان قانونهم مقارب لقانونا جدا



واسال الله التوفيق للجميع :)

[حُـرّهـْ]

موفقين جميعًا
والتخصصات ماكو شي افضل من شي
كلن وحسب ميوله يشوف تخصص معين هو الافضل

والتخصصات اللي انذكرت كلها تمام ومطلوبه في سوق العمل
وهذا أهم هدف لازم يفكر فيه الطالب المقبل على الحياة الجامعيه :)
هل التخصص المقبل عليه مطلوب مستقبلاً كـ وظيفه في سوق العمل ولالا ؟؟!!
خصوصا في اطار الخصخصه ماعاد ينفع غير الشهاده والتخصص المضمون :)

[عبدالعزيز الشـمالي]

كل تخصص من الي ذكرتهم له مميزات ولا اشياء يحتاج له

يعني الطب انا اصنفه اصعب شي
اولا من ناحيه الدراسه تستمر الى ما يزيد عن 10 سنين وكل اربع سنين يتم اختبارك على كل ما درسته
بالمقابل
لما تتخرج اقوى وظيفه طبيب يعني فعلا وظيفه ممتازه
ولكن السلبيه في الطب انه كل حياتك اتكرس في الطب لان اذا صار اي مرض ولا نزل اي علاج يتم عمل بحوث ومن هالاشياء
يعني كل حياتك دراسه
------------------------------------------
نروح حق الهندسه تخصصي :)
الهندسه في جامعه الكويت يقولون انا صراحه ما اعرف بس يقولون اصعب
الهندسه حلوه لان مجالاتها واجد
هندسه مدنيه كهربائيه ميكـانيـكيه كيميائيه معماريه بترول كمبيوتر
اقسام واجد
فتقدر تختار على حسب رغبتك وعلى حسب ميولك
وازيدك من الشعر بيت
الهندسه تحت فقط 9 سنين عشان تاخذ الدكتوراه في الهندسه
4 سنين بكالريوس
1 الى 1 ونص ماجستير
4 سنين دكتوراه
هذولي التخصصين الي اعرفهم

والله يوفقك

[عـزوز]

اخوي شمالي كل الشكر لك بس ناس سابقتنا بالكليه تنصحنا بالكهربائيه والكمبيوتر والمدنيه لانها مطلوبه بجميع الوزارت مع انه البترول والكيميائيه اقوى واصعب والله يكتب اللى فيه الخير لكل الطلاب المستجدين

[ற!şṧ.ţђỗȭq✿~ ©]

من نآاحية الصعوبهـ في الدراسهـ ..

الطب - الهندسه - الحقوق - العلوم الإداريه





آما إذا يهمك بعدين آلرآحه .. والرآتب ..

فـ
الطب حلو ومعآأش قوي .. لكنهآأ وظيفهـ تهلك آلشخص .. ( يحللون معاشك عدل ) ..!




آلهندسه هم حلوهـ ومجالآتها كثيرهـ .. وتتوظف بآكثر من مكآأن .. !
والرآتب يختلف حسب الوزآرهـ ..



الحقوق ..
اذا ماتصير محقق ولا وكيل نيآبه بلآهآ .. ( اعتقد عقب سنتين ) !!

يعني حرآم عقب الحقوق والدراسه والتعب ..
يقطونك بالبلديه جم سنه .. ولا تصير بآحث قآنوني بوحده من الوزارات !!




مممم العلوم الإداريه مآدري .. عنهآأ ..

بس معآنا موظف متخرج منهآأ .. صآر بقسم المحاسبه !!

حآله حآل خريج التجآري ..! [ نفس المكان مع فرق الراتب ]



:


يعني آشوف آن ( الهندسهـ ) .. هي الآفضل ..!

حتى لو برهـ آلكويت وظيفتك مضمونه :p



ويبقى آختيآأرك للكليـــه حسب ميولك || الدرآسيهـ وآلوظيفيهـ :)!

[عبدالعزيز الشـمالي]

اخوي شمالي كل الشكر لك بس ناس سابقتنا بالكليه تنصحنا بالكهربائيه والكمبيوتر والمدنيه لانها مطلوبه بجميع الوزارت مع انه البترول والكيميائيه اقوى واصعب والله يكتب اللى فيه الخير لكل الطلاب المستجدين

اي نعم المدنيه والكهربائيه مطلوبه حيل
بس اول مره اسمع كمبيوتر
سابقا كان الهندسه الميكانـــيكيـــه مطلوبه بشده بس قل الطلب عليها

اما الباقي والله ما ادري والله ياخوك
بس السبب الي خلاني اختار هندسه كهربائيه هو اول شي ميولي لهذا المجال
ثاني شي سوق العمل يدوره دواره

يعطيك العافيه

[أستكثرك]

السلام عليكم

حبيت نسوي مقارنة مع ذكر الافضل من وجهة نظرك في أربعة تخصصات

الطب و الهندسة و العلوم الاداريةو الحقوق مع ذكر الأسباب

ويعطيكم الف عافية


والله ياخوي انا قريت رد الاخوان الله يعطيهم العافيه

لكن انا اقولك عن نفسي انا اتيحت لي الاختيارات واخترت الهندسه

لانه الطب كوضيفه متعبه جدا وتاخذك من الناس ووضيفه مسؤليتها ارواح وبشر

و علوم اداريه كمستقبل ماعتقد قوي لانه مو مرغوب بشكل ملحوظ كتخصص الا الي عنده

شركه خاصه

اما الحقوق فلاحظنا بكثره اهل الحقوق وانا اعرف ناس شخصيا خذو حقوق وبطاليه الحين

مالقو الوضيفه المناسبه والطمعه بالحقوق انك تصير وكيل نيابه وهذه عارف واسطات وبلاوي


فالهندسه هو التخصص او الاتجاه الانسب للوقت الحالي ومرغوب بكل الاماكن وانا تخصصي

هندسه كهربا لانه مافي قطاع او مكان الا وفيه الكهربا

وسامحونا على التقصير

[المبهم]

انا اقصد الحقوق من فرنسا يعني الشهاده فرنسيه




وانا اعرف ناس معاهم شهاده حقوق من الاردن ومصر وبطاليه بس شهاده عن شهاده تفرق

[موده السنيه]

بالتوفيق للجميع

[كحيـــــــلان]

شدعوة كلكم ضد الطب :eek:

<== شكلي بغيـّر حساباتي !!

[كحيـــــــلان]

انا للحين ما قدمت على شي بس كفـّة الطب ارجح ..
خصوصا لان الهندسه صارت وظيفه منتشره وكل عائلة فيها مهندس [ تقريبا ] ..
والسبب الثاني لان نسبتي عاليه فـ/ حرام ادش هندسه حالي حال الي جايب 80 !
:
بس المشكله الناس كلهم يتهولون منها ويقولون كلها دراسه وتعب .. حتى ردودكم تقول كذا ..
:
احترت :o

[سمو الامير ..!]

مبرووك يا كحيلان التفوق ومنها للاعلى انشالله

ومثل ما قلت الهندسه منتشرره بكثره والحقوق نفس الشئ

بس الطب غير لانه افضلهم والاقوى فيهم وقليل دكاتره كويتيين

وبعدين ما عليكم من كلام الناس الكلام شي والواقع شي ثاني

واعقلها وتوكل على الله دامك صامل

وموفق خير

[محمد بن سعود]

انا للحين ما قدمت على شي بس كفـّة الطب ارجح ..
خصوصا لان الهندسه صارت وظيفه منتشره وكل عائلة فيها مهندس [ تقريبا ] ..
والسبب الثاني لان نسبتي عاليه فـ/ حرام ادش هندسه حالي حال الي جايب 80 !
:
بس المشكله الناس كلهم يتهولون منها ويقولون كلها دراسه وتعب .. حتى ردودكم تقول كذا ..
:
احترت :o

كيحـلان ، اول شي مبرروك يالغالي ..

وثاني شي اللي في راسك سـوه ولا عليك من فلان وعلان ،

واذا علي الطب روح اسنان وتوكل علي الله وعليك بـ كندا :)

[صابر على الدنيا]

كلهاا عال العال
انا تصصي علمي ورغبتي علمي ودي في هندسه كيميائيه
وعلى ما اظن ان الحقوق ما يقبل العلمي

[نسيت0انساك]

الحقوق يقبل العلمي اخوي


بس بالنسبه لك اخوي كحيلان ترا حبيت اقولك معلومه الكل يقولها عن الطب

مادري صجها من كذبها ان الطب طول حياتك الوظيفيه دراسه

لانها تتطلب منك تشوف الكتب عن امراض وترد تراجع كل سنه علشان ماتنساه الي درسته

مادري بس صراحه انا توقع هالكلام صحيح والله يوفقك سواء هندسه ولا طب ولا حقوق

ولاحتى علوم اداريه انت فكر بميولك ولا تفكر بنسبتك احسن لانك ان دشيت شي انت ودك

فيه ممكن انك تبدع فيه احسن من انك تدش شي خاطرك مو فيه وهاذي تعتبر وجه نظري

[كحيـــــــلان]

<== ولا زلت محتار :o

[# أم أطياب #]

8

ليش تحتار :mad:

روح طب ومثل ماقالكـ محمد بن سعود طب أسنان حلو وأسهل شي تقريبا بالطب

توكل على الله بس

[محمد بن سعود]

ليش محتار ياكحيلان ؟؟

وش ناوي تدرس انت اصلا ؟:)

[خزنه بنت مايكل]

^



هندسة .. عشآن ينآدونك بآش مهندس :)


الطب وظيفة تأخذ من عمرك و شفتـآت و قرف برآيي :(

[كحيـــــــلان]

انا محتار بين الراحه والتعب ..
:
ناس واجد يقولون ان دشيت طب بتقعد عمرك كله تدرس وكل مانزل مرض تدرس عنه وكل مانزل علاج تدرس عنه .. وكتابك طول حياتك بايدك ..
:
وناس ثانين يقولون الهندسه صارت مهنه عاديه من كثر مانشوف المهندسين حولنا اما الطب نادر مانلقا دكاتره !
وكفاية يناديوني [ يادختر :rolleyes: ] .. ومهنه انسانيه ودخل قوي ..

انا مالي ميول معين .. في بعض الناس يتخرج يقول انا ابي اصير مهندس / انا ابي اصير طيار !
انا ماعندي هالميول !..
:
اكبر مخاوي اني أعشّم العالم فيني واروح اسافر وافشل وارجع :cool:

[محمد بن سعود]

كحيلان /:

الطب العام صعب شوي انا معاك وكل يوم يطلع مرض تدرس عنه ،، اما بالنسبه لـ الاسنان مستقبل حلوو وصعبه اول سنتين والباقي سهلات ،، واذا انت تخاف من الشي الصعب انا اقول لك اخذ اسنان وريح نفسك كلها 32 ضرس واذا تبي تخصص عقبها كيفك :/ اما الفشل وانا اخوك عادي منت اول واحد ولا اخر واحد فشل غيرك وااجد راحو ورجعو واعترفو إن الدراسه صعبه ...

أنت توكل علي وقرر مستقبلك ..

[كحيـــــــلان]

انا رآفض طب الاسنان ومب حآبه <== كل يوم الصبح يجون العآلم ويفتحون ثمهم عندي واخذ الريح الطيب :rolleyes:
:
لا انا مب حابه .. ومدام اني نويت طب باضرب على الكايد ..
وعلى كل حال انا لو بدخل هندسه بدخلها بالكويت ماني رايح برا .. وجامعة الكويت ماقبلتني يعني مابه هندسه <== ادري صدمه :)
يقولون لازم تقدم قدرات وانا ماقدمت !
واذا ابي ادخل الجامعه لازم انطر لين الكورس الجاي واقعد هالكورس بطالي ..
:
الله لايهينكم جميع ع النصآئح ..
وانشالله اني طب بشري ..
وان كاني انقطعت عنكم تراني افلحت ..
وان كاني دقيت مركابه عندكم ترا ماعندي ماعند جدتي :p

[محمد بن سعود]

اذا طب بشري روح إيرلند

وووموفق يادكتور :)

[كحيـــــــلان]

انا اول رغباتي ايرلندا عقب بريطانيا عقب كندا ..

والله يجزآك خير يابآشآ :)

[# أم أطياب #]

مساء الخير ..

إي نعم ايرلندا أعرف ناس فيها طب عام ومو شطار وتوفقوا :)

التوفيق من رب العالمين

وعسى الله يوفقكـ الطب العام حلو ان شاءالله نجي نعالج عندكـ قدني عجوووووووز :p

[# أم أطياب #]

نسيت ... من غير شر لي ههههههههه

[محمد بن سعود]

^

^

اخاف صدق بس :× اصعب شي بالطب في ايرلندا :)

[# أم أطياب #]

ماقلت سهل :confused:


قلت توفقوا من الله :o

[كحيـــــــلان]

الطب في ايرلندا من اصعب الطب في العالم ..
لكن تطلع طبيب فاهم ..
واجمل شي في ايرلندا والشي مب موجود في كل الجامعات في العالم ..
انك اذا رسبت في سنه يعطونك دور ثاني .. واذا رسبت في الدور الثاني يسوون لك مقابله يعرفون ليش رسبت يمكن عندك مشاكل وظروف ..
:
مشكورين يابوسعود وياطيبه :)

[خزنه بنت مايكل]

^



آهم شئ تصلي استخـآرة قبل كل شئ

و الله يوفقك .. طب الاطفـآل ترى حلو :rolleyes:

[محمد بن سعود]

الطب في ايرلندا من اصعب الطب في العالم ..
لكن تطلع طبيب فاهم ..
واجمل شي في ايرلندا والشي مب موجود في كل الجامعات في العالم ..
انك اذا رسبت في سنه يعطونك دور ثاني .. واذا رسبت في الدور الثاني يسوون لك مقابله يعرفون ليش رسبت يمكن عندك مشاكل وظروف ..
:
مشكورين يابوسعود وياطيبه :)

القانون هذا في اكثر الجامعات في العالم ،، تقدر تعيد الامتحان ثلاث مرات والرابع مقابله شخصيه :)

[كحيـــــــلان]

^
^
والله مدري بس انا وآجهت طآلب طب في ايرلندآ وقآلي هالكلام ..
خزنه الله يجزاش خير .. وخلينا ندرس طب عام والتخصص لاحقين خير:rolleyes:

[نــسـيـنــاكــــم]

بالتوفيق يا كحيلان

عقبال ما نشوفك دكتور

[خالد بن نفل]

لاهنت
ويعطيك العافيه

[كحيـــــــلان]

الله يجزآك خير انشالله ..

:

وانا رحت اليوم التعليم العالي وكملت التسجيل والنتايج الاسبوع الجآي :rolleyes:

[gravity]

اولا ألف مبروك التخرج والتفوق ومنها لاعلى ياااارب

الله يسهل لك اموورك , واستخير ياكحيلان



فكر بشهادة تسمح لك تكمل ماستر ودكتوراه .. الحين الباكلريوس بروحه عااااااااادي

وأنت متفوق وان شاء الله تكون نظرتك ابعد


لا قررت علمنا

وبالتوووووفيق

[كحيـــــــلان]

الله يبارك فيش ويجزاش خير ..

انا الحين قدمت وخلصت وتقدرين تقولين قرار شبه نهائي :)
وان كملت فالطب اكيد بتخصص ..

مشكوره ع النصيحه والله لايهينش :)

[محمد بن ابراهيم]

ما فكرت بهندسة طيران وفضاء؟ :)

[المبهم]

اذا انت تقول ان الهندسه مهنه منتشره وكل بيت فيه مهندس ...




ترا شهاده عن شهاده تفرق وجامعه عن جامعه تفرق وفكر فيها صح والله يوفقك انشالله






انا سجلت في جامعه الشارقه في الامارت كلية القانون وخوش جامعه وقوية والحلو فيها انها انتظام وشهادتها قويه ومعترف فيها





بالتوفيق :)