أشــــهبٍ لــــونه غــــريــب الوصف كنه لون ذيب [الأرشيف]

ffahad

15-09-2004, 01:06 PM

(((( شريط الذكريات (((
))))))))))))))))))))))))))

يوم بان ســـهــيـل يـااهل العرف من بعد المغيب = احــترك قــلبي وعـيـــنــي حـــرمت لـــذ المبات

قـــمت أخيل البرق وأباصر على الرأي المصيب =أضــرب الأريــاء بــراســـــي يوم مرت ذكريات

ذكــريـــاتٍ مـــــاضـــيـــاتٍ للــــــسروح وللـــــعزيـب =يــوم ريعــان الــصــبا هــو والــسنين الماضيات

وقـــــلت مــا للــــدرب هـذا والبراري كـود جيب=لا الدداســن لا الهلكس ولا الصغار الطامنات

صــنعــة اللــي لأجــل يــضبـط صنعته شغله رتيـب=صـنـعـتـه عــن صــنـعـة أمــريـكا تــزود ممـــيزات

افــطـــس الـــخـــشّه قليل الدين مقطوع النصيب =مـنـصــح بــشـــغـــلــه مــع أنه لاصيام ولا صلات

جــيــب لا نـــدكـــروز ما يـحتاج هو حلم الغريب=مــن شـــركتــه تـضمــنـه "تايوته" يكــــد سنوات

قـــوتــــه لا قـــلــت انــا ابقــيــســها بــأم الــــسبـيب= أربــع آلافٍ وخــمــســمــيـــة حـــــصــانٍ ثابتات

ولاســحــبــــت عـــيــــار زيــتـــه بــعد مشوارٍ تعيب =تــقـــل من جالون "شل سوبر" بدون مبالغات

جـــرّته بـــالـــنــــفـد ولا مــع تــغـــاريــز الـــــشـعيب = كـــان حــــوّل بـــالـقـعـور وكان عدّى النازيات

جـــرّت الــــمـــوس الرهيفه بـين أصابيع الطبيب = يـــوم قـــرر للــعــمــلـــيـــه ثـــــوان مــــحـددات

فـــي مــريـــــــضٍ طال صبره وانتهى وعيّا يـطيب =مـــئــيـــسٍ مـــن لـــذة الـــعيشه ودار المغريات

مــن عـــجــــلـــتــه ما تحرّى البنج يبلغ بالصويب= قــرّبـــه فــــي غــــرفــةٍ بـس أجهزه والسسترات

أشــــهبٍ لــــونه غــــريــب الوصف كنه لون ذيب=والله أنــه كنـــه الــســــرحـــان في كل الصفات

مايـــهمــــّه لــو يصــــير الــدرب قــــدامــه صـــعيب =ســهـمته يضرب على الكايد لا شاف مضايقات

كل مــا ظــنــيــت بــه ظـــنٍ وهـــقــوه مــايـــخيب= يــقــطــع الــديــان ويــعــدّي مـراقيب السرات

اشــتــغـــالــــه مـــنـــتـظم هادي وله صوتٍ عجيب= دقـــّة بــلـــوفـــه بـــهـــا مــتداخله سبع اللغات

أو كـــمــــا هـــرجٍ بــهــمسٍ من حبيب ليا حـبيب =امــتــواصــل مـــا يـــجـــيـــبــه وقـفـةٍ ومقاطعات

لا ســمــعــتــه تــل قـــلبـــي تـــل دلــوٍ مــن قلـيب=وش جـــدايــــه مــاجـدايه غير أجاوب بنهتات

الــمــوديـــل اثــنــين فـــوق ألفـين والعاين يهيب=جـــنط شنـبـر والكفر "بالون" خمس مركبات

رصـــّع الـــــطبلون بــالفـــضــــه ولا نـــوّر رهـــيــب=انـشـرح لا قــمــت أراقــب قــايــمـاتٍ نـايمات

تـــوّ طـب المملكة قبل أمس مع صوت الخطيب=مـــع مـواذين الفجر من جمرك الحدين فات

مـــن ديــار "دبي" فـــي لـوحـاته التــصدير جيب=مـن ديــار الــحــاكـم اللــي مـزبـنٍ للـجاذيات

وأمـــس راح لــجــمــرك الــرقــعي وعـوّد ما يغيب= يــوم عــوّد جــايـب له كــرت طبق مواصفات

كـــنــه اللــي يــستـقـص قبــل المسا جرت ذهيـب=فــاختــن عــن عـينه وهن في غلاهن غاليات

لا نـــتلـــت القــيــر وانــته عـــــجل ماطق الصليب=وخــف نفــسـه مـاتـغـيــّر بـالظــروف الــقـاسيات

ثــم قـــمــت أخـــتـــرت معي رجل فكاك النشيب=صـيـرمــيٍ بــالـــمــواقــف مــاذبح نفسه شمات

تــاج راســـي مـــن حــزامٍ للـــعدى دايــم كريـب=مـا ارتـخى لــو لـحظةٍ وحده بكل الواجبات

لا ح فـي وجـهـه وفــي راسـه من التجريب شيب=امـتـسـاويةٍ بـها الـدنــيـا حيــاتـــه والـــمـــمــات

ماخــذا ســــرّه بــعــيــد ولا خــذا ســـــرّه قــريـــب=يــلـهــد المـــشــفـين بالصدّه وفي كثر السكات

دايـــم احـــطـــه عــلى يــمــنـاي لا بــار الصحيب=وانــتــخــيــبـــه بالــلـــوازم والأمور المعضلات

يــوم نــاديـتــه ســوى يــا راعــي اليمنى الذريب=قــال انا حزامك وسيفك من سيوفٍ مصقلات

قــلــت جــاهـــز جـيـبـنـا .. يــاخــويــي يالأديـــب=بــحــوضه العـزبـه وفـوق التنده اثنين أريلات

ثــم بــرمــجــنا جــــــهــاز "القارمن"والله رقــــيـب=ودق زر "الكنود" وجــاوب له بصوت انغمات

وشــال فــوق ذراعــه اللــي مــخلبه دايم عطيب=افـحـجٍ رجــلــيــه لا حـــد الـسـبــوق مسرولات

فــرخٍ ابــيــض مــــن شــمال المملكة توّه قضيب=فــــــارسيٍ كـــــل مــــــن مـــــرّه يـعيد الالتفات

ثــم ســقـــنا مــن ديــار الشــــرق والــبحر المـهيب=من الجبيل اللي شمالٍ عن عنكّ وعن سيهات

من ديــارٍ بــــرّهــــا مـــا بـــيــن شــبــك وبين بيب=يـــــم دارٍ بــــــــرّهــــا يــطـــلــع أنــواع النبات

ديـــرةٍ ربـــعــــي حمــوها من هكالوقت العصيب=اســكـنــوا واد الــرمه مــثـل الجبال الراسيات

ربـــعـــي اللي نـحمد الله ما مشوا في درب عيب=مــا دفــعوا شــاة الأخــاوه بــالليـال المعسرات

خــــصمـــــــهم دايم وهو معــــبون تصلاه اللهيب= ولا صــاحــبهم بـــربي مــا تـجـيه الــمـــــايلات

ودّي اســــــيّر عـلـيـهـم واشـرح الـــبال الكئــــيـب= انـبـسـط عــنــد الرجال اللي تشـيل الكايدات

آتـــــمـشـى فــي ديــــارٍ مـالـــــنــــا فيــــــها طــليـب= كلهـم درعـي لـباسي كالــنـجـوم الـــــــمرقبات

يوم اسج الرجل والله لا اهل الاصـــــل الـعريـب=يـسـتـعـيـد الـجسـم روحـه فرحةٍ راحت وجات

ويوم اعدّي ساعةٍ وحده على راس الــجذيـــــب=ويوم امـد الشــوف ســاعه بالســهال المخليات

ويـــوم ادوج وســط حــمرٍ معـروفـــه بالـحلـــــيـب=حـمــرٍ تـنـومـس اهـلهــا مــطــبــعــه ومـسـيـسات

وسـمـهــا واضـــح عــلى مـــفرود ولا فـــــوق نيــب=الـهـلال ومطـــرقــيـــن وبــالشــواهـد بــيـنــــات

ماطــــمع فيــــــها ولا واحد على وقـت النهـــــيب= ومـن تهقـوى جـثــتـه عـنـد الســبــاع الـجايعات

ويــوم هـــم للـعزّ عـــزّ ويـوم هم للطيب طـــــيب=لايــمـي يــالايـمـــي فيهم عسـا عقــبـك بنــــات

ذا كـــلامي يـــوم بـان سهــيل من بعد المغـــــيب=يـوم مـرّت ذكــريــاتٍ مـــــن شــريط الذكريات

:::::::::::::::::::::::::::::::::::::::::::::::::: ::::::::
:::::::: مشعل بن سعد الحربي ::::::::::::::::