المساعد الشخصي الرقمي

مشاهدة النسخة كاملة : sufrany إسمع العلم إسمعه

عـزام
15-09-2004, 06:58 PM
مساكم الله بالخير...

وإستلم يا ذيب لا هنت...



بالله يا العجمان واهل الطيب ياللى حاضرين= بالله قولو ل بن سفران .... اسمع العلم اسمعه

سفرانى للمسرى تولم وانت رجال(ن) ذهين=وما للمسارى كون ذيبان ... اسمع العلم اسمعه
sufrany
16-09-2004, 06:10 AM
صبحك الله بالخير

هلابك يا الولهان



وش فيك يا الولهان يا منصي الرجال الغانمين=تقنب قنيب الذيب سرحان.......أسمع العلم أسمعه


أنا معك في خير وألا شر والقاسي يلين=وأنا بعد للعلم ولهان.......أسمع العلم أسمعه
عـزام
16-09-2004, 06:44 AM
مرحبا صبحك الله بالنور

لله درك استلم لا هنت..



حنا بوسط السوق والتجار ما هم غافلين = واللى شرى بالسر ربحان.... اسمع العلم اسمعه


مقياض عاما ياعميلى وين كنتو قاطنين= يوم اكثر العربان شتان... اسمع العلم اسمعه
sufrany
16-09-2004, 08:17 AM
مرحبا بك يا الولهان

أستلم لا هنت



العلم من بيني وبينك يا السنافي لا يبين=واللي شري بالدين خسران....اسمع العلم اسمعه


العام مقياضي عساه أيعود شرق أمن القرين=مانيب أسافر صوب لبنان.....اسمع العلم اسمعه
عـزام
17-09-2004, 02:55 AM
استلم لا هنت...



المشكله وش حلها لا صار فى يدينك ثنين= ما تنجمع فى اليد يافلان.....اسمع العلم اسمعه

والثانيه للى سرى والناس قدهم منكفين= يحتاج كيّه وقت الاذان......اسمع العلم اسمعه
sufrany
17-09-2004, 06:20 AM
أستلم لا هنت



المشكله ما حلها والله يعين الصابرين=وأن قلت له وش فيك زعلان.....اسمع العلم اسمعه


والثانيه للي سري ما فاد له سمن وسمين=لكن أبي أخذ شور سلطان.....اسمع العلم اسمعه
عـزام
18-09-2004, 05:24 AM
استلم لا هنت....



أحيان أحس إنك ذكى وأحيان أحس انك فطين= هذى الحقيقة دون بهتان.....اسمع العلم اسمعه


وأنا كما در البحر وأنته كما الماس الثمين = للخيل والميدان فرسان.....اسمع العلم اسمعه


الولــهــان
sufrany
18-09-2004, 06:18 AM
أخي الولهان أشكرك ولا قصرت وأنا أودعك لأن عندي ظروف خاصه لا تسمح لي بدخول النت والله أنك المكسب الوحيد من دخولي المنتدي وإن شاء الله نشوفك عند الأبل في الربيع الله يجيبه؛؛
أستلم لا هنت؛؛
مع السلامه يا السنافي يا كعام العايلين=أخذ الحقيقه دون نقصان.....اسمع العلم اسمعه

يا الطيب اللي دائم(ن) بيتك مضيف الطيبين=وقتك غدي يا السيف شامان.....اسمع العلم اسمعه
عـزام
18-09-2004, 06:50 AM
افا والله يا سفرانى مهيب هى والله ضيقت صدرى

والله مالك حق الاشغال ما تخلص وانا اخوك والنت مهوب رادك عنا لو تشبك بين فتره وفتره لكن اربك تستخير وانت علمك فى راسك.

لكن والله انى تشرفت بمعرفتك واللعب مع مثلك يزيدنى شرف

واستلم وانت والله تستاهل قصيده كامله




الطيب مكسب للنشاما والرجال العارفين= اللى سواتك يا كحيلان....اسمع العلم اسمعه

والله لو العلم عندى يا عشير الغانمين = مانخسرك يا لليث يا حصان....اسمع العلم اسمعه

ارحل عسى دربك خضر مفروش ورد وياسمين =قربك وعرفك يرفع الشان..... اسمع العلم اسمعه.
sufrany
18-09-2004, 08:32 AM
الولهان نشوفك علي خير وقسم بالله إنك أكبر مكسب
لي من هذا المنتدي؛؛؛
مع السلامه تري الروحه هي الروحه=نفسي علي الهينه مانيب مضريها